Ezequiel 2:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nimuwarqa: Runapa churin sayariy, ñoqam rimapayasqayki, nispa.

Quechua Ayacucho Bible 1987

¹ —Sayariy, runapa churin, ñoqam rimapayasqayki

Chuya Qellqa 1992

¹ Tayta Diosmi kaynata nimuwarqa: Runapa churin sayariy, ñoqam rimapayasqayki, nispa.

Ezequiel 2:1 Iomraidhean Croise

Ezequiel 1:28

Chay muyuriqninpi kanchariymi kasqa paramuptin puyu ukumanta rikurimuchkaq chirapa hina. Chaynatam Tayta Diospa kanchariynin ñoqaman rikuriykuwarqa. Chayta rikuruspaymi qonqoranpa pampaman kumuykurqani. Chaymantam rimapayamuwasqanta uyarirqani.

Ezequiel 12:3

Chaynaqa, runapa churin, preso apasqa hina lloqsinaykipaq apanayki kaqkunata allichakuy hinaspa paykuna qawasuchkaptiki punchaw pacha lloqsiy. Wasikimanta lloqsispa huklawman riy, icharaqpas mana kasukuq runakuna kasqankuta reqsikunmanku.

Ezequiel 13:2

Runapa churin, Israel nacionpi profeta tukuqkunapa contranpi, kikinkupa sonqonkumanta hurqospa llulla rimaq profetakunata kaynata nimuy: Tayta Diospa nisqanta uyariychik.

Ezequiel 14:13

Runapa churin, sichum hukkaqnin nación huchallikuspan ñoqamanta karunchakuruptinqa castiganaypaqmi makiyta hoqarisaq, hinaspaymi mikunankutapas chinkarachisaq, yarqayta kachaykuptiymi runakunapas hinaspa animalkunapas wañunqaku.

Ezequiel 14:3

Runapa churin, kay runakunaqa tukuy sonqonkumantam idolokuna yupaychayman qokurunku, huchallichiqninkupim hapipakurunku. ¿Chaychum tapuwanankutaraq saqeyman?

Ezequiel 15:2

Runapa churin, ¿imapitaq uvaspa kaspin wakin sachakunapa kullunmanta aswan allin?

Ezequiel 16:2

Runapa churin, Jerusalenpi yachaq-kunaman millakuypaq ruwasqankuta willamuy.

Ezequiel 17:2

Runapa churin, Israelpa mirayninkunaman kay rikchanachiyta nimuy.

Ezequiel 2:3

Paymi kaynata niwarqa: Runapa churin, qamtam Israelpa mirayninkunaman kachasqayki. