Filipenses 1:8 - CHUYA QELLQA La Biblia en Quechua de Ayacucho 2012

⁸ Jesucristopa kuyakuyninwan qamkunata imayna kuyasqaytapas Diosninchikmi yachan.

Quechua Ayacucho Bible 1987

⁸ Diosnillanchikmi yachan Jesucristopa kuyakuyninwan qamkunataqa mayna-mayna kuyasqaytapas.

Chuya Qellqa 1992

⁸ Jesucristopa kuyakuyninwan qamkunata imayna kuyasqaytapas Diosninchikmi yachan.

Filipenses 1:8 Iomraidhean Croise

Jobwan Sutichasqa Libro 16:19

Hanaq pachapim testigoy kachkan, chaypitaqmi abogadoypas kachkan.

Isaías 16:11

Chayraykum Moab nacionmanta arpa hina sonqoy waqan, Kir-haresetmantam arpa hina sonqoy waqan.

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Lucas 1:78

Diosninchikmi kuyapayawaspanchik hanaq pachamanta musoq punchawpa kanchariyninta qoykuwanchik,

Romanos 1:9

Churin Jesucristomanta allin noticiata tukuy sonqoywan willakuspay servisqay Diosmi yachan qamkunapaq tukuy tiempo mana qonqaspay mañakusqayta.

Romanos 9:1

Cristopi iñisqayraykum cheqap kaqta rimani, manam llullakunichu. Chuya Espiritupa yanapasqanmi concienciaypas niwan, rimasqayqa cheqap kasqanta.

2~Corintios 13:9

Chaymi mana kallpayuq kaspaykupas, qamkunañataq kallpayuq kasqayki-chikmanta kusikuchkaniku, aswanraq-mi Diosta mañakuchkaniku mana huchayuqña kanaykichikpaq.

2~Corintios 6:12

Ñoqaykuqa tukuy sonqoykuwanmi kuyaykiku, qamkunam ichaqa mana chaynatachu kuyawankiku.

2~Corintios 7:15

Payqa aswanraqmi kuyasunkichik qamkunapa kasukusqaykichikta hinaspa respetaspa manchakuywan chaskisqaykichikta yuyarispa.

Gálatas 1:20

Kay qellqamusqaypa cheqap kasqantaqa Diosmi yachan, manam llullakunichu.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

Filipenses 2:1

Sichum Cristopuni kallpanchasuptikichikqa, sichum kuyasuspaykichik sonqoykichikta tiyaykachiptinqa, sichum Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Filipenses 2:26

Paymi llumpayta munachkan llapallaykichikwan tupaykuyta, llakisqam kachkan onqorusqanmanta yacharusqaykichikrayku.

Filipenses 4:1

Kuyasqay wawqe-panillaykuna, Señorninchik Jesucristopiyá allinta takyaychik. Qamkuna qawaykuytam llumpayllataña munachkani, qamkunaqa huk hatun premiom ñoqapaq kankichik.

Colosenses 2:1

Munanim sasallawanña tukuy ima ruwasqay yachanaykichikta, chaytaqa ruwachkani qamkunaraykum, Laodicea llaqtapi kaq iñiqmasinchikraykum chaynataq mana reqsiwaqniykunaraykum.

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

1~Tesalonicenses 2:5

Yachasqaykichikpi hinapas qamkunataqa manam sumaqllataña rimaspachu alabarqaykiku, nitaqmi qollqeta kuyaspaykuchu rimapayarqaykikupas, Diospas chaytaqa yachanmi.

1~Tesalonicenses 2:8

Qamkunataqa llumpaytam kuyarqaykiku, manam ñoqaykuqa Diosmanta allin noticia willayllatachu munarqaniku, aswanqa kikiykupa vidayku qoytapas munarqanikum. Chaynataqa munarqaniku llumpayta kuyasqaykuraykum.

2~Timoteo 1:4

Waqasqaykita yuyarispaymi qanwan tupaykuyta munani, chaynapi llumpay kusikuyta tarinaypaq.

Filemón 1:12

Chaynaqa, kunanmi kutichimuyki, ñoqata chaskiwachkaq hinayá chaskiykuy.

Filemón 1:20

Chaynaqa, wawqelláy, Señorninchikman iñiqmasiy kasqaykiraykuyá kay valekusqayta arí niykullaway. Cristopi wawqey kasqaykiraykuyá sonqoyta tiyaykachiy.

1~Juan 3:17

Pipas kapuq-niyuq kachkaspan runamasinta imamantapas muchuqta qawakunman hinaspa imallantapas mana qoykuqqa, ¿yaqachum Diosta kuyanman?