Filipenses 4:8 - CHUYA QELLQA La Biblia en Quechua de Ayacucho 2012

⁸ Wawqe-panillaykuna, tukuykunay-paqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.

Quechua Ayacucho Bible 1987

⁸ Kunanñataqmi wawqe-panillaykuna, tukuykunaypaq nimuykichik: Manaraq imatapas rurachkaspaqa yuyaymanaychikyá imapas cheqap kaqpi, imapas respetanapaq kaqpi, imapas allin ruray kaqpi, imapas mana huchallichikuq kaqpi, imapas allin rimana kaqpi, imapas allin alabanapaq kaqpi.

Chuya Qellqa 1992

⁸ Wawqe-panillaykuna, tukuykunaypaqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.

Filipenses 4:8 Iomraidhean Croise

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

2~Samuel 1:23

Saulwan Jonatanqa kuyachikuqmi karqaku, paykunaqa waylluchikuqmi karqaku, haykapipas manam rakinakurqakuchu, kuskankum wañukunkupas; ankakunamantapas mastaraqmi kallparqaku, leonkunamantapas aswan kallpasapam karqaku.

2~Samuel 23:3

Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 12:4

Allin warmiqa qosanpa coronanmi, mana allin warmim ichaqa qosanpaqpas tullu nanaynin.

Proverbios 16:11

Tayta Diospam mana suwakuq balanzawan cabal pesoqa, pesokunaqa paypa ruwasqallanmi.

Proverbios 20:7

Allin ruwaq runaqa allin kawsakuypim purin, churinkunapas pay hina kawsaspankuqa ancha kusisqam kanqaku.

Proverbios 31:10

Allin warmiqa sasa tarinam, alhaja rumimantapas aswan valorniyuqmi.

Proverbios 31:29

Allin warmikunaqa achkallañam, qanmi ichaqa llapallanta masyarunki, nispa.

Proverbios 31:31

Tukuy ima ruwasqantayá lliw runa yachachun, llaqtapa punkunkunapiyá ruwayninkunamanta alabachunku.

Cantares 5:16

Siminpas miskillañam, payqa kuyaychallapaqmi Jerusalenpi sipaskuna, kuyay yanayqa chaynam.

Isaías 26:7

Allin ruwaq runapa ñanninqa mana pantayniyuqmi, qamqa ñannintapas aswanraqmi allichaykunki.

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Marcos 6:20

Rey Herodesmi Juanta chuya runa kasqanta yachaspan manchakurqa, chayraykum payta waqaycharqa. Juanpa rimasqankunata uyarispanmi mana ima ruwakuytapas atirqachu, ichaqa ganasllawanñam uyarirqa.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Lucas 23:50

Karqam Arimatea lawmanta kaq José sutiyuq runa, allin kaqkuna ruwaq, payqa runakunapa allinpaq hapisqanmi hinaspa cortepi autoridadmi karqa.

Juan 7:18

Pipas kikillanmanta rimaqqa kikin alabasqa kayllatam maskan, pipas kachamuqnin alabasqa kananta maskaqmi ichaqa cheqapta riman, paypiqa manam pantayqa kanchu.

Hechos 10:22

Hinaptinmi paykunañataq nirqaku: Ñoqaykutaqa Capitán Corneliom kachamuwanku. Payqa Diosta manchakuq justo runam, paytaqa llapa judiokunapas allin runapaqmi reqsinku. Diospa angelninmi payta kamachirqa wasinman qayachisuspayki qampa nisqaykikunata uyarinanpaq, nispanku.

Hechos 22:12

Chaypim yacharqa Ananías sutiyuq runa. Payqa karqa Moisespa leynin kasukuqmi. Chayraykum Damascopi yachaq lliw judiokunapas paytaqa respetaqku.

Hechos 6:3

Chaynaqa, wawqe-panillaykuna, qamkunamantayá Chuya Espiritupa huntasqan allin yachayniyuq hinaspa allin kawsakuyniyuq qanchis runakunata akllaychik, chaynapi paykunaña mikuyta aypunankupaq.

Romanos 13:13

Hinaspa achkiypi purichkaq hina kawsasun: Ama mikukuyllapichu, sinkakuyllapichu, hukwan-hukwan tupakuyllapichu, liryanakuyllapichu nitaq envidianakuyllapichu.

Romanos 13:3

Kamachikuqkunaqa manam allin ruwaqkunata manchachinanpaqchu kachkan, aswanqa mana allin ruwaqkunata manchachinanpaqmi. Chaynaqa, kamachikuqkunata mana manchakuyta munaspaykiqa allinta kawsakuy, chaynapim kamachikuqkunapas alabasunki.

Romanos 14:18

Kaynatapuni pipas Cristota servispa Diospa munasqanta ruwaptinmi runakunapas allinpaq hapinku.

