Filipenses 2:5 - CHUYA QELLQA La Biblia en Quechua de Ayacucho 2012

⁵ Jesucristopa piensasqanman hinayá qamkunapas piensaychik.

Quechua Ayacucho Bible 1987

⁵ Jesucristopa piensasqanman hinayá qamkunapas piensaychik.

Chuya Qellqa 1992

⁵ Jesucristopa piensasqanman hinayá qamkunapas piensaychik.

Filipenses 2:5 Iomraidhean Croise

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Lucas 22:27

Mayqantaq mayor, ¿mesapi tiyaqchu icha mesaman serviqchu? Cheqaptapunipas mesapi tiyaqmi. Chaywanpas ñoqaqa qamkunatam servichkaykichik.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Romanos 14:15

Sichum imapas mikusqaykiwan wawqekita hukmanyachinki, hinaspaqa manañam kuyachkankiñachu. Amayá imapas mikusqaykiwanqa pipas huchaman wichiykunantaqa munaychu, paypaqpas Cristom wañupurqa.

Romanos 15:3

Cristopunipas manam kikillanpaq munaqchu karqa, Qellqapipas kaynatam nin: “Diosnilláy, kamiqnikikunapa kamikuyninmi ñoqaman wichiykuwarqa”, nispa.

Romanos 15:5

Paciencia qokuq chaynataq sonqonchik tiyachiq Diosyá yanapasunkichik, imaynam Jesucristopa yachachisqanman hina huk sonqolla kanaykichikpaq,

1~Corintios 10:33

Ñoqaqa llapallankutam lliwpi agradayta munani, manam kikillaypa allinniyta maskaspaychu, chaynapi salvasqa kanankupaq.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

1~Pedro 2:21

Chaypaqmi Diosqa qayasurqankichik, Cristopas qamkunaraykum ñakarirqa, chaynapi paypa ejemplonta qatinaykichikpaq.

1~Pedro 4:1

Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

1~Juan 2:6

“Dioswanmi hukllaña kachkani” niqqa Jesucristopa kawsasqanman hinam purinan.