Gálatas 2:4 - CHUYA QELLQA La Biblia en Quechua de Ayacucho 2012

⁴ Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

Quechua Ayacucho Bible 1987

⁴ Chaywanpas wakin runakunam iñiqmasinchik tukuspanku yaykuramurqaku, paykunam Tito señalachikunanta munarqaku. Tukuy ima rurasqaykutam wateqawarqaku hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

Chuya Qellqa 1992

⁴ Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

Gálatas 2:4 Iomraidhean Croise

Isaías 51:23

Aswanqa ñakarichisuqniki nacionkunamanmi chay vasomanta tomachisaq; paykunam nisuq kanki: “Hawaykita purinaykupaq pakchakuy”, nispanku. Chaymi allpata hina sarupasunaykipaq, ñanta hinam wasaykita pampaman churarqanki.

Lucas 5:38

Mana poqosqa vinotaqa musoq odrekunamanmi hillpuna.

Hechos 15:1

Chay punchawkunapim wakin runakuna Judeamanta Antioquia-man rispanku, llapa iñiqkunata kaynata yachachirqaku: Moisespa kamachisqanman hina mana señalachikuspaykichikqa manam salvakuyta atiwaqchikchu, nispanku.

Hechos 15:24

Yachanikum ñoqaykuwan kaqkunamanta wakin runakuna mana kamachichkaptiyku qamkunaman hamusqanta. Paykunam yachachikuyninkuwan pantachisuspaykichik iskayrayachisurqankichik, señalachikunaykichikpaq hinaspa Moisespa leyninta kasukunaykichikpaq kamachisuspaykichik.

Hechos 20:30

Qamkuna ukumantapas wakinkunam hatarinqaku, paykunam iñiqkuna qatinanta munaspanku llullakunata yachachinqaku.

Romanos 8:15

Qam-kunaqa manam esclavo kanaykichikpaq espiritutachu chaskirqankichik huktawan manchakuypi kanaykichikpaqqa, aswanqa Diospa churinña kanaykichikpaq Espiritutam chaskirqankichik, chayraykum Diostapas: “Abba Padre” nispa ninchik.

2~Corintios 11:13

Paykunaqa llulla apostol-kunam, engañowan llamkaspam Cristopa apostolnin tukunku.

2~Corintios 11:17

Alabakuspayqa manam Señorpa munasqanman hina-chu rimani, aswanqa loco hinam rima-ni.

2~Corintios 11:20

Qamkunaqa hawkaraqmi kakun-kichik: Servichikusuptikichikpas, engañasuptikichikpas, tukuy imaykichikta qechusuptikichikpas, hatun tukuptinkupas hinaspa uyapi laqechusuptikichikpas.

2~Corintios 11:26

Achka kutitam illarqani hinaspam sinchi sasachakuypi karqani: Mayu aparuwananmanta, suwamanta, castaykuna hinaspa mana judío kaqkuna wañurachiwananmantapas. Chaynataq llaqtakunapipas, chunniqkunapipas, lamar qochapipas hinaspa wawqe-pani tukuqkunamantapas.

2~Corintios 3:17

Señorqa Espiritum, maypim Se-ñorpa Espiritunpa kasqanpiqa runaqa libreñam.

Gálatas 1:7

Huk evangelioqa manam kanchu. Ichaqa wakin runakunam Jesucristomanta cheqap evangeliota qewiyta munaspanku qamkunatapas iskayrayachisunkichik.

Gálatas 4:25

Agartaqa rikchanachichwantaqmi Arabia lawpi Sinaí orqowanpas. Chay orqotañataqmi rikchanachichwan Jerusalén llaqtawan, chaypi yachaqkunaqa leypa esclavan kasqankuraykum mana librechu kachkanku.

Gálatas 4:3

Chaynataqmi ñoqanchikpas warmallaraq kaspaqa kay pachapi mana allin costumbrekunapa esclavon karqanchik.

Gálatas 5:1

Cristom judiokunapa kamachikuyninkunamanta librawarqanchik. Chaynaqa, qaqa hina sayaspayá amaña yugoman watasqa esclavo hina kawsaymanqa kutiriychikchu.

Gálatas 5:10

Ñoqaqa Señorpim hapipakuchkani, yachachisqaypa contranpi mana hukmanyanaykichikpaq. Haykam pantachiy munasuqnikichikkunataqa pi mayña kaptinpas Diosmi castiganqa.

2~Timoteo 3:6

Chayna runakunaqa wasin-wasin purispam huchasapa warmikunata engañanku, chay warmikunaqa tukuy rikchaq munapayaykunapa intusqanmi kachkanku.

Santiago 1:25

Ichaqa librawaqninchik alli-allin ley uyarisqanta mana qonqaruspa chaypi yuyaymanaspa allinta takyaqqa chaynataq mana qonqaspa kasukuqqa mayna kusisqam kanqa tukuy ima ruwasqanpipas.

1~Pedro 2:16

Libre kaq runakuna hinayá kawsaychik, amataqyá libre kasqaykichikman hinaqa mana allinkunataqa ruwaychikchu, aswanqa Diosta serviq runakuna hinayá kawsaychik.

2~Pedro 2:19

Kikin-kupuni mana allinkunapa esclavon kachkaspankupas, libre kaytaraqmi prometenku. Pipas vencechikuqqa ven-ceqninpa munaychakusqanmi riku-rirun.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.