Filipenses 1:7 - CHUYA QELLQA La Biblia en Quechua de Ayacucho 2012

⁷ Qamkunamanta kayna piensayniyqa allinmi, qamkunatam sonqoypi apay-kichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Quechua Ayacucho Bible 1987

⁷ Llapallaykichikta kuyasqayraykum chaynataqa piensani, qamkunatawanmi Diosninchikqa tukuy imapi favorecewarqanchik carcelpiña kaptiypas, Cristomanta allin noticiata cheqap kasqanpaq willakuptiypas chaynataq valechiptiypas.

Chuya Qellqa 1992

⁷ Qamkunamanta kayna piensayniyqa allinmi, qamkunatam sonqoypi apaykichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Filipenses 1:7 Iomraidhean Croise

Hechos 20:23

Sapa llaqtaman risqaypim Chuya Espíritu niwan: “Presochasuptikim ñakarinki”, nispan.

Hechos 21:33

Soldadokunapa kamachiqninñataqmi asuykuspan Pablota presocharurqa, hinaspam iskay cadenawan watanankupaq kamachirqa, chaymantam tapurqa pim kasqanta, hinaspa imatam ruwarusqanta.

1~Corintios 13:7

Tukuytam ñakarin, tukuytam creen, tukuytam suyan, tukuytam aguantan.

1~Corintios 9:23

Tukuy chaykunatam ruwani Cristomanta allin noticia willakunayrayku hinaspa allin noticiamanta allin kaqkuna chaskinayrayku.

2~Corintios 3:2

Recomendación cartaykuqa qamkunam kankichik papelpi hina sonqoykupi qellqasqa, chaynapi llapallan runakuna leespanku yachanankupaq.

2~Corintios 7:3

Kaytaqa manam qamkunata acusaspaychu nichkaykichik, nisqaypi hinapas qamkunaqa sonqoyku-pim kachkankichik, kuska kawsana-paqpas otaq wañunapaqpas.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Efesios 6:20

Cristopa rantinpi hamusqayraykum cadenakunawan presochasqa kachkani. Chaynaqa, mañapuwaychikyá mana manchakuspay willakunaypaq.

Filipenses 1:12

Wawqe-panillaykuna, yachanaykichiktam munani, tukuy ima pasawasqanqa, Cristomanta allin noticia willakusqay wiñananpaqmi karqa.

Filipenses 1:13

Chayraykum palaciopi kaq lliw soldadokunapas chaynataq wakin runakunapas Jesucristorayku preso kasqayta yacharunku.

Filipenses 1:14

Achkaq wawqe-panikunam preso kasqayta qawaspanku kallpanchakurqaku, mana manchakuspa Señorpi hapipakuspanku aswanraq Diospa palabranta willakunankupaq.

Filipenses 1:5

mañakuchkaniqa qallariyninmanta kunankama Cristomanta allin noticiata willakuptiy yanapawasqaykichikmantam.

Filipenses 2:22

Qamkunam ichaqa yachankichikña Timoteoqa tukuy imapi allin kasqanta, payqa imaynam huk churi taytanta yanapan, chaynam Cristomanta allin noticia willakuypi yanapawarqa.

Filipenses 4:14

Chaywanpas qamkunaqa allintam ruwarqankichik, sasachakuyniykunapi yanapawaspaykichik.

Filipenses 4:15

Yachasqaykichikpi hinapas Macedonia lawmanta lloqsispay Cristomanta allin noticiata chayraq willakuptiyqa Filipos llaqtapi yachaq iñiqmasiykunallam ofrendaykichikwan yanapaykuwarqankichik, chaytaqa ruwarqankichik willasqayman-ta graciasta qowaspaykichikmi.

Filipenses 4:3

Llamkaqmasilláy, qamtañataqmi valekuyki chay paninchikkunata yanapaykunaykipaq. Paykunapas yanapaykuwarqakum Cristomanta allin noticiata willakuptiy, yanapaykuwarqataqmi Clementewan wakin llam-kaqmasiykunapas. Paykunapa sutinqa wiñay kawsay libropi qellqasqañam kachkan.

Colosenses 4:18

Ñoqa Pablom makiywanpuni kay rimakuykuyta qellqamuykichik. Yuyariychikyá carcelpi kasqayta. Diosninchikyá kuyakuyninta qamkunaman chaqchurimuchun. Amén.

Colosenses 4:3

Mañakuychiktaqyá ñoqaykupaqpas, punkuta Señorninchik kichananpaq, chaynapi Cristomanta pakasqa allin noticianta willakamunaykupaq, chayraykum ñoqapas preso kachkani.

1~Tesalonicenses 5:5

Qamkunaqa achkiypa hinaspa punchawpa churinkunam kankichik, manam tutayaymanta kaqchu.

2~Timoteo 1:8

Chaynaqa, amayá penqakuychu Señorninchikmanta willakuytaqa nitaq payrayku preso kasqaymantapas, aswanqa Jesucristomanta allin noticiarayku ñoqa hina ñakariy Diospa kallpa qosusqaykiman hina.

2~Timoteo 2:9

chayraykum ñakariykunata aguantani, runa wañu-chiqta hinam cadenaruwanku, Diospa palabranmi ichaqa mana cadenasqachu kachkan.

Filemón 1:13

Munaymanmi ñoqawanña kananta chaynapi Cristomanta allin noticiata willakusqayrayku preso kasqaypi qampa rantikipi yanapawananta.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

1~Pedro 4:13

Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq.

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

2~Pedro 1:13

Kawsanaykamaqa deberniymi kaykunamanta qamkunata rimapayaspa qaqchanay.

1~Juan 3:14

Ñoqanchikqa wañuymantam kaw-saymanña pasarunchik, chaytaqa ya-chanchik iñiqmasinchikkunata kuyasqanchikwanmi. Chayna mana kuyaqqa hinallaraqmi wañusqa kachkan.