Gálatas 1:6 - CHUYA QELLQA La Biblia en Quechua de Ayacucho 2012

⁶ Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Quechua Ayacucho Bible 1987

⁶ Jesucristo favorecesuptikichikmi qamkunataqa Dios qayaykusurqankichik salvasqa kanaykichikpaq chaymi admirasqallaña tapuykichik: ¿Imaynamá manapas unaypiqa Diosmantaqa karunchakuchkankichik huk rikchaq yachachikuykunamanña hapipakuspaykichikqa?

Chuya Qellqa 1992

⁶ Admirasqallañam kachkani, Jesucristopa kuyakuyninraykum Dios qayasurqankichik, hinaptinqa ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Gálatas 1:6 Iomraidhean Croise

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Marcos 6:6

Jesusmi hukmanraq tarikurqa llaqtamasinkuna paypi mana creesqankurayku. Jesusmi hichpan llaqtakunapi yachachistin purirqa.

Juan 9:30

Chay runañataqmi nirqa: ¡Admirakuypaqmi kayqa! Maymantam lloqsimusqanta mana yachachkaptikichikpas ñoqatam ichaqa ñawiyta kichaykuwan.

Hechos 15:11

Yachasqanchikman hinaqa Señor Jesús kuyawasqanchikraykullam Diosqa salvawanchik, ñoqanchiktapas chaynataq paykunatapas, nispa.

Romanos 10:3

Paykunaqa manataqmi yachan-kuchu imaynanpim runakunata mana huchayuqpaqña Dios chaskisqantapas, hinaspam kikinkupa ruwasqallanwan Diospa chaskisqan kayta munaspanku Diospa munasqanta mana kasukurqakuchu.

Romanos 5:2

Iñisqanchikraykum Jesucristontakama Diosman asuykunchik hinaspa kuyakuyninwan allinta takyachkanchik. Hinaspataqmi kusikuchkanchik Diosman rikchakuq kancharichkaq suma-sumaq kananchikta confianzawan suyaspa.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

Romanos 8:30

Ñawpaqmantaraq akllasqankunatam qayaykun, qayasqankunatañataqmi mana huchayuqtaña ruwaykun; mana huchayuqtaña ruwasqankunatañataqmi hatunchaykun.

1~Corintios 4:15

Cristomanta chunka waranqaña yachachiqnikichik kaptinpas manam achkachu taytaykichikqa, Cristo Jesus-manta allin noticiata willaspa payman iñichisqayraykum ñoqaqa taytaykichik hina kani.

2~Corintios 11:4

Ichapas hukkaqnin hamuspan willasunkichikman mana ñoqaykupa willasqayku Jesusmanta otaq mana chaskisqaykichik espiritumanta otaq hukpa sutinpi salvakuymanta hinaptinqa qamkunaqa chayllachusmi chaskikuykuwaqchik.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

Gálatas 1:11

Wawqe-panillaykuna yachaychikyá, ñoqapa kay allin noticia willakusqayqa manam runakunapa rikurichimusqanchu.

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

Gálatas 1:7

Huk evangelioqa manam kanchu. Ichaqa wakin runakunam Jesucristomanta cheqap evangeliota qewiyta munaspanku qamkunatapas iskayrayachisunkichik.

Gálatas 2:14

Cheqap allin noticiaman hina mana kawsasqankuta qawaspaymi llapa iñiqkunapa qayllanpi Pedrota nirqani: ¿Qamqa judío kachkaspaykichu huklaw runakuna hinaraq kawsachkanki? hinaspaykiqa, ¿imanasqamá huklaw runakunataqa judío hina kawsanankupaqqa hikutachkanki? nispa.

Gálatas 2:2

Rirqaniqa revelacionpi Diospuni Jerusalenman riy niwaptinmi. Chaypim lliw iñiqkunaman willarqani, mana judío kaqkunaman allin noticia imayna willakamusqaymanta, kamachiqninkuwanpas sapaqpi huñunakuspaymi willarqani, chaynapi Jesucristomanta willakamusqay mana yanqa kananpaq.

Gálatas 2:5

Chaywanpas ñoqaykuqa manam imaraykupas kasukurqanikuchu, chaynataqa ruwarqaniku cheqap allin noticia qamkunapi sapinchakunanta munaspam.

Gálatas 2:7

Ichaqa, imaynam Pedrota Dios akllarqa judiokunaman willakunanpaq, chaynam ñoqatapas Dios akllawarqa mana judío kaqkunaman allin noticia willakamunaypaq.

Gálatas 5:14

Diosmi kamachiwarqanchik: “Kuyankim runamasikita kikikita hina”, nispa. Lliw leykunam kay huk kamachikuyllapi huñunakun.

Gálatas 5:4

Wakiqnikichikmi ninkichik: Leyta kasukuptillanchikmi mana huchayuqpaqña Dios chaskiwasun, nispaykichik. Chaynata nispaykichikmi Jesucris-tomantawan Diospa kuyakuyninmanta karunchakurunkichik.

2~Tesalonicenses 2:14

Chaypaqmi allin noticia willas-qaykutakama qayasurqankichik, chay-napi Señor Jesucristopa maymi kasqanpi kanaykichikpaq.

1~Timoteo 1:14

Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

1~Timoteo 1:3

Macedonia lawman rispay ruegakusqayman hinayá Éfeso llaqtapi qepaykuy wakinkunata kamachinaykipaq, chaynapi amaña sapaq yachachikuykunata yachachinankupaq.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

2~Timoteo 2:1

Churilláy Timoteo, Cristo Jesuspa kuyakuyninwan kallpanchakuy.

1~Pedro 1:15

Aswanqa, imaynam qayasuqnikichik Diospas chuya, chaynayá qamkunapas tukuy kawsaynikichikpi chuya kaychik.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

Apocalipsis 22:21

Señor Jesucristopa kuyakuyninyá qamkunawan kachun. Amén.