Ezequiel 7:4 - CHUYA QELLQA La Biblia en Quechua de Ayacucho 2012

⁴ Manam llakipayasqaykiñachu, aswanqa imaynam kawsasqaykimantam castigasqayki, hinaspam millakuypaq kaqkuna ruwasqaykimanta pagapusqayki. Chaynapim Tayta Dios kasqayta yachanki.

Quechua Ayacucho Bible 1987

⁴ Manam llakipayakuywanñachu qamkunataqa qawasqaykichik, castigasqaykichikpunim qamkunataqa. Mana allin kawsasqaykichikmantawan millakuypaq kaqkuna rurasqaykichikmantam ñoqaqa pagapusqaykichik. Chaynapim qamkunaqa yachankichik Tayta Dios kasqayta.

Chuya Qellqa 1992

⁴ Manam llakipayasqaykiñachu, aswanqa imaynam kawsasqaykimantam castigasqayki, hinaspam millakuypaq kaqkuna ruwasqaykimanta pagapusqayki. Chaynapim Tayta Dios kasqayta yachanki.

Ezequiel 7:4 Iomraidhean Croise

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Ezequiel 11:21

Cheqnisqay idolokunata qatispa millakuypaq kaqkuna ruwaqkunatam ichaqa, imaynam kawsasqankumanta cuentata mañasaq. Ñoqa Tayta Diosmi chaynata nini.

Ezequiel 12:20

Runakunapa yachanan llaqtakunam tuñichisqa kanqa, nacionpas purmachisqam kanqa, chaynapim Tayta Dios kasqayta yachankichik, nispayki.

Ezequiel 16:43

Qanmi sipas kaspa imaynam kasqaykita qonqarurqanki, hinaspam tukuy chay mana allinkunata ruwaspa piñachiwarqanki; chayraykum imaynam kawsasqaykimanta castigasqayki. Ñoqa Tayta Diosmi chaynata nini.

Ezequiel 22:31

Chayraykum ñoqaqa llumpay piñakuywan paykunata castigaspay tukurusaq, mana allinkuna ruwasqankutapas kikillankumanmi kutichisaq. Ñoqa Tayta Diosmi chaynata nini.

Ezequiel 23:31

Ñañaykipa kawsasqanman hinam kawsarqanki, chaymi payta imaynam castigasqayta hina castigasqayki, nispa.

Ezequiel 23:49

Ahola hinaspa Aholiba, millakuypaq huchata ruwaspa idolokunata yupaychasqaykichikmantam castigasqa kankichik. Chaynapim Israelpa yupaychasqan ñoqa Tayta Dios kasqayta yachankichik.

Ezequiel 24:14

Ñoqa Tayta Diosmi chaynata nini, hinaptinqa chaynapunim kanqa. Mana qepaman kutirispam chaynata ruwasaq. Mana llakipayarispam cumplisaq, imaynam kawsasqaykimantawan imam ruwasqaykimantam castigasqayki. Ñoqa Tayta Diosmi chaynata nini.

Ezequiel 33:29

Chay naciontam purmarachispa chunnichkaqtaña saqe-rusaq, chaynataqa ruwarusaq millakuypaq kaqkunata ruwasqankuraykum. Chaynapim Tayta Dios kasqayta yachan-qaku.

Ezequiel 5:11

Ñoqa Tayta Diosmi kikiyrayku jurani: Qamkunam cheqnisqay idolokunawan temployta millakuypaqta ruwarqankichik, chayraykum qamkunatapas mana llakipayarispay ñakarichisqaykichik, manañam kuyapayasqaykichikñachu.

Ezequiel 6:14

Paykunata ñakarichinaypaqmi contrankupi hatarisaq, nacionninkutapas sur law chunniqmanta qallaykuspam norte lawpi Ribla llaqtakama pasaypaqta purmarachisaq. Chaynapim ñoqa Tayta Dios kasqayta yachanqaku, nispa.

Ezequiel 6:7

Ñawpaqnikichikpi achkallaña runa wañusqanta qawaspam ñoqa Tayta Dios kasqayta yachankichik.

Ezequiel 7:27

Reypas sinchi llakipim tarikunqa, kamachikuqpas pasaypaqtam hukmanyarunqa, llapa runakunapa makinkupas katkatatanqam. Paykunataqa imaynam kawsasqankuman hinam ñakarichisaq, imaynam juzgasqankuman hinataqmi ñoqapas juzgasaq. Chaynapim Tayta Dios kasqayta yachanqaku, nispa.

Ezequiel 7:3

Israel nación, tukunayki punchawmi chayamuchkanña, piñakuyniytam kacharimusqayki. Imaynam kawsasqaykiman hinam juzgasqayki, hinaspam millakuypaq kaqkuna ruwasqaykiman hina pagapusqayki.

Ezequiel 7:9

Manam llakipayasqaykiñachu, aswanqa castigasqaykipunim. Mana allin kawsasqaykimanta hinaspa millakuypaq kaqkuna ruwasqaykimantam pagapusqayki. Chaynapim Tayta Dios kasqayta yachanki.

Ezequiel 8:18

Chayraykum ñoqapas paykunaman piñakuyniyta kachaykamusaq, manam paykunataqa llakipayasaqchu; qaparkachaspa qayakamuwaptinkupas manam uyarisaqchu, nispa.

Ezequiel 9:10

Paykunataqa manaña llakipayaspam castigasaq, paykunamanqa imaynam kawsasqankuman hinam pagapusaq, nispa.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Amós 7:8

Hinaspanmi tapuwarqa: Amós, ¿imatataq rikuchkanki? nispa. Ñoqañataqmi nirqani: Albañilpa plomadantam Señor, nispay. Chaymi Dios niwarqa: Kay plomadawanmi Israelpa imaynam kawsasqanta yachasaq, manañam pampachasaqñachu.

Zacarías 11:6

Chayraykum Tayta Dios kaynata nin: Ñoqapas manañam kay nacionpi yachaq runakunataqa llakipayasaqñachu, aswanqa sapakamatam runamasinpa chaynataq reyninpa munaychakunanpaqña hapiykachisaq, paykunañam nacionninkuta purmachinqa, ñoqapas manam paykunapa makinmantaqa librasaqchu, nispa.

Hebreos 10:30

Señorpa kayna nisqantaqa yachan-chikmi, paymi nirqa: “Mana allin ruwaqkunatam vengakusaq, mana allin ruwasqanman hinam pagapusaq”, nispa. Huklawpipas kaynatam nichkan: “Señormi llaqtanta juzganqa”, nispa.