Ezequiel 26:2 - CHUYA QELLQA La Biblia en Quechua de Ayacucho 2012

² Runapa churin, Tiro llaqtapi yachaq-kunam Jerusalén llaqtapa contranpi kaynata nirqaku: “Allinta ruwachun, nacionkunapa negocio ruwananku punkum ñutupasqaña kachkan, kunanqa ñoqanchikmanñam tuparuwanchik, pay tuñichisqa kanankamam ñoqanchikñataq qori-qollqeta huñukuspa kapuqniyuq kasunchik”, nispanku.

Quechua Ayacucho Bible 1987

² —Runapa churin, Tiro llaqtapi *f**yachaqkunam Jerusalen llaqtamanta kaynata nirqaku: “Allinta rurachun, nacionkunapa negocio apaykunanku punkum ñutupasqanña kachkan kunanqa. Ñoqamanñam kutirikamun chay negociokunaqa. Chay llaqta chunninankamam huntay-huntay kasaq ñoqaqa.”

Chuya Qellqa 1992

² Runapa churin, Tiro llaqtapi yachaqkunam Jerusalén llaqtapa contranpi kaynata nirqaku: “Allinta ruwachun, nacionkunapa negocio ruwananku punkum ñutupasqaña kachkan, kunanqa ñoqanchikmanñam tuparuwanchik, pay tuñichisqa kanankamam ñoqanchikñataq qori-qollqeta huñukuspa kapuqniyuq kasunchik”, nispanku.

Ezequiel 26:2 Iomraidhean Croise

2~Samuel 5:11

Chaymi Tiro llaqtapa reynin Hiramqa runankunata, carpinterokunata chaynataq rumi labraqkunatapas Davidman kacharqa; apachirqataqmi cedro qerukunatapas. Paykunam Davidpa palaciota ruwapurqaku.

Isaías 62:10

Lloqsiychik, lloqsiychik punkunkunata, llaqtaypaq ñanta allichaychik, ñanta sumaqta kichaychik, ruminkunata wischuychik. Llapallan nacionkuna qawananpaq banderata sayachiychik.

Jeremías 25:22

Tiro nacionpa Sidón nacionpa chaynataq Mediterráneo sutiyuq lamar qochapa patan nacionkunapa reyninkunamanpas.

Jeremías 27:3

Chaymantam Edompa, Moabpa, Amonpa, Tiropa hinaspa Sidonpa reyninkunaman willachimunki, Judá nacionpa reynin Sedequiasta watukunankupaq Jerusalén llaqtaman hamuqkunawan.

Jeremías 47:4

Filistea llaqtapa chinkanan tiempom chayaramun, Tiro llaqtata chaynataq Sidón llaqtata yanapaqkunapa puchukananku tiempom chayaramun. Filisteokunatawan Creta islapi puchuqkunatam Tayta Dios chinkachinqa.

Jeremías 49:1

Amón nacionpa contranpim Tayta Dios kaynata nirqa: ¿Manachum Israelqa mirayniyuq karqa? ¿Manañachu herencian chaskiq churinkuna karqa? ¿Imanasqataq Milcom idolopaña Gad allpaqa rikurirun? ¿Imanasqataq llaqtankunapipas Amón runakunaña yachakuchkanku?

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Ezequiel 25:10

Moab nacionpa allpantawan Amón nacionpa allpantam intipa qespimunan lawpi llaqtakunaman qoykusaq. Chaynapim Amón nacionmantaqa manaña mayqan nacionpas yuyarinqañachu.

Ezequiel 25:6

Ñoqa Tayta Diosmi nikichik: Amonpa mirayninkuna, qamkunam taqllakusparaq kusikuymanta pawaykacharqankichik, Israel nacionmantam burlakuspa asikurqankichik.

Ezequiel 25:8

Tayta Diosmi kaynata nin: Moab nacionwan Seir nacionmi kaynata ninku: “Judá nacionpas wakin nacionkuna hinallam”, nispanku.

Ezequiel 26:1

Chunka hukniyuq watapim, Adar killapa punta kaq punchawninpi, Tayta Dios rimapayawaspan kaynata niwarqa:

Ezequiel 35:10

Qanmi nirqanki: “Israelpa mirayninkunapa iskaynin nacionninqa ñoqapañam kanqa, Tayta Dios chaypi kachkaptinpas ñoqam hapikuykusaq”, nispayki.

Ezequiel 36:2

Israel nacionpa enemigonkunam kaynata ninku: “Wiñaypaq kaq orqokunaqa ñoqanchikpañam”, nispanku.

Joel 3:4

¿Tiro llaqta, Sidón llaqta, filisteo-kuna, imatataq qamkuna ñoqaman-ta munankichik? ¿Ñoqamanta vengakuruytachu munankichik? Chayna kaptinqa merecesqaykichiktam apu-rawman pagaykapusqaykichik.

Josué 19:29

Chaymantam Ramá llaqtanta murallasqa Tiro llaqtakama muyumurqa, hinaspam Hosa llaqtanta muyumuspa Aczib llaqtanta Mar Mediterraneoman lloqsirqa.