Filipenses 3:10 - CHUYA QELLQA La Biblia en Quechua de Ayacucho 2012

¹⁰ Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Quechua Ayacucho Bible 1987

¹⁰ Llapa imatam saqeruni Cristota reqsiykunaypaq, kawsarimusqanrayku atiynin reqsiykunaypaq, ñakarisqanman hina ñakarinaypaq, wañukuspaypas payman rikchakuq kanaypaq

Chuya Qellqa 1992

¹⁰ Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Filipenses 3:10 Iomraidhean Croise

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Mateo 20:23

Hinaptinmi Jesusñataq nirqa: Arí, cheqaptapunim qamkunapas ñoqa hina ñakarinkichik, chaywanpas alleq lawniypi otaq ichoq lawniypi tiyanaykichikpaqqa manam ñoqachu kamachisaq, chaypiqa tiyanqaku Taytaypa akllasqan kaqkunallam, nispa.

Juan 10:18

Manam pipas vidaytaqa qechuwanmanchu, kikiymantam qosaq. Makillaypim kachkan qonaypaqpas chaynataq kawsarimunaypaqpas. Chaynatam Taytay kamachiwarqa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Romanos 8:17

Churinña kaptinchikqa paypa tukuy iman kaqkunapas ñoqanchikpañam, chaynapim Jesucristowan kuska herenciata chaskisun. Cristo hina ñakarispaqa paywan kuskataqmi hatunchasqa kasunchik.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

Romanos 8:36

Chuya Qellqapim kaynata nin: “Qamraykum sapa punchaw wañuypa patanpi kachkaniku, nakanapaq ovejakunata hinam qawawanku”, nispa.

2~Corintios 1:10

Wañuymantapas Diosmi librawarqaku, paytaqmi qepatapas librawanqaku. Confiakuchkanikutaqmi hamuq punchawkunapipas librawanankuta.

2~Corintios 1:5

Jesucristoraykum llumpayta ñakarinchik, hina paynintakamallataqmi sinchi kallpanchakuytapas chaskinchik.

2~Corintios 13:4

Cheqaptam mana atiyniyuq hina chakatasqa karqa, kunanmi ichaqa Diospa atiyninwan kawsachkan, chaynam ñoqaykupas Cristowan hukllawasqa kaspa mana atiyniyuq hina kachkaniku, ichaqa Diospa atiyninwanmi kawsachkaniku qamkunata servinaykupaq.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Gálatas 6:17

Kunanmanta qepamanqa ama pipas sasachakuyta apamuwachunchu, ñoqaqa Señor Jesucristopa marcantam cuerpoypi apachkani.

Efesios 4:13

Chaynapim iñisqanchikpipas chaynataq Diospa Churin reqsisqanchikpipas llapallanchik wiñaspa hukllaña kasunchik, chaynapim yuyayniyuq runa hinaña kaspa mana imapapas pisisqan Cristo hinaña kasunchik,

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

Colosenses 1:24

Kunanqa llumpaytam kusikuni qamkunarayku ñakarisqaywan, chaynapim llapa iñiqkunarayku Cristopa ñakarisqanta kikiypa cuerpoypiña tukupachkani, llapa iñiqkunaqa Cristopa cuerponmi.

Colosenses 2:13

Ñawpa vidaykichikpim huchaykichikwan hinaspa mana señalasqa kasqaykichikwan wañusqa hina karqankichik. Kunanmi ichaqa tukuy huchaykichikta pampachaykusunkichikña, hinaspam Diosqa kawsarirachisunkichikña Cristotawan kuskata.

Colosenses 3:1

Sichum Cristowan kawsarichisqa kaspaqa hanaq pachapi, Diospa alleq lawninpi Cristopa tiyasqanpi kaqkunatayá maskaychik.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

2~Pedro 1:13

Kawsanaykamaqa deberniymi kaykunamanta qamkunata rimapayaspa qaqchanay.

1~Juan 2:3

Kamachikuyninkunata kasukuspam yachanchik Dios reqsisqanchikta.

1~Juan 2:5

Diospa palabrankunata kasukuspa waqaychaqpiqa Diospa kuyakuyninmi cheqapta qawachikun, chayraykum yachanchik Dioswan huklla kasqanchikta.

Apocalipsis 1:18

chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.