Ezequiel 2:3 - CHUYA QELLQA La Biblia en Quechua de Ayacucho 2012

³ Paymi kaynata niwarqa: Runapa churin, qamtam Israelpa mirayninkunaman kachasqayki. Payku-nam ñoqapa contraypi hoqarikurunku. Paykunapas chaynataq ñawpaq taytankupas kunan punchawkamam mana kasuwankuchu.

Quechua Ayacucho Bible 1987

³ Paymi kaynata niwarqa: —Runapa churin, qamtam kachasqayki Israelpa mirayninkunaman. Paykunaqariki ñoqapa contraypim hoqarikurqaku. Paykunapas chaynataq abuelonkupas kunan punchawkamam ñoqataqa mana kasuwankuñachu.

Chuya Qellqa 1992

³ Paymi kaynata niwarqa: Runapa churin, qamtam Israelpa mirayninkunaman kachasqayki. Paykunam ñoqapa contraypi hoqarikurunku. Paykunapas chaynataq ñawpaq taytankupas kunan punchawkamam mana kasuwankuchu.

Ezequiel 2:3 Iomraidhean Croise

2~Reyes 17:14

Paykunam ichaqa mana kasukurqakuchu, aswanqa Tayta Diospi mana hapipakuq ñawpaq taytanku hinam rumi sonqo karqaku.

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

Esdras 9:7

Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Jeremías 1:7

Ichaqa Tayta Diosmi niwarqa: Ama niychu ancha warmaraq kasqaykitaqa, qamqa kamachisqaymanmi maymanpas rinki, imam kamachisqaytam willakamunki.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 36:2

Josías rey kasqanmanta kunan punchawkama Israelpa, Judapa chaynataq lliw nacionkunapa contranpi nisqayta rollopi qellqay.

Jeremías 44:20

Hinaptinmi llapallan uyariqninkunaman warmimanpas qarimanpas Jeremías kaynata nirqa:

Jeremías 44:21

¿Yaqachum Tayta Dios qonqarun Judá nacionpi kaq llaqtakunapi chay-nataq Jerusalén llaqtapa callenku-napi, qamkunapas, taytaykichikkuna-pas, reynikichikkunapas, kamachiqnikichikkunapas chaynataq llapallan runakunapas incienso kañasqaykichikta? ¿Qonqarusqanpaqchu hapinkichik?

Jeremías 7:2

Temploypa punkunpi sayaykuspa kaynata willakamuy: Judá nacionpi runakuna, Tayta Diosta yupaychanaykichikpaq kay punkunta yaykuqkuna, kay willakuyta uyariychik.

Ezequiel 17:12

Chay mana kasukuq llaqtata kaynata tapuy: ¿Manachu yachankichik kay rikchanachiypa imam ninanta? nispa. Chaynaqa, paykunaman kaynata niy: Babilonia nacionpa reyninmi Jerusalén llaqtaman hamuruspan reytawan kamachikuqkunata presocharuspan Babilonia nacionman aparurqa.

Ezequiel 24:3

Ñoqa Tayta Diospa nisqayta kay mana kasukuq runakunaman kaynata rikchanachispa willay: Tullpaman mankata churkuspayki chay mankaman yakuta talliy.

Ezequiel 40:4

Chay runam niwarqa: Runapa churin, allinta uyariway, hinaspayki tukuy ima rikuchisqayta allinta qaway, tukuy kaykunata qawachinaypaqmi kaymanqa pusamusqa karqanki. Tukuy ima rikusqaykitam Israelpa mirayninkunaman willanki, nispa.

Amós 7:15

Ichaqa Tayta Diosmi ovejata michichkaptiy qayaykuwaspan kamachiwarqa: “Israel llaqtayman riy hinaspa ñoqamanta willamuy”, nispan.

Malaquías 3:7

Qamkunaqa ñawpaq taytayki-chikkunamanta qallaykuspam kama-chikuyniykunata qepanchakuruspa ka-sukuyta mana munankichikchu. Ñoqa Tukuy Atiyniyuq Tayta Diosmi nikichik: Kutirikamuwaychik ñoqaman, ñoqapas qamkunamanmi kutirikamusaq, nispa. Ichaqa qamkunam ninkichik: ¿Imanasqataq qanman kutirikamusaqku? nispaykichik.

Números 20:10

Qaqapa ñawpaqninman runakunata Moiseswan Aarón huñuruptinkum, Moisés nirqa: Uyariychik rumi sonqo runakuna: ¿Kay qaqamantachu tomanaykichikpaq yakuta hurqorusaqku? nispa.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Romanos 10:15

¿Imaynatataq willakunqaku mana pipas kachachkaptinqa? Chuya Qellqapim kaynata nin: ¡Mayna sumaqmi allin noticia willa-kuqkunapa puriyninqa! nispa.

Deuteronomio 9:24

Qamkunaqa reqsisqay punchawmantapunim Tayta Diosta mana kasukuq runakuna karqankichik.

Deuteronomio 9:27

Serviqniki Abrahamta, Isaacta hinaspa Jacobta yuyarispa kay runakunapa rumi sonqo kayninkuta, mana allin ruwayninkuta, huchallikuyninkuta ama kaqpaqpas hapiychu.