Filipenses 3:8 - CHUYA QELLQA La Biblia en Quechua de Ayacucho 2012

⁸ Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

Quechua Ayacucho Bible 1987

⁸ Manataqmi chayllachu, aswanqa Señor Jesucristota reqsinayraykum tukuy imatapas mana valeqpaqña hapini, payrayku tukuyta pierderuspaymi chaykunataqa qopata hinaña hapini chaynapi Cristota tarinaypaq hinaspa

Chuya Qellqa 1992

⁸ Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

Filipenses 3:8 Iomraidhean Croise

1~Reyes 14:10

Chayraykum qampa miraynikikunaman sasachakuykunata apamusaq. Israelpi llapallan qari churikikunatam wañuchisaq, criado kaqtapas chaynataq libre kaqtapas tukusaqmi, manam pipas puchunqachu. Jeroboampa mirayninkunatam tukunankama wanuta pichachkaq hina picharusaq.

2~Reyes 9:37

Jezabelpa ayanqa wanu hinam Jezreel llaqtapi chakrakunata wanuchanqa, manañam pipas: “Kayqa Jezabelmi” ninqakuñachu, nispa.

Jobwan Sutichasqa Libro 20:7

payqa hatun ispay hinam paqwayta chinkarunqa, reqsiqninkunapas “¿maypitaq kachkan payqa?” nispam tapukunqaku.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Malaquías 2:3

Ñoqaqa atiynikichikta qechuruspaymi, sacrificanaykichikpaq apamusqaykichik animalpa akanwan uyaykichikman laqaykusqaykichik. Hinaptinmi chay akawan kuska wischusqa kankichik.

Números 14:30

Yachanaykichikpaq juraspay qonay allpamanqa manam mayqannikichikpas yaykunkichikchu. Jefonepa churin Calebwan Nunpa churin Josueyllam yaykunqaku.

Lucas 1:43

¿Pitaq ñoqaqa karqani Señorniypa maman watukaykamuwananpaqqa?

Lucas 11:20

Sichum demoniokunata Diospa atiyninwan qarqoptiyqa, Diospa munaychakuyninmi chayaramusunkichik.

Juan 14:20

Chay punchawpim yachankichik Taytaypi kasqayta, qamkunañataq ñoqapi, ñoqañataq qamkunapi.

Juan 14:7

Reqsiwaspaykichikqa Taytaytapas reqsiwaqchikchá, kunanmi reqsiykunkichik hinaspa rikuykunkichik, nispa.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 17:8

Qowasqayki palabraykitaqa willaruniñam paykunaqa ñam chaskirunkuña. Yachankutaqmi cheqaptapuni qanmanta hamusqayta, hinaspam creenku qampuni kachamuwasqaykita.

Juan 20:13

Mariatam tapurqaku: Warmi, ¿imanasqataq waqachkanki? nispanku. Payñataqmi nirqa: Señorniytam aparusqaku chaymi mana yachanichu mayman churasqankutapas, nispa.

Juan 20:28

Tomasñataqmi nirqa: ¡Señorlláy, Diosnilláy! nispa.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Romanos 8:18

Yachasqayman hinaqa, kunan tiempo ñakarisqanchikqa, manam imallapipas rikchakunchu hamuq punchawkunapi kancharichkaq kawsayta kikin Diospa qowananchikwanqa.

Romanos 8:39

altopi kaqpas, uku-ukupi kaqpas, nitaq ima unan-chasqa kaqkunapas, Señorninchik Jesucristontakama Diospa kuyakuynin qowasqanchikmantaqa manam imapas rakiwasunchu.

1~Corintios 2:2

Qamkunawan kaspayqa manam imamantapas yachaytaqa munarqanichu, aswanqa chakatasqa Jesucristollamantam.

1~Corintios 9:10

aswanqa ñoqanchikpaq ejemplo kananpaqmi. Imaynam chakrapi yapukuqpas, trillakuqpas llamkan pagonta chaskinanpaq, chaynam kay leyqa qellqasqa karqa allinninchikpaq.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Gálatas 1:16

Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Efesios 4:13

Chaynapim iñisqanchikpipas chaynataq Diospa Churin reqsisqanchikpipas llapallanchik wiñaspa hukllaña kasunchik, chaynapim yuyayniyuq runa hinaña kaspa mana imapapas pisisqan Cristo hinaña kasunchik,

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

Filipenses 3:10

Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Filipenses 3:12

Nichkaniqa manam tukuy imapas hayparusqaytañachu otaq qespisqaña karusqaytachu, aswanqa kallpanchakuchkanim salvawaqniy Cristopa munasqanman hina kanaypaq.

Filipenses 3:7

Kunanmi ichaqa ñawpaqpi allinpaq hapisqaykunatapas Cristorayku mana valeqpaqña hapini.

2~Timoteo 4:6

Ñoqata wañuchiwananku punchawmi chayamuchkanña, ripukunay punchawmi hichpamuchkanña.

Hebreos 3:14

Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.

1~Pedro 2:7

Qamkunapaqqa chay rumiqa ancha valorniyuqmi, mana iñiqkunapaqmi ichaqa Qellqapa kayna nisqan cumplikun: “Wasi perqaqkunapa wischupakusqanku rumim cimientopa esquinan hapiq rumiña rikurirun”, nispa.

2~Pedro 1:2

Diospa kuyakuyninwan hawkayayninyá qamkunapi chaninninpi kachun, paytawan hinaspa Señorninchik Jesusta reqsisqaykichikrayku.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

2~Pedro 1:8

Sichum kaykuna qamkunapi kaptinqa, manam qellataqa nitaq yachaynikichikpi mana ruruqtaqa saqesunkichikchu, manataqmi yanqapaqchu Señorninchik Jesucristotapas reqsirqankichik.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

1~Juan 1:3

Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.