Filipenses 2:1 - CHUYA QELLQA La Biblia en Quechua de Ayacucho 2012

¹ Sichum Cristopuni kallpanchasuptikichikqa, sichum kuyasuspaykichik sonqoykichikta tiyaykachiptinqa, sichum Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Quechua Ayacucho Bible 1987

¹ Sichu Cristopuni kallpanchasuptikichikqa, sichu kuyasuspaykichik sonqoykichikta tiyaykachiptinqa, sichu Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Chuya Qellqa 1992

¹ Sichum Cristopuni kallpanchasuptikichikqa, sichum kuyasuspaykichik sonqoykichikta tiyaykachiptinqa, sichum Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Filipenses 2:1 Iomraidhean Croise

Isaías 16:11

Chayraykum Moab nacionmanta arpa hina sonqoy waqan, Kir-haresetmantam arpa hina sonqoy waqan.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Juan 14:18

Manam sapallaykichiktachu saqerusqaykichik, qamkunamanmi kutimusaq.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Juan 17:13

Kunanqa qampa kasqaykimanmi hamuchkaniña. Kay pachapiraqmi nichkani kaykunataqa ñoqapa kusikuyniywan huntasqa kanankupaq.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

Romanos 5:5

Diospi hapipakuyñataqmi paypi takyachiwanchik, Diosmi kuyakuyninta sonqonchikman huntaykuwarqanchik qowasqanchik Chuya Espirituntakama.

Romanos 8:26

Pisi kallpayuq kaptinchikmi Chuya Espíritu yanapawanchik. Manam imayna mañakuytapas yachanchikchu, ichaqa Chuya Espiritum Diosta mañapuwanchik runapa mana rimay atisqan rimaykunawan.

1~Corintios 12:13

Llapallanchikmi judiopas, griegopas, esclavopas hinaspa librepas chulla Espiritullawan bautizasqa karqanchik, chaynapi huk cuerpollaña kananchikpaq, huk Espiritullatataqmi chaskirqanchikpas.

1~Corintios 15:31

Arí wawqe-panikuna, sapa punchawmi wañuypa patanpi hinaña kachkani. Ichaqa Señor Jesucristopi kasqaykichikwanmi kusisqa kachkani.

1~Corintios 3:16

¿Manachum yachakunkichik Diospa templon kasqaykichikta chaynataq Diospa Espiritunpas qamkunapi yachasqanta?

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

2~Corintios 2:14

Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Efesios 4:4

Cuerpoqa hukllam, hukllataqmi Espiritupas, Diosqa huk sonqolla suyanaykichikpaqmi qayasurqankichik.

Filipenses 1:8

Jesucristopa kuyakuyninwan qamkunata imayna kuyasqaytapas Diosninchikmi yachan.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Colosenses 2:2

Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Juan 3:24

Kamachikuyninkunata kasukuq runaqa Diospim takyachkan, Diospas paypitaqmi takyachkan. Qowasqanchik Espiritupa yanapakuyninwanmi yachanchik payqa ñoqanchikpi kasqanta.

1~Juan 4:12

Manam pipas Diostaqa hayka-pipas rikurqachu, sichum kuyanakup-tinchikqa, Diosqa ñoqanchikpim kachkan, chayna kaptinqa Diospa kuyakuyninmi ñoqanchikpi cheqap-ta qawachikun.

1~Juan 4:16

Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.