Gálatas 1:16 - CHUYA QELLQA La Biblia en Quechua de Ayacucho 2012

¹⁶ Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Quechua Ayacucho Bible 1987

¹⁶ Churin Jesucristotam reqsiykachiwarqa mana judio kaqkunamanpas paymanta willakamunaypaq. Chayraq iñikuspayqa manam pimanpas rirqanichu Jesucristomanta aswanraq yachanaypaqqa.

Chuya Qellqa 1992

¹⁶ Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Gálatas 1:16 Iomraidhean Croise

Mateo 16:17

Chaymi Jesús nirqa: Jonaspa churin Simón, mayna kusisqam kanki, kaytaqa manam runachu qawachisurqanki, aswanqa hanaq pachapi kaq Taytaymi.

Mateo 26:41

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, cuerpoykichikmi ichaqa mana kallpayuq kachkan, nispa.

Hechos 22:21

Chaynata niptiymi Señorñataq niwarqa: “Qamtaqa karu llaqtapi mana judío kaqkunaman rinaykipaqmi kamachisqayki”, nispa.

Hechos 5:42

Mana samaykuspankum templopipas, wasikunapipas sapa punchaw, Jesucristomanta willakuspa yachachiqku.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Hechos 9:20

Chaykunapa qepantam Jesucris-tomanta sinagogakunapi willakus-pan nirqa: Jesucristoqa Diospa Churinmi, nispa.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 11:13

Mana judío kaqkunamanmi ichaqa kayta nikichik: Diosqa akllaykuwarqa mana judío kaqkunapa apostolnin kanaypaqmi, chaynapim tukuy sonqoywan ruwachkani,

1~Corintios 15:50

Nikichikmi wawqe-panikuna, aychayuq yawarniyuq runaqa manam Diospa munaychakusqanmanqa yaykunqachu, tukuruqlla kaqpas manataqmi chaskinmanchu mana tukuq kaqtaqa.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

2~Corintios 5:16

Kunanmantaqa manam pimantapas aychaman hinañachu piensaniku, ñawpaqtam ichaqa Cristomantapas aychaman hinalla piensarqaniku, kunanqa manañam chaynatachu piensaniku.

Gálatas 2:1

Chunka tawayuq watamantañam Bernabeywan kuska huktawan rirqani Jerusalén llaqtaman, pusarqanitaqmi Titotapas.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Deuteronomio 33:9

Paymi tayta-mamanmanta nirqa: “Manam haykapipas rikurqanichu”, nispa. Wawqenkumantañataqmi nirqa: “Manam reqsinichu”, nispa. Churinkunatapas manam reqsirqachu. Paykunaqa nisqaykitam kasukurqaku, pactoykitam ruwayman churarqaku.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

1~Timoteo 2:7

Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

2~Timoteo 1:11

Diosmi churawarqa Jesucristomanta allin noticiata willakunaypaq, apostolnin hinaspa yachachikuq kanaypaq.

Hebreos 2:14

Tayta-mamanchikpa mirayninkuna kaspanchikmi aychanmantawan yawarninmanta kanchik. Jesuspas ñoqanchik hina cuerpoyuqmi karqa, chaynaqa karqa wañuyta reqsispan wañuypi munaychakuq diablota chinkachinanpaqmi.