Gálatas 2:16 - CHUYA QELLQA La Biblia en Quechua de Ayacucho 2012

¹⁶ Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Quechua Ayacucho Bible 1987

¹⁶ Yachasqanchikman hinaqa Diosqa manam pitapas chaskinmanchu mana huchayoqta hinaqa Moisespa kamachisqanta kasukuptillanqa, Jesucristoman iñikuptillanmi Diosqa pitapas chaskin chaymi ñoqanchikpas Jesucristoman iñikurqanchik mana huchayoqta hina Dios chaskiwananchikpaq. Iñikuptillanchikmá Diosqa chaskiwanchik, manam kamachikuykunata kasukuptinchikchu. Kamachikuykunallata kasukuqkunaqa lliwmi huchayoq kachkanku.

Chuya Qellqa 1992

¹⁶ Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Gálatas 2:16 Iomraidhean Croise

Jobwan Sutichasqa Libro 25:4

¿Yaqachu pipas Diospa qayllanpi mana huchayuqpaq hapikunman? ¿Yaqachu warmimanta nacemuq runa chuyapaq hapikunman?

Jobwan Sutichasqa Libro 9:29

Sichum huchayuqpaq hapiwaptinqa yanqapaqñam kallpanchakuyniypas.

Juan 20:31

Kaykunaqa qellqasqa karqa Jesusqa Diospa Churin Cristo kasqanta creenaykichikpaqmi, creespaykichikñataq payrayku wiñay kawsayniyuq kanaykichikpaq.

Hechos 4:12

Jesusmanta hukpiqa manam salvación kanchu, kay pachapiqa manataqmi huk sutiqa kanchu salvakunapaqqa ichaqa Jesusllam, nispa.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

Romanos 3:30

Diosqa chullallam. Chaymi pipas iñikuptinqa mana huchayuqpaqña chaskin, qari kayninpi señalasqa judío kaptin otaq mana señalasqa kaptinpas.

Romanos 4:2

Imapas ruwasqallanwan Abrahamta Dios chaskiptinqa alabakunmanchá karqa, ichaqa manam Diospa qayllanpichu.

Romanos 4:24

aswanqa ñoqanchikpaqwanmi. Señorninchik Jesús kawsarichiq Diosman iñikuptillanchikmi payqa mana huchayuqpaqña chaskiwanchik.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

Romanos 9:30

¿Imanisuntaq? Mana judío kaqkunapas Diosta mana ñawpaqta maskachkaspankupas, iñisqankuraykum Diospa pampachasqanña rikurirunku.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

Gálatas 4:5

Payqa hamurqa leyman hina castigasqa kananchikmanta librawananchikpaqmi, chaynapi Diospa churinña kasqanchikta chaskinanchikpaq.

Gálatas 5:4

Wakiqnikichikmi ninkichik: Leyta kasukuptillanchikmi mana huchayuqpaqña Dios chaskiwasun, nispaykichik. Chaynata nispaykichikmi Jesucris-tomantawan Diospa kuyakuyninmanta karunchakurunkichik.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

Apocalipsis 7:9

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.