Ezequiel 2:4 - CHUYA QELLQA La Biblia en Quechua de Ayacucho 2012

⁴ Ñoqaqa kachachkayki mana kasukuq rumi sonqo runakunamanmi. Paykunamanmi ñoqa Tayta Diospa imam nisqayta nimunki.

Quechua Ayacucho Bible 1987

⁴ Ñoqaqariki kachachkayki qara uya rumi sonqo runakunamanmi. Paykunatam ninki ñoqa Tayta Diospa imam nisqayta.

Chuya Qellqa 1992

⁴ Ñoqaqa kachachkayki mana kasukuq rumi sonqo runakunamanmi. Paykunamanmi ñoqa Tayta Diospa imam nisqayta nimunki.

Ezequiel 2:4 Iomraidhean Croise

1~Reyes 22:14

Chaymi Micaías nirqa: Tayta Diospa sutinpim niki, ñoqaqa Tayta Diospa imam niwasqallantam rimasaq, nispa.

2~Crónicas 30:8

Chaynaqa, amayá ñawpaq taytay-kichikkuna hina rumi sonqoqa kaychikchu. Tayta Diosman kutirikuspayá chuyanchasqan santuarionman hamuspa yupaychasqanchik Tayta Diosta serviychik, hinaptinqa piñakuyninmi qamkunamanta asurinqa.

2~Crónicas 36:13

Rey Nabucodonosormi Sedequiasta Diospa sutinpi jurachirqa payta kasunanpaq, ichaqa Sedequiasmi paypa contranpi hatarirurqa. Sonqonta rumiyarachispanmi Israelpa yupaychasqan Tayta Diosmanpas mana kutirikurqachu.

Proverbios 21:29

Mana allin runaqa sonqontam rumiyachin, allin ruwaq runam ichaqa ñanninkunata allichakun.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Jeremías 1:7

Ichaqa Tayta Diosmi niwarqa: Ama niychu ancha warmaraq kasqaykitaqa, qamqa kamachisqaymanmi maymanpas rinki, imam kamachisqaytam willakamunki.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 36:21

Chaymi reyñataq Jehudita kacharqa Elisamapa cuartonmanta chay rollota apamunanpaq. Chayarachimuspanmi Jehudiqa leerqa reypas hinaspa chaypi kaq kamachikuqkunapas uyarinankupaq.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Ezequiel 3:11

Preso apasqa llaqtamasikikunata watukamuspa kaynata nimuy: “Tayta Diosmi kaynata nin”, nispayki. Uyarisunaykipaq otaq mana uyarisunaykipaqpas willamuy, nispa.

Ezequiel 3:27

Ichaqa rimapayaspaymi huktawan rimachisqayki, hinaptinmi kaynata ninki: “Tayta Diosmi kaynata nin”, nispayki. Uyariy munaqqa uyarinqam, mana uyariy munaqqa manam uyarinqachu. Paykunaqa mana kasukuq miraykunam, nispa.

Ezequiel 3:4

Niwarqataqmi kaytapas: Runapa churin, chaynaqa Israelpa mirayninkunaman kay imam nisqaykunata willamuy.

Ezequiel 3:7

Israelpa mirayninkunam ichaqa mana uyarisunkichu, chaynaqa kanqaku ñoqatapas mana kasuwasqankuraykum. Israelpa mirayninkunaqa mana kasukuq rumi sonqo runakunam.

Amós 7:15

Ichaqa Tayta Diosmi ovejata michichkaptiy qayaykuwaspan kamachiwarqa: “Israel llaqtayman riy hinaspa ñoqamanta willamuy”, nispan.

Zacarías 7:12

Sonqoykichikta pasaypaqta rumiyarachispam, Espiritunpa yanapakuyninwan ñawpaq profetankunatakama Tukuy Atiyniyuq Tayta Dios rimapayasusqaykichik yachachikuyninkunata chaynataq kamachikuyninkunatapas mana kasukurqankichikchu. Chayraykum Tukuy Atiyniyuq Tayta Dios llumpayta piñakururqa.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Deuteronomio 10:16

Sonqoykichikpi millakuypaq kaqkunata wischuspa chuyanchakuychik, amañayá rumi sonqoqa kaychikchu.

Deuteronomio 31:27

Ñoqaqa yachanim qamkunaqa mana kasukuq hinaspa rumi sonqo runakuna kasqaykichikta. Qamkunawanraq kachkaptiypas Tayta Diosta mana kasukuspaqa, imaynaraq wañukuptiy kankichik.