Romanos 2:29

Cheqap judío kayqa ukumantam, señalachikuypas sonqopim, chayqa Espirituman hinam, manam letraman hinachu. Chayna ruwaqtaqa manam runachu alaban aswanqa Diosllam.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Corintios 13:7

Diostam mañakuchkaniku mana allin kaqkunata ama ruwanaykichikpaq, chaytaqa munachkaniku manam chaskisqa kasqaykuta yachanaykichikpaqchu, aswanqa allin kaqkunata ruwanaykichikpaqmi, ñoqaykuta Dios manaña chaskiwaptinkupas.

2~Corintios 6:8

Hukpim alabasqa kaniku, hukpiñataqmi cheqnisqa, hukpim ñoqaykumanta allinta rimanku, hukpiñataqmi mana allinta, cheqapta rimachkaptiykupas llullakuqpaqmi hapiwanku.

2~Corintios 8:18

Titotawan kuskatam huk iñiqmasin-chikta kachamuchkaniku, paypas iñiqkuna ukupiqa Cristomanta willakusqanrayku allin reqsisqam.

2~Corintios 8:21

Allin ruwaytam munachkaniku Señorpa qayllanpipas chaynataq runakunapa qayllanpipas.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Efesios 4:25

Chaynaqa, amaña llullakuspa cheqaptapuni runamasikichikwan rimaychik, llapanchikmi huk cuerpopa partellan kanchik.

Efesios 5:9

Achkiypi kawsayqa sumaq sonqoyuq kaymi, allin kaqkuna ruwaymi, cheqapman hina kawsakuymi.

Efesios 6:14

Allintayá sayaychik, chumpiwan hinayá cheqap kaqwan watakuychik, qasqo harkachikunawan hinayá allin ruwaywan pachallikuychik.

Deuteronomio 16:20

Allin arregloman hinallam haykapipas ruwankichik, chaynapi mana wañuruspa Señornikichik Tayta Diospa qosunaykichik allpapi yachanaykichikpaq.

Filipenses 3:1

Chaynaqa, wawqe-panillaykuna, Señorninchikpiyá kusikuychik. Ñoqapaqqa manam sasachu ñawpaq nimusqaykunata huktawan qellqa-muyniyqa.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

1~Tesalonicenses 4:12

Chaynapi Diosta mana reqsiqkunapas respetasunaykichikpaq chaynataq imapas mana pisipusunaykichikpaq.

1~Timoteo 2:2

Mañakunaykichiktaqmi lliw reykunapaqwan kamachikuqkunapaqpas, chaynapi allinlla, hawkalla, allin sonqoyuq hinaspa allinpaq qawasqa kawsananchikpaq.

1~Timoteo 3:11

Warmikunapas kachunku, allin respetanapaq hina, ama cuento qepichu, imamantapas allin yuyaywan kawsakuq hinaspa tukuy imapas ruwayman churaq.

1~Timoteo 3:4

Chayna runaqa wasinpi kaqkunatam allinta kamachinan, churinkunatam allinta yachachinan kasukuq hinaspa respetakuq kanankupaq.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

1~Timoteo 5:2

Mayor señorakunataqa amayá qaqchaychu, aswanqa kuyakuywanyá mamaykita hina rimapayaykuy, sipaskunatapas panikikunata hinayá respetowan rimapayay.

Tito 1:8

Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Tito 2:2

Mayor señorkunaqa kananku: Allin yachayniyuqmi, respetachikuqmi, allin yuyaymanayniyuqmi, allin iñiyniyuqmi, kuyakuyniyuqmi hinaspa pacienciakuqmi.

Tito 2:7

Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy,

Tito 3:14

Iñiqmasinchikkunapas allinkunata ruwaspa mana imayuqkunaman yanapaykuyta yachachunku, chaynapi ruwasqankuwan allin ruruchkaq hina kanankupaq.

Hebreos 11:2

Iñiyllankuwanmi ñawpaq taytanchikkunapas Diospa allinpaq hapisqan karqaku.

Hebreos 13:18

Ñoqaykupaqyá Diosta maña-kuychik, ñoqaykupa sonqoykuqa hawkallam kachkan, tukuy kawsayniykupipas hawkalla kaytataqmi munaniku.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.

Santiago 3:17

Hanaq pachamanta hamuq yachayqa chuyam. Chay yachaywan kaq runakunaqa hawka kawsakuqkunam, allin ruwaqkunam, llampu sonqokunam, allin yuyaywan kawsaqkunam, kuyakuqkunam, tukuy imapi allin kaqta ruwaqkunam, mana pimanpas sayapakuqkunam hinaspa mana iskay uyakunam.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 4:8

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.

2~Pedro 3:1

Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik.

1~Juan 3:18

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.

1~Juan 3:3

Pipas paypi confiakuspan suyaqqa huchankunamantam chuyanchakun, imaynam Jesucristopas mana huchayuq kasqanman hina.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Rutwan Sutichasqa Libro 3:11

Chaynaqa, amayá manchakuychu, ñoqam ruwasaq qanwan imam mañakuwasqaykiman hina. Llaqtaypi kaqkunaqa yachankum allin sonqoyuq warmi kasqaykita.