Gálatas 2:2 - CHUYA QELLQA La Biblia en Quechua de Ayacucho 2012

² Rirqaniqa revelacionpi Diospuni Jerusalenman riy niwaptinmi. Chaypim lliw iñiqkunaman willarqani, mana judío kaqkunaman allin noticia imayna willakamusqaymanta, kamachiqninkuwanpas sapaqpi huñunakuspaymi willarqani, chaynapi Jesucristomanta willakamusqay mana yanqa kananpaq.

Quechua Ayacucho Bible 1987

² Rirqaniqa Diospuni “Jerusalenman riy” niwaptinmi. Allin reqsisqakunallawan huñunakuspaymi paykunaman willarqani mana judio kaqkunamanpas imaynam allin noticiakuna willamusqaymanta. Chaytaqa nirqani willakamusqay mana yanqa kananpaqmi.

Chuya Qellqa 1992

² Rirqaniqa revelacionpi Diospuni Jerusalenman riy niwaptinmi. Chaypim lliw iñiqkunaman willarqani, mana judío kaqkunaman allin noticia imayna willakamusqaymanta, kamachiqninkuwanpas sapaqpi huñunakuspaymi willarqani, chaynapi Jesucristomanta willakamusqay mana yanqa kananpaq.

Gálatas 2:2 Iomraidhean Croise

Eclesiastés 10:1

Wañusqa chuspiqa perfumepa maynaña miski asnaynintapas chinkarachinmi, chaynam sumaq kawsakuq yachayniyuq runapa pantaruyninpas tukuy ima allin ruwayninta chinkarachinman.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Hechos 15:12

Hinaptinmi lliw upallaruspanku Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta.

Hechos 15:2

Chaymi Pablowan Bernabeyqa llum-payta paykunawan atipanakurqaku. Chayraykum Pablotawan Bernabeyta hinaspa wakin iñiqkuta akllarurqaku, Jerusalenman rispa apostolkunawan hinaspa chaypi kaq iñiqkunapa ancia-nonkunawan chay asuntomanta rima-munankupaq.

Hechos 15:4

Jerusalenman Pablowan Bernabé chayaruptinkum, llapallan iñiqkuna, apostolkuna hinaspa ancianokuna kusikuyllawanña chaskirqaku, chaymi Pablowan Bernabeyqa willakurqaku imayna payninkunatakama tukuy imata Dios ruwamusqanmanta.

Hechos 18:9

Huk tutam Pablo puñuchkaptin, visionninpi Señor rikuriykuspan nirqa: Ama manchakuychu, ama upallaspa hinalla willakuy.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

Hechos 5:34

Hina chay kamachikuqkunawanmi huk fariseo Gamaliel sutiyuq kachkarqa. Paymi karqa Diospa leyninmanta yachachikuq. Paytam llapa runakuna llumpayta respetaqku. Paymi sayarispan kamachirqa apostolkuna hawaman lloqsiykunankupaq,

Romanos 9:16

Chaynaqa, Diosqa kuyasqanman hinam pitapas akllan, manam runapa munasqanman otaq kallpanchakusqaman hinachu.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

1~Corintios 2:2

Qamkunawan kaspayqa manam imamantapas yachaytaqa munarqanichu, aswanqa chakatasqa Jesucristollamantam.

1~Corintios 9:24

Yachasqaykichikpi hinapas llallinakuspa kallpaypiqa achkam kallpanku, ichaqa hukllam premiotaqa chaskin, chaynayá qamkunapas kallpachkaq hina kawsaychik premio chaskinaykichikpaq.

1~Corintios 9:26

Ñoqaqa kallpani manam ñawsa hinachu nitaqmi peleanipas wayrata takachkaq hinachu.

2~Corintios 12:1

Imatataq hurqokusaq kikiymanta alabakuspayqa. Aswanqa Señorpa qawachiwasqan musqoymantawan revelacionmantam willasqaykichik.

Gálatas 1:12

Chaytaqa manam runamantachu chaskirqani nitaq yacharqanipas, kikin Jesucristom ñoqamanqa yachachiwarqa.

Gálatas 1:16

Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Gálatas 1:6

Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Gálatas 2:6

Ichaqa allin reqsisqapaq hapisqanku kamachikuqkunapas manam ima musoq yachachikuytapas niwarqakuchu. Llumpay reqsisqa kasqankupas ñoqapaqqa manam imananchu. Diosqa manam pimanpas sayapakunchu.

Gálatas 2:9

Jacobowan, Pedro hinaspa Juanmi iñiqkunapa kamachiqninkuna karqaku, paykunam Diospa kuyakuynin qowasqanta yachaykuspanku ñoqatawan Bernabeyta alleq makinkuwan hapiykuwarqaku llamkaqmasinkuña kanaykupaq, hinaspam kamachiwarqaku mana judío kaqkunaman willakunaykupaq, paykunañataq Judío kaqkunaman willakunankupaq, nispa.

Gálatas 5:7

Qamkunaqa allintam kallpachkar-qankichik, hinaptinqa, ¿pitaq harka-rusurqankichik cheqap kaqta manaña kasukunaykichikpaqqa?

Filipenses 2:16

Qamkunaqa wiñaypaq kawsay qokuq palabratam hatallichkankichik. Chaymi Cristopa kutimunan punchawpiqa qamkunamanta kusikusaq kallpanchakuspay yachachisqayqa mana yanqapaq kasqanmanta.

Filipenses 2:29

Hatun kusikuywanyá chaskiykuychik Señorninchikman graciasta qostin, pay hina kaqkunataqa respetaychikyá.

1~Tesalonicenses 3:5

Chayraykum Timoteota kachamurqani qamkunamanta manaña llakikunaypaq hinaspa iñiynikichikpi imaynam kasqaykichikta willawananpaq, yanqañataq supay tentarusuptikichik llamkasqaykupas yanqapaq karunman.

2~Timoteo 4:7

Allin peleaytam tukuruniña, mayman kallpasqaymanmi chayaruniña, iñiyniypim allinta sayarqani.

Hebreos 12:1

Chaynaqa, ñoqanchikpas, muyu-riqninchikpi puyu hinaña testigokuna kachkaptinqa, llasawaq-ninchik qepita saqechkaq hinayá llapa huchanchikkunata saqesunchik, hinas-payá pacienciawan puntaman kallpasunchik maymi kallpananchikta.