Gálatas 2:7 - CHUYA QELLQA La Biblia en Quechua de Ayacucho 2012

⁷ Ichaqa, imaynam Pedrota Dios akllarqa judiokunaman willakunanpaq, chaynam ñoqatapas Dios akllawarqa mana judío kaqkunaman allin noticia willakamunaypaq.

Quechua Ayacucho Bible 1987

⁷ Qawasqankuman hinam Pedrota Dios akllarqa judiokunaman willakunanpaq, chaynam ñoqatapas Dios akllawarqa mana judio kaqkunaman allin noticiata willakamunaypaq.

Chuya Qellqa 1992

⁷ Ichaqa, imaynam Pedrota Dios akllarqa judiokunaman willakunanpaq, chaynam ñoqatapas Dios akllawarqa mana judío kaqkunaman allin noticia willakamunaypaq.

Gálatas 2:7 Iomraidhean Croise

Hechos 15:12

Hinaptinmi lliw upallaruspanku Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta.

Hechos 18:6

Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.

Hechos 28:28

Chaynata Pablo rimaruspanmi nirqa: Kunanmantaqa yachaychikyá, Diospa salvacionninqa mana judío kaqkunamanpas willasqañam kanqa, paykunam ichaqa uyarinqaku, nispa.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 11:13

Mana judío kaqkunamanmi ichaqa kayta nikichik: Diosqa akllaykuwarqa mana judío kaqkunapa apostolnin kanaypaqmi, chaynapim tukuy sonqoywan ruwachkani,

1~Corintios 9:17

Chayraykum kikillaymanta ruwaptiyqa premioy kapuwanqa, sichum mana voluntadwan ruwaspayqa Diospa kamachisqallantam ruwachkani.

Gálatas 1:16

Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Gálatas 1:18

Kimsa watamantañam Jerusalén llaqtaman rirqani, Pedrowan reqsinakamunaypaq, chaymi chunka pichqayuq punchaw paywan karqani.

Gálatas 1:6

Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Gálatas 2:11

Antioquía llaqtaman Pedro hamuruptinmi pantaypi kasqanmanta uyanpipuni qaqcharqani.

Gálatas 2:14

Cheqap allin noticiaman hina mana kawsasqankuta qawaspaymi llapa iñiqkunapa qayllanpi Pedrota nirqani: ¿Qamqa judío kachkaspaykichu huklaw runakuna hinaraq kawsachkanki? hinaspaykiqa, ¿imanasqamá huklaw runakunataqa judío hina kawsanankupaqqa hikutachkanki? nispa.

Gálatas 2:9

Jacobowan, Pedro hinaspa Juanmi iñiqkunapa kamachiqninkuna karqaku, paykunam Diospa kuyakuynin qowasqanta yachaykuspanku ñoqatawan Bernabeyta alleq makinkuwan hapiykuwarqaku llamkaqmasinkuña kanaykupaq, hinaspam kamachiwarqaku mana judío kaqkunaman willakunaykupaq, paykunañataq Judío kaqkunaman willakunankupaq, nispa.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

1~Timoteo 1:11

Chay allin yachachikuyqa yupaychasqanchik Diospa kunawasqan ancha allin noticiam.

1~Timoteo 2:7

Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

2~Timoteo 1:11

Diosmi churawarqa Jesucristomanta allin noticiata willakunaypaq, apostolnin hinaspa yachachikuq kanaypaq.

2~Pedro 3:15

Amayá qonqay-chikchu, Señorninchikpa paciencianqa salvawananchikpaqmi. Chaynatam kuyasqa wawqenchik Pablopas qellqamusurqankichik Diospa yachay qosqanman hina.