Filipenses 2:11 - CHUYA QELLQA La Biblia en Quechua de Ayacucho 2012

¹¹ Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

Quechua Ayacucho Bible 1987

¹¹ Llapallan runakunapas “Jesucristoqa Señormi” nispam ninqaku, chaynataqa ninqaku Dios Taytata yupaychaspankum.

Chuya Qellqa 1992

¹¹ Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

Filipenses 2:11 Iomraidhean Croise

Jeremías 23:6

Paypa munaychakusqan punchawkunapim Judá nación salvasqa kanqa, Israel nacionpas hawkam kawsakunqa. Kaynataraqmi sutichanqakupas: “Tayta Diosmi salvaqninchikqa” nispanku.

Mateo 10:32

Pipas runakunapa qayllanpi mana penqakuspa ñoqamanta willakuqtaqa, ñoqapas hanaq pachapi kaq Taytaypa qayllanpim paymanta willakusaq.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Juan 12:42

Chaywanpas achkaq kamachikuq judiokunam Jesusman iñirqaku. Ichaqa fariseokunata manchakusqankuraykum mana libretachu willakuqku, chaynapi sinagogamanta mana wischusqa kanankupaq.

Juan 13:13

Qamkunam sutichawankichik: “Yachachikuq hinaspa Señor”, nispa, chaytaqa allintam nin-kichik, arí chaynam kani.

Juan 13:14

Ñoqa Señornikichik hinaspa yachachiqniki-chik kachkaspaymi chakikichikta may-llaruykichik, qamkunapas chaynayá chakikichikta mayllanakuychik.

Juan 14:13

Imatapas sutiypi Taytata mañakuptikichikqa ruwasaqmi, chaynapi Taytapas Churinpi hatunchasqa kananpaq.

Juan 14:23

Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.

Juan 17:1

Jesusmi chaykunata niruspan hanaq pachata qawarispan nirqa: Taytáy, ñam hora chayaramunña. Churikitaqa hatunchawayñayá chaynapi qamtapas kay Churiki hatunchasunaykipaq.

Juan 20:28

Tomasñataqmi nirqa: ¡Señorlláy, Diosnilláy! nispa.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

Romanos 14:11

Chuya Qellqapim kaynata nin: “Señormi nin: Ñoqaqa kawsanim, llapallan runakunaqa qayllaypim qonqorakunqaku, llapallankum ñoqata yupaychawanqaku”, nispa.

Romanos 14:9

Chaypaqmi Cristoqa wañukuspan kawsarimurqa, chaynapi wañuqkunapa, kawsaqkunapa Señornin kananpaq.

Romanos 15:9

Chaynataqmi Cristoqa hamurqa Diosninchikpa kuyapayakuyninmanta mana judío kaqkunapas yupaychanankupaq. Chuya Qellqapim kaynata nin: “Chayraykum llapa nacionkuna ukupi yupaychasqayki, sutikimantapas takisaqmi”, nispa.

1~Corintios 12:3

Chaynaqa, kaytayá yachaychik “Jesusqa ñakasqayá kachun” niq runaqa manam Diospa Espiritunpa atiyninwanchu rimachkan. Manataqmi pipas ninmanchu: “Jesusqa Señormi” nispaqa mana Chuya Espíritu rimachiptinqa.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

1~Corintios 8:6

ñoqanchikpa Diosninchikqa chullallam, payqa Dios Taytam. Paymi tukuy imata ruwar-qa, ñoqanchikpas paypaqmi kanchik. Señorqa chullallam, payqa Jesucristom, paywanmi tukuy imapas unanchasqa karqa, paywantaqmi ñoqanchikpas unanchasqa karqanchik.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Juan 4:15

Jesucristoqa Diospa Churinmi nispa willakuqqa Diospim takyan, Diospas paypitaqmi takyan.

1~Juan 4:2

Kaynapim reqsinkichik Diospa Espiritunwan kaq runataqa: “Jesucristom kay pachaman hamuspan cheqap runa karqa” nispa niqkunam Diospa Espiritunwan kachkan.

2~Juan 1:7

Achkaq pantachikuqkunam kay pachapi purichkanku, paykunaqa Jesucristopa runa kayninpi hamusqantapas negankum, chayna yachachiqkunaqa pantachikuqmi hinaspa anticristom.

Apocalipsis 3:5

Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.