Ezequiel 4:2 - CHUYA QELLQA La Biblia en Quechua de Ayacucho 2012

² Chay llaqtapa muyuriqnintam ama ayqenankupaq hina perqarunki. Murallankunapa qepanpiñataqmi rampata ruwarunki. Llaqtapa muyuriqninpim tuñichinapaq machu-machu takaq qerukunata churarunki.

Quechua Ayacucho Bible 1987

² Chay llaqtapa muyuriqnintam wichqarunki. Ama ayqenankupaq hinam murallarunki. Chay llaqtapa murallanpa qepanpi allpatañataqmi huk hawaqllaman montonarunki. Chay llaqtapa ñawpaqninpim sayarachinki llapa tropakunata. Llaqtapa muyuriqnin muralla tuñichinapaqmi churarunki machu-machu takaq qerukunata.

Chuya Qellqa 1992

² Chay llaqtapa muyuriqnintam ama ayqenankupaq hina perqarunki. Murallankunapa qepanpiñataqmi rampata ruwarunki. Llaqtapa muyuriqninpim tuñichinapaq machu-machu takaq qerukunata churarunki.

Ezequiel 4:2 Iomraidhean Croise

2~Samuel 20:15

Joabpa tropankunañataqmi Abel-bet-maaca llaqtaman chayaruspanku muyuriqninpi churakururqaku, hinaspam llaqta muyuriq perqapa qepanman allpata montoruspanku llaqta harkaq perqata tuñichiyta qallaykurqaku.

Isaías 22:7

Kuyayllapaq qechwaykikunam carretakunapa huntasqan rikurirun, sillada tropakunam llaqtapa punkullanpiña kachkanku.

Jeremías 32:24

Caldea runakunam kay llaqtaman yaykumunankupaq perqapa qepanman allpata montoramunku; chaymi guerrawan, yarqaywan hinaspa peste onqoywan, kay llaqtata enemigonkunapa makinman qosqa kanqa. Dios Taytalláy, qawasqaykipi hinapas, nisqaykiman hinam cumplikuchkan.

Jeremías 33:4

Jerusalén llaqtapi wasikunamantawan Judá nacionpi reykunapa palacionmantam, Tukuy Atiyniyuq Tayta Dios kaynata nin: Lliwmi tuñichisqa kanqa.

Jeremías 52:4

Isqon wataña munaychakuchkaptinmi, chay watapa chunka kaq killapa chunka kaq punchawninpi Babiloniapa reynin Nabucodonosor llapa tropankunawan Jerusalenpa muyuriqninpi churakururqaku, hinaspankum llaqtaman yaykunankupaq rampakunata ruwarqaku.

Jeremías 6:6

Tukuy Atiyniyuq Tayta Diosmi kaynata nin: Sachakunata kuchuychik, Jerusalenta atacanaykichikpaq rampata ruwaychik. Ñakarichinakuypa huntasqan kasqanraykum Jerusalén llaqta castigasqa kanqa.

Ezequiel 21:22

Alleq makinpi flecham Jerusalén llaqtaman toqpiykun, chaypa ninanqa kaykunam: Guerrapaq tukuy rikchaq armakunawan atacamuy, llaqtapi runakunata wañuchimuy, guerrapaq qapariy, punkunkunata tuñichiy, rampakunata ruwachiy, atacanaykipaq torrekunata hatarichiy ninanmi.

Ezequiel 21:27

Ñoqaqa imatañapas pasaypaqtam purmachisaq. Chaykunaqa pasakunqa kamachisqayman hina Babilonia nacionpa reynin chayamuptinmi, nispa.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Daniel 11:15

Norte lawpi rey hamuruspanmi, sur lawpi llaqtapa murallanpa qepanpi allpakunata huk hawaqllaman montorunqa, chayninta yaykuspam chay llaqtata vencerunqa. Sur law reypa tropankunaqa manam imayna kutichikuytapas atinqakuchu, akllasqa soldadonkunapas mana kallpayuqñam rikurirunqaku.