Gálatas 2:8 - CHUYA QELLQA La Biblia en Quechua de Ayacucho 2012

⁸ Kikin Diosmi, Pedrotaqa judiokunapa apostolnin kananpaq kamachirqa, chaynam ñoqatapas mana judío kaqkunapa apostolnin kanaypaq kamachiwarqa.

Quechua Ayacucho Bible 1987

⁸ Diospunim Pedrota kamachirqa *f**apostolnin kaspa judiokunaman willakunanpaq, chaynam ñoqatapas Diospuni kamachiwarqa apostolnin kaspay mana judio kaqkunaman willakamunaypaq.

Chuya Qellqa 1992

⁸ Kikin Diosmi, Pedrotaqa judiokunapa apostolnin kananpaq kamachirqa, chaynam ñoqatapas mana judío kaqkunapa apostolnin kanaypaq kamachiwarqa.

Gálatas 2:8 Iomraidhean Croise

Hechos 1:25

Chaynapi Judaspa rantinpi ñoqaykuwan apóstol kananpaq. Judasqa apóstol kayninta wischupakuspanmi maymi kananman ripukun, nispanku.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 15:12

Hinaptinmi lliw upallaruspanku Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta.

Hechos 19:26

Ichaqa qamkunam rikuchkankichik hinaspa uyarichkankichik kay Pablopa rimasqanta, paymi nichkan: “Runapa ruwasqanqa manam dioskunachu”, nispa. Chaynata nispaqa manam pantachichkan kay Éfeso llaqtapi kaqkunallatachu, aswanqa lliw Asia lawpi kaqkunatawanmi.

Hechos 21:19

Pablom paykunata rimaykuspan willakuyta qallaykurqa, imaynam paynintakama mana judío kaqkunapi Diospa tukuy imakunam ruwamusqanmanta.

Hechos 22:21

Chaynata niptiymi Señorñataq niwarqa: “Qamtaqa karu llaqtapi mana judío kaqkunaman rinaykipaqmi kamachisqayki”, nispa.

Hechos 4:4

Chaywanpas achkaq uyariqkunam iñikurqaku, qarikunallam karqa yaqa pichqa waranqa.

Hechos 8:17

Chaymi iñiqkunaman Pedrowan Juan makinkuta churaykuptinku Chuya Espirituta chaskirqaku.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 9:2

Wakinkunapaq mana apóstol kaptiypas qamkunapaqmi ichaqa apóstol kani, qamkunata Señorman iñichisqaymi sello hina sutilla apóstol kasqaymanta kachkan.

Gálatas 3:5

Diosmi Espiritunta qosunkichik hinaspa qamkuna ukupi milagrokunata ruwan, ¿imanasqataq kaykunata ruwan? Manam leyta kasukusqaykichikraykuchu, aswanqa Jesucristomanta uyarispa payman iñisqaykichikraykullam.

Colosenses 1:29

Chayraykum Cristopa qowasqan hatun atiywan sinchita kallpanchakuspay llamkachkani.

1~Tesalonicenses 2:13

Chayraykum ñoqaykupas Diosman tukuy tiempo graciasta qoniku. Ñoqayku willaptiykum Diospa palabranta chaskirqankichik, ichaqa manam runapa rimasqanta hinallachu aswanqa Diospa cheqap palabranta hinam, chay palabraqa qamkuna ukupim allinta ruruchkan.