Gálatas 2:20 - CHUYA QELLQA La Biblia en Quechua de Ayacucho 2012

²⁰ Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Quechua Ayacucho Bible 1987

²⁰ Jesucristopa cruzninpim wañusqa hinaña kaspay ñawpa vidayta saqeruni, manam ñoqañachu kawsani aswanqa Cristoñam ñoqapi kawsachkan. Kay pachapi kawsaspayqa Diospa Churinman hapipakuspallam kawsachkani. Paymi kuyawaspan ñoqapaq wañupuwarqa.

Chuya Qellqa 1992

²⁰ Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Gálatas 2:20 Iomraidhean Croise

Cantares 7:10

Ñoqaqa kuyay yanaypam kani, kuyawasqanraykum maskawan.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Mateo 4:3

Hinaptinmi diabloñataq Jesusta tentananpaq asuykuspan nirqa: Sichum Diospa Churin kaspaykiqa kay rumikunatayá kamachiy tantayarunanpaq, nispan.

Juan 1:49

Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

Juan 10:11

Ñoqaqa allin michiqmi kani. Allin michiqqa ovejankunaraykum vidanta qon.

Juan 15:13

Pipas hatun kuyakuyniyuqqa amistadninkunapa rantinpi wañuqmi.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Juan 3:35

Taytaqa Churinta kuyaspanmi tukuy imatapas makinman churaykun.

Juan 6:57

Imaynam kachamuwaqniy Taytay kawsan, ñoqapas paypim kawsani, chaynam aychay mikuqpas ñoqapi kawsanqa.

Juan 6:69

Ñoqaykuqa ñam creenikuña, yachanikutaqmi kawsaq Diospa Churin kasqaykitapas, nispa.

Hechos 8:36

Yakupa kasqanman chayaruptinkum chay eunuco nirqa: Kayqaya kaypi yaku kachkan, ¿imataq harkawanman bautizakurunayta? nispa.

Hechos 9:20

Chaykunapa qepantam Jesucris-tomanta sinagogakunapi willakus-pan nirqa: Jesucristoqa Diospa Churinmi, nispa.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

Romanos 14:7

Manam mayqanninchikpas kikillanchikpaqchu kawsanchik, nitaqmi wañukuspanchikpas kikillanchikpaqchu wañukusun.

Romanos 3:22

Jesucristoman iñikuptillanchik-mi Diosqa llapa runakunata mana huchayuqtaña ruwawanchik. Manam imananchu pim kasqanchikpas.

Romanos 4:25

Diospa munasqanman hinam Jesusqa huchanchikrayku wañuspan kawsarimurqa, chaynapi Diospa mana huchayuqpaqña chaskisqan kananchikpaq.

Romanos 5:2

Iñisqanchikraykum Jesucristontakama Diosman asuykunchik hinaspa kuyakuyninwan allinta takyachkanchik. Hinaspataqmi kusikuchkanchik Diosman rikchakuq kancharichkaq suma-sumaq kananchikta confianzawan suyaspa.

Romanos 5:6

Salvakuyta mana atichkaptinchikmi Diospa akllasqan tiempo chayaramuptin ñoqanchik huchasapakunapa rantinchikpi Cristo wañurqa.

Romanos 5:8

Diosmi ichaqa kuyakuyninta qawachiwanchik huchasapa kachkaptinchikpas ñoqanchikrayku Cristo wañupuwas-qanchikwan.

Romanos 6:13

Amataqyá mana allinta ruwananpaqqa cuerpoykichiktapas huchamanqa qoychikchu, aswanyá qamkunaqa wañusqamanta kawsarimuq hinaña cuerpoykichikta Diosman qoychik, chaynapi paypa munasqantaña ruwananpaq.

Romanos 6:8

Cristowan kuska wañukuspaqa paywan kuskataqmi kawsakusun.

Romanos 8:10

Sichum Cristo qamkunapiña kaptinqa, aychaykichikqa hucharaykum wañusqaña kachkan, espirituykichikmi ichaqa kawsachkan, Diospuni mana huchayuqtaña ruwasusqaykichikrayku.

