Filipenses 4:6 - CHUYA QELLQA La Biblia en Quechua de Ayacucho 2012

⁶ Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Quechua Ayacucho Bible 1987

⁶ Amayá imamantapas afanakuychikchu, aswanqa orakuspaykichikyá lliwta Diosman willaychik hinaspayá payman graciasta qoychik.

Chuya Qellqa 1992

⁶ Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Filipenses 4:6 Iomraidhean Croise

1~Reyes 8:28

Chaywanpas yupaychasqay Dios Taytalláy, kay serviqnikipa mañakusqantayá uyariykullaway, ñawpaqnikipi qayakusqaytayá kunanpuni uyariykullaway.

2~Crónicas 32:20

Chayraykum rey Ezequiaswan Amoz-pa churin profeta Isaías, Tayta Diosta mañakurqaku.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 16:3

Ima ruwasqaykitapas Tayta Diospa makinman churay, hinaptinqa imaña ruway munasqaykipas ruwasqam kanqa.

Cantares 2:14

Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡Uyachaykipas kuyayllapaqñam!

Jeremías 32:16

Neriaspa churin Barucman escriturata qoykuspaymi Tayta Diosta kaynata mañakurqani:

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Daniel 3:16

Chaymi Sadracpiwan Mesac hinaspa Abed-nego kaynata nirqaku: Kay niwasqaykikumantaqa manam imatapas nisqaykikuchu.

Daniel 6:10

Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Mateo 10:19

Kamachikuqkunaman apasuptikichikqa amam llakikunkichikchu imaynam otaq imatam rimanaykichikmantaqa, Diosmi imam rimanaykichiktapas yachachisunkichik.

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Mateo 6:34

Amayá hamuq punchawmantaqa llakikuychikchu, hamuq punchawkunapas sasachakuytaqa apamunqapunim. Punchawkunaqa sapakamam sasachakuyniyuq.

Mateo 6:8

Amayá paykuna hinaqa kaychikchu, Taytaykichikqa manaraqpas maña-kuchkaptikichikmi ima munasqaykichiktapas yachanña.

Lucas 10:41

Chaymi Jesusñataq nirqa: Marta, Marta, tukuy imapa atipasqanmi muspaypi hinaña kachkanki.

Lucas 12:22

Chaymantam discipulonkunata nirqa: Nikichikmi, amayá mikunaykichik-mantawan, imawan pachakunaykichikmanta-qa llakikuychikchu.

Lucas 12:29

Qamkunaqa amayá lla-kikuychikchu: “Imataraq mikusun, imataraq tomasun”, nispaqa. Amayá imamantapas llakisqallañaqa kaychikchu.

Lucas 18:1

Mana pisipaspa Diosta tukuy tiempo mañakunamanta yacha-chispanmi kay rikchanachiyta Jesús nirqa:

Lucas 18:7

Chaynaqa, ¿manachum Tayta Diospas tuta punchaw qayakuqnin churinkunata nanachikunman? ¿Yaqachu suyachikunman?

1~Corintios 7:21

Esclavo kachkaspallaraq qayasqa kaptikiqa manam imananchu, librakuyta atispaqa librakuyyá.

1~Corintios 7:32

Manam munaymanchu llakisqa kanaykichikta. Soltero qariqa Señorpa kaqninkunallapim ocupakun, paypa munasqanta ruwananpaq.

2~Corintios 1:11

Sichum qamkuna ñoqaykupaq Diosta mañakuspa yanapawaptikikuqa. Sichum ñoqaykupaq Diosta achkaq mañakuptinkuqa, achkaqtaqmi Diosmanta gra-ciasta qonqaku tukuy imapas chaskis-qaykumanta.

Efesios 5:20

Tu-kuy imamantayá Señorninchik Jesu-cristopa sutinpi Dios Taytaman graciasta qoychik.

Efesios 6:18

Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Colosenses 3:15

Cristopa hawkayayninyá sonqoykichikpi munaychakuchun, Diosqa qayasurqankichik huk cuerpolla kanaykichikpaqmi. Chaynaqa, agradecekuqyá kaychik.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

Colosenses 4:2

Ama pisipaspayá Diosta mañakuychik, rikchan-rikchanlla kaspayá graciasta qoychik.

1~Timoteo 2:1

Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

1~Pedro 4:7

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

1~Pedro 5:7

Tukuy llakikichiktayá Diosman saqeychik, paymi qamkunamanta nanachikuqqa.

1~Samuel 1:15

Chaymi Ana nirqa: Manam taytalláy vinotapas nitaq ima sinkachikuqtapas tomarqanichu, ñoqaqa sonqoypi ancha llakisqam kachkani, chaymi Diospa qayllanpi sonqoymanta mañakuchkani.

1~Samuel 30:6

Tropankunañataqmi qari churinkuta warmi churinkuta manaña tariykuspanku Davidman cargochaspanku rumiwan wañurachinankupaq tanteanakurqaku. Chayraykum Davidqa llumpay mancharisqallaña tarikurqa. Ichaqa Tayta Diospi kallpanchakuspam,

1~Samuel 7:12

Chaymantam Samuelqa huk rumita hapispan señalpaq churarqa Mizpaman chaynataq Sen llaqtaman riq ñanpi. Hinaspam suticharqa “Eben-ezerwan”. Chaynataqa suticharqa “kunankamam Dios yanapaykuwanchik”, nispanmi.