Gálatas 1:10 - CHUYA QELLQA La Biblia en Quechua de Ayacucho 2012

¹⁰ Kaynata nispayqa, ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa serviqninñachu kayman.

Quechua Ayacucho Bible 1987

¹⁰ Kaynata nispayqa ¿runakuna agradayllatachu munani icha Dios agradaytachu? Sichu runakunapa allin hapiwanallanta munayman hinaspayqa manañach Jesucristopa sirvientenchu kayman.

Chuya Qellqa 1992

¹⁰ Kaynata nispayqa ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa sirvientenchu kayman.

Gálatas 1:10 Iomraidhean Croise

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Mateo 28:14

Sichum chayta gobernador yacharuptinqa, ñoqaykum qamkunapa rantikichikpi rimarisaqku, chaynapi ama sasachakuyman chayanaykichikpaq, nispanku.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Hechos 12:20

Tiro llaqtapi hinaspa Sidón llaqtapi runakunam Herodespa llaqtanmanta kawsaykunata chaskiqku; ichaqa Herodesmi paykunapaq piñakuruspan manaña apachirqañachu, chaymi paykuna tanteanakuruspanku rey Herodespa confianza serviqnin Blastowan amistadta armarurqaku, chaynapi paypa yanapakuyninwan Herodeswan allinyanakuyman yaykunankupaq.

Hechos 5:29

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.

Romanos 1:1

Jesucristopa serviqnin ñoqa Pablom rimaykamuykichik. Diosmi apostolnin kanaypaq qayaykuwaspan allin noticiata willakunaypaq akllaykuwarqa.

Romanos 2:29

Cheqap judío kayqa ukumantam, señalachikuypas sonqopim, chayqa Espirituman hinam, manam letraman hinachu. Chayna ruwaqtaqa manam runachu alaban aswanqa Diosllam.

Romanos 2:8

Kikillanpaq munaqkunatawan cheqap kaqkunata mana kasukuspa mana allinllapi puriqkunatam ichaqa piñakuywan castiganqa.

1~Corintios 10:33

Ñoqaqa llapallankutam lliwpi agradayta munani, manam kikillaypa allinniyta maskaspaychu, chaynapi salvasqa kanankupaq.

2~Corintios 12:19

Kuyasqay wawqe-panillaykuna, ¿ichapas yuyaymanachkankichik ñoqaykuqa qayllaykichikpi pampachakuy mañakusqaykuta? Ñoqaykuqa Diospa qayllanpim Cristopa sutinpi rimachkaniku, tukuy chay rimasqaykuqa iñiynikichikpi wiña-naykichikpaqmi.

Efesios 6:6

Amayá qawasunallaykichikpaqchu serviychikqa, nitaq paykuna allinpaq hapisunallaykichikpaqchu, aswanqa Cristopa sirvientenkuna hinayá sonqomanta Diospa munasqanta ruwaychik.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

Colosenses 3:22

Esclavokuna, kay pachapi patronnikichikta imapipas kasukuychik, amayá qawasuptillaykichikchu allintaqa ruwaychik, aswanqa Señorta manchakuspayá tukuy sonqowan kasukuychik.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

1~Juan 3:9

Diospaqña musoqmanta naceqkunaqa manañam huchallikunkuñachu Diospa kawsaynin paykunapi kasqanrayku, manañaqa huchallikunkuchu Diospa churinña kasqankuraykum.

1~Samuel 21:7

Chay punchawmi Saulpa serviqnin Doeg kachkarqa Tayta Diospa templonpi, payqa karqa Edom castam hinaspa Saulpa michiqninkunapa kamachiqninmi.