Filipenses 3:1 - CHUYA QELLQA La Biblia en Quechua de Ayacucho 2012

¹ Chaynaqa, wawqe-panillaykuna, Señorninchikpiyá kusikuychik. Ñoqapaqqa manam sasachu ñawpaq nimusqaykunata huktawan qellqa-muyniyqa.

Quechua Ayacucho Bible 1987

¹ Wawqe-panillaykuna, Señorninchikpiyá kusikuychik. Allinnikichikpaq kasqanraykum mana amispay ñawpaq nimusqaykunata huktawan qellqamuykichik.

Chuya Qellqa 1992

¹ Chaynaqa, wawqe-panillaykuna, Señorninchikpiyá kusikuychik. Ñoqapaqqa manam sasachu ñawpaq nimusqaykunata huktawan qellqamuyniyqa.

Filipenses 3:1 Iomraidhean Croise

1~Crónicas 15:28

Chaynatam Israelpa mirayninkuna Tayta Diospa pacto ruwasqan Arcata aparqaku, kusikuymanta qaparistin, cornetakunata, trompetakunata, platillokunata, salteriokunata hinaspa arpakunata tocastin.

1~Crónicas 16:10

Chuya sutinmantayá alabakuychik, Tayta Diosta maskaqkuna sonqoykichikpi kusikuychik.

1~Crónicas 29:22

Chay punchawmi kusikuyllawanña Tayta Diospa qayllanpi mikurqaku hinaspa tomarqaku, hinaspam Israelpi rey kananpaq Davidpa churin Salomonta yapamanta churarqaku, hinaspam Tayta Diospa qayllanpi paykunapi munaychakuq kananpaq aceitewan tallirqaku. Sadoctapas sacerdote kananpaqmi aceitewan tallirqaku.

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Jobwan Sutichasqa Libro 22:26

Tukuy Atiyniyuq Diospim sinchillataña kusikunki, uyaykitapas Diosmanmi hoqarinki.

Isaías 41:16

Wayrachiptikim wayra apanqa, nisyu wayram lliwta cheqerachinqa. Qanmi ichaqa Tayta Diospi kusikunki, Israelpa Chuya Diosninraykum alabakunki.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 65:14

Serviqniykunaqa sonqonkupi kusisqam takinqaku, qamkunam ichaqa llaki sonqoyuq qaparkachankichik, ñakarispam llakipi tarikuspa waqankichik.

Joel 2:23

Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Sofonías 3:14

Sión llaqtapi yachaqkuna, kusikuymanta takiychik, Israel nacionniyuq runakuna, kusikuymanta qapariychik, Jerusalén llaqtapi yachaqkuna, tukuy sonqomanta kusikuychik.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Zacarías 10:7

Efrainpas allinnin qari-qari soldado hinam kanqa, vino upyaqpa hinam sonqonpas kusikunqa, wawa-churinkupas rikuspam kusikunqaku, sonqonpas Tayta Diospim kusikunqa.

Mateo 5:12

Anchatayá kusikuychik, hanaq pachapim hatun premiota chaskinkichik. Chaynatam qatikacharqaku qamkunamanta ñawpaq kaq profetakunatapas.

Lucas 1:47

espirituypas Salvaqniy Diospim kusikun.

Romanos 5:11

Manataqmi chayllachu, Señorninchik Jesucristontakamam Diospi kusikusunchik, Jesucristontakamam Dioswan allinyanakuyta haypaykunchik.

2~Corintios 13:11

Wawqe-panillaykuna, kusisqa kawsanaykichiktam munani, chuya kawsaytayá maskaychik. Kallpanchanakuspaykichikyá huk sonqolla hinaspa hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa.

Efesios 6:10

Chaynaqa, wawqe-panillaykuna, Señorninchikpa tukuy atiyninpi kallpanchakuychik.

Deuteronomio 12:18

Chaykunataqa Señor-nikichik Tayta Diospa akllasqan sitiollapim mikunkichik. Paypa qayllanpim fiestata ruwankichik, hinaspam llamkasqaykichikpa rurunmanta kusikunkichik churikichikkunawan, serviqnikichikkunawan chaynataq llaqtaykichikpi yachaq levitakunawan kuska.

Deuteronomio 16:11

Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Filipenses 4:4

Señorninchikwan huklla kaspayá tukuy tiempo kusikuychik, huktawanraqmi nikichik: Kusikuychikyá, nispa.

Filipenses 4:8

Wawqe-panillaykuna, tukuykunay-paqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.

1~Tesalonicenses 4:1

Wawqe-panillaykuna, qamkunatam yachachirqaykichik Diospa munasqanman hina kawsanaykichikpaq. Chaynatam qamkuna kawsachkankichik, Señor Jesusraykum ruegakuspa mañakuykiku aswanraq chaynata kawsanaykichikpaq.

1~Tesalonicenses 5:16

Tukuy tiempoyá kusisqa kaychik.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Pedro 4:13

Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq.

2~Pedro 3:1

Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik.

1~Samuel 2:1

Anam Diosta mañakuspan nirqa: Dios Taytalláy, tukuy sonqoymantam kusikuchkani, qamllapim ñoqaqa kallpanchakuchkani, enemigoykunapa simintam upallachini, salvaykuwasqaykimantam kunanqa kusikuchkani.