Gálatas 1:14 - CHUYA QELLQA La Biblia en Quechua de Ayacucho 2012

¹⁴ Judiokunapa yachachikuyninkunata kasukuypiqa wiñaymasiykunatapas llalliqraqmi kani. Allinpaq hapispaymi ñawpaq taytaykunapa costumbrenkunatapas cumpliq kani.

Quechua Ayacucho Bible 1987

¹⁴ Judiokunapa yachachikuyninkunata aswanraq kasukuspaymi wiñaymasiykunatapas llalliqraq karqani. Llumpayta sientispaytaqmi hapipakurqani abueloykunapa costumbrenkunamanpas.

Chuya Qellqa 1992

¹⁴ Judiokunapa yachachikuyninkunata kasukuspaymi wiñaymasiykunatapas llalliriqraq kani. Allinpaq hapispaymi ñawpaq taytaykunapa costumbrenkunata cumpliq kani.

Gálatas 1:14 Iomraidhean Croise

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Isaías 57:12

Imaynam kawsasqaykitam willakachakusaq, chay ruwasqaykikunaqa manam imapipas yanapasunkichu.

Jeremías 15:2

Sichum paykuna nisunki: ¿Maymantaq risaqku? nispa, hinaptinqa ñoqapa sutiypim kaynata ninki: Onqoywan wañunanpaq kaqkunaqa onqoywanyá wañuchunku; guerrapi wañunanpaq kaqkunaqa guerrapiyá wañuchunku; yarqaymanta wañunanpaq kaqkunaqa yarqaymantayá wañuchunku; preso apasqa kanankupaq kaqkunaqa preso apasqayá kachunku, nispayki.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Levítico 13:16

Sichum chay llullu aycha yuraqman tikrakuruptinqa chay runam sacerdoteman hamunqa

Mateo 15:6

Pipas chayna niqqa manañam tayta-mamanta yanapananñachu, nispaykichik. Chaynata yachachispam Diospa kamachikuyninta yanqacharunkichik costumbrekichikta ruwanaykichikrayku.

Hechos 21:20

Uyariykuspankum Diosta yupaycharqaku, hinaspam Pablota nirqaku: Wawqelláy, yachasqaykipi hinapas waranqanpim judiokuna Jesucristoman iñikurunku, ichaqa hinallaraqmi Moi-sespa leyninman hapipasqa kachkanku.

Hechos 22:3

Ñoqaqa Cilicia law Tarso llaqtapi naceq judiom kani, ichaqa kay Jerusalenpim wiñarqani, yachachiqniypas Gamalielmi karqa, paymi ñawpaq taytanchikkunapa leyninta allinta yachachiwarqa. Diosninchiktam tukuy sonqoywan servini imaynam qamkunapas kunan servisqaykichikta hina.

Hechos 26:5

Munaspankuqa willakunmankum ñoqaqa unayña fariseo kasqayta. Yachasqaykichikpi hinam wakin judiokunamantapas fariseokunaqa leykunata allinta kasukuniku.

Hechos 26:9

Ñawpaqtaqa kikiypunim piensar-qani Nazaretmanta kaq Jesuspa contranpi tukuy mana allinkuna ruwayta.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.