Gálatas 3:1 - CHUYA QELLQA La Biblia en Quechua de Ayacucho 2012

¹ ¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Quechua Ayacucho Bible 1987

¹ ¡Ay, Galacia lawpi kaq mana yuyayniyoq wawqe-panillaykuna! ¿Pitaq pantarachisunkichik? Willaptiykum qamkuna suma-sumaqta entienderqankichik chakatasqaqa Jesucristo kasqanta.

Chuya Qellqa 1992

¹ ¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Gálatas 3:1 Iomraidhean Croise

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 7:26

Nisqayta uyarichkaspan mana ruwayman churaqmi ichaqa, aqopa hawanpi wasichakuq mana yachayniyuq runaman rikchakun.

Lucas 24:25

Chaymi Jesusñataq paykunata nirqa: Mana yuyayniyuq runakuna, qamkunaqa profetakunapa willakusqantapas sasallaña creeqmi kankichik.

Hechos 16:6

Frigia lawninta hinaspa Galacia lawninta pasaruptinkum, Chuya Espíritu harkakururqa Asia lawpiqa ama willakunankupaq.

Hechos 6:7

Diospa palabranta willakuptin-kum Jerusalén llaqtapi llapa iñiqkuna aswan-aswan mirarqaku. Judiokunamanta kaq sacerdotekunapas achkallañam Jesusman iñikurqaku.

Romanos 10:16

Ichaqa manam llapallankuchu allin noticiata kasukunku. Isaiasmi nirqa: Señorlláy, ¿pitaq willakusqaykutaqa creerqa? nispa.

Romanos 2:8

Kikillanpaq munaqkunatawan cheqap kaqkunata mana kasukuspa mana allinllapi puriqkunatam ichaqa piñakuywan castiganqa.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

1~Corintios 11:26

Kay tantata sapa kuti mikuspam, kay copamanta tomaspam Señorpa kutimunankama wañusqanmanta willakunkichik.

1~Corintios 2:2

Qamkunawan kaspayqa manam imamantapas yachaytaqa munarqanichu, aswanqa chakatasqa Jesucristollamantam.

2~Corintios 10:5

Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

Gálatas 1:2

Ñoqa Pablom, kaypi kaq iñiqkunapiwan Galaciapi kaq llapallan iglesiakunaman rimaykamuykiku.

Gálatas 1:6

Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Gálatas 2:14

Cheqap allin noticiaman hina mana kawsasqankuta qawaspaymi llapa iñiqkunapa qayllanpi Pedrota nirqani: ¿Qamqa judío kachkaspaykichu huklaw runakuna hinaraq kawsachkanki? hinaspaykiqa, ¿imanasqamá huklaw runakunataqa judío hina kawsanankupaqqa hikutachkanki? nispa.

Gálatas 3:3

¿Paqway mana yachayniyuqchu rikurirunkichik? Espirituman hina qallarispachu, kunanqa aychaman hinaña tukurunkichik.

Gálatas 4:9

Kunanmi ichaqa cheqap Diostaña reqsirunkichik otaqmi payña reqsirusunkichik, hinaptinqa, ¿imaynampimá kay pachapi ñawpaq yachachikuykuna kasukuqqa kutiriwaqchik? ¿Huktawanchu esclavo kayta munankichik?

Gálatas 5:11

Wawqe-panillaykuna, sichum “Seña-lachikuychik” nispayraq yachachiptiyqa, ¿imanasqamá qatikachawachkankuqa? Chayna kaptinqa Jesucristopa cruzpi wañusqanmanta willakuptiyqa manachiki paykunataqa piñachinmanchu.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Efesios 5:15

Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

1~Timoteo 6:4

chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.

Apocalipsis 18:3

Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.