Gálatas 3:10 - CHUYA QELLQA La Biblia en Quechua de Ayacucho 2012

¹⁰ Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Quechua Ayacucho Bible 1987

¹⁰ Aswanqa Moisespa kamachikusqankunaman hapipakuqkunaqa ñakasqam kachkanku. Bibliam nin: —Moisespa libronpi llapallan kamachikuykunata tukuy tiempopi mana kasukuqkunaqa Diospa ñakasqanmi kanchkanku —nispa.

Chuya Qellqa 1992

¹⁰ Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Gálatas 3:10 Iomraidhean Croise

Génesis 4:11

Wawqekipa yawarnin chaqchusqaykimantam kunan ñakasqa kaspa kaymanta qarqosqa kanki.

Isaías 43:28

Chayraykum temploypi kamachikuqkunata penqayman churarqani, Jacobpa miraynin Israel llaqtatapas, ñakarichisqa hinaspa usuchisqa kanankupaqmi saqerurqani.

Jeremías 11:3

Israelpa yupaychasqan ñoqa Tayta Diosmi kaynata nini: Pactoypa nisqankunata mana kasukuq runaqa ñakasqa kachun.

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Ezequiel 18:4

Llapa runakunaqa ñoqallapam: Taytapa vidanpas hinaspa churipa vidanpas ñoqallapam. Pipas huchallikuqqa wañunqapunim.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Romanos 4:15

Leyqa castigotam apamun, mana leypa kasqanpim ichaqa mana ima pantaypas kanchu.

Romanos 6:23

Huchapa pagonqa wañuymi, Diospa qowasqanchikmi ichaqa Señor-ninchik Jesucristowan kuska wiñaypaq kawsakuy.

Romanos 8:7

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

2~Corintios 3:7

Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanrayku mana qawaytapas atirqakuchu. Chay leyqa atiyniyuq kachkaspapas chinkaruqllam karqa.

Gálatas 2:16

Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Deuteronomio 27:26

¡Kay yachachikuykunata mana kasukuq, mana ruwayman churaq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

Deuteronomio 29:20

Tayta Diosqa chayna runataqa manam pampachanqachu, aswanqa contranpi sinchita piñakuruspanmi kay libropi qellqasqa kaq ñakaykunata payman kachaykamunqa, chay runapa mirayninkunatapas Tayta Diosqa manaña pipapas yuyarinankamam kay pachamanta chinkarachinqa.