Romanos 8:37

Astawanqa tukuy kaykunatam vencenchik kuyawaqninchik Señorninchik Jesucristontakama.

1~Corintios 6:17

Pipas Señorman hukllawakuspanqa espiritupim hukllaña paywan kachkan.

2~Corintios 1:24

Ñoqaykuqa manam iñisqaykichikpi munaychakuytachu munachkaniku, munachkanikuqa kusisqa kanaykichikpaq yanapaykuytam, qamkunaqa qaqa hinañam iñisqaykichikpi sayachkankichik.

2~Corintios 10:3

Aychapiraq kawsaspapas manam aychaman hinachu ñoqaykuqa peleachkaniku.

2~Corintios 11:10

Ñoqapi kaq Cristopa cheqap palabranraykum nikichik: Acaya lawpipas kay alabakusqaymantaqa manam upallachiwanqakuchu.

2~Corintios 13:3

Chaynataqa ruwasaq rimachiwaqniyqa Cristopuni kasqanta yachanaykichikpaqmi. Qamkunawan kaq Cristoqa manam pisi kallpayuqchu kachkan, aswanqa qamkuna ukupim atiyninta qawachikun.

2~Corintios 13:5

Sonqoykichikta tapukuykuychik, ¿cheqaptachu iñiynikichikpi takyachkankichik? Sumaqta tapukuychik ¿Manachu musyakunkichik sonqoykichikpi Jesucristo kasqanta? Diospa mana chaskisqan kaspallachá manaqa yachawaqchikchu.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

2~Corintios 5:15

Cristoqa llapallanchikpaqmi wañurqa, chaynapi kawsaqkunapas manaña kikillanchikpaq kawsaspa Cristopaqña kawsananchikpaq, payqa wañukuspanmi kawsarimurqa.

2~Corintios 5:7

Iñiyllawanmi kawsachkanchik, manam ñawinchikpa qawasqanwanchu.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Gálatas 2:16

Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Gálatas 3:11

Chaynaqa, Diosqa pitapas mana huchayuqpaqqa chaskin, manam leyta kasukusqankuraykuchu. Chuya Qellqapim kaynata nin: “Allin ruwaq runaqa iñisqanraykullam kawsanqa”, nispa.

Gálatas 5:24

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Gálatas 6:14

Ñoqam ichaqa imamanta alabakuytapas mana munanichu, aswanqa Señorninchik Jesucristopa cruzpi wañusqallanmantam. Cruzpi Cristopa wañusqanraykum kay pachapi mana allin ruwaykunataqa wañusqata hinaña saqeruni, chayna-taqmi ñoqatapas kay pachapi mana allin ruwaykunaqa wañusqata hinaña saqeruwan.

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:25

Qosakuna, warmikichikta kuyaychik, imaynam Cristopas iñiqkunata kuyaspan paykunarayku vidanta qoykusqanta hina.

Filipenses 1:21

Ñoqapa kawsakuyniyqa Cristom, wañukuyñataqmi aswan allinraq.

Filipenses 4:13

Kallpanchawaqniy Cristowanmi tukuy ima ruwayta atini.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

1~Tesalonicenses 1:10

willakuchkankutaqmi hanaq pachamanta Diospa Churin Jesús kutimunan suyasqaykichiktapas, paytam wañusqanmanta Dios kawsarichimurqa. Paymi hamuq tiempokunapi castigomanta librawasunchik.

1~Tesalonicenses 5:10

Jesucristom ñoqanchikrayku wañurqa, chaynapi kawsaspapas otaq wañuspapas paywan kuska kananchikpaq.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 8:3

Llapa Sumo sacerdotekunaqa churasqa karqaku ofrendakunatawan sacrificiokunata Dios-man presentanankupaqmi. Chaynataqmi Cristopapas kan imapas ofrecenanpaq.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

1~Juan 4:14

Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 3:20

Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.