Filipenses 3:12 - CHUYA QELLQA La Biblia en Quechua de Ayacucho 2012

¹² Nichkaniqa manam tukuy imapas hayparusqaytañachu otaq qespisqaña karusqaytachu, aswanqa kallpanchakuchkanim salvawaqniy Cristopa munasqanman hina kanaypaq.

Quechua Ayacucho Bible 1987

¹² Nichkaniqa manam tukuy imapas hayparusqaytañachu otaq qespisqaña karusqaytachu aswanqa kallpanchakuchkanim salvawaqniy Cristopa munasqanman hina kanaypaq.

Chuya Qellqa 1992

¹² Nichkaniqa manam tukuy imapas hayparusqaytañachu otaq qespisqaña karusqaytachu, aswanqa kallpanchakuchkanim salvawaqniy Cristopa munasqanman hina kanaypaq.

Filipenses 3:12 Iomraidhean Croise

Jobwan Sutichasqa Libro 17:9

Allin ruwaq runakunaqa kawsasqanpim kallpanchakunku, mana huchayuqkunaqa kallpankutam mirachinku.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Isaías 51:1

Tayta Diosmi nin: Allin ruwayta munaqkuna, Tayta Diosta maskaqkuna, uyariychik. Mayqan qaqamanta pakimusqa kasqaykichiktayá yuyariychik, mayqan rumimanta hurqomusqa kasqaykichiktayá qawariychik.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Romanos 8:39

altopi kaqpas, uku-ukupi kaqpas, nitaq ima unan-chasqa kaqkunapas, Señorninchik Jesucristontakama Diospa kuyakuynin qowasqanchikmantaqa manam imapas rakiwasunchu.

1~Corintios 13:10

Cheqap kaq hamuruptinqa, wakin yachasqanchikmi tukurunqa.

1~Corintios 13:12

Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina.

1~Corintios 9:24

Yachasqaykichikpi hinapas llallinakuspa kallpaypiqa achkam kallpanku, ichaqa hukllam premiotaqa chaskin, chaynayá qamkunapas kallpachkaq hina kawsaychik premio chaskinaykichikpaq.

2~Corintios 13:9

Chaymi mana kallpayuq kaspaykupas, qamkunañataq kallpayuq kasqayki-chikmanta kusikuchkaniku, aswanraq-mi Diosta mañakuchkaniku mana huchayuqña kanaykichikpaq.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Gálatas 5:17

Aychapa munasqanqa Chuya Espiritupa contranpim kachkan, Chuya Espiritupa munasqanñataqmi aychapa munasqankunapa contranpi kachkan. Iskayninku contranakuptinmi munasqaykichik ruwaytaqa mana atinkichikchu.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

Filipenses 3:16

Ichaqa sapakamayá Diospa palabran yachasqanchikman hina kawsasunchik.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

2~Tesalonicenses 2:13

Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

1~Timoteo 6:19

Chaynapim hamuq tiempopaq llapa imankunapas taqesqa hina kanqa, hinaspam cheqap wiñay kawsayta haypanqaku.

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.

Hebreos 12:23

Chaypitaqmi kachkan ñawpaqmanta Diosman iñikuqkunapa huñunakuyninpas paykunapa sutinkuqa hanaq pachapim qellqasqa kachkan. Asuykurunkichiktaqmi llapallan runakuna juzgaq Diosmanpas hinaspa chuyanchasqa runakunapa espiritunmanpas,

Hebreos 13:21

munasqanman hina ruwanaykichikpaq tukuy allin kaqkunata qosunkichik. Jesucristoraykuyá Diospa agradonpaq ruwawasun. ¡Jesucristoyá wiña-wiñaypaq yupaychasqa kachun! Amén.

Santiago 3:2

Llapa-llanchikmi imaymanapi pantanchik, sichum rimasqanwan pipas mana huchallikuspanqa mana pantaq runañam kachkan, chayna kaspaqa tukuy cuerpontapas controlanmanmi.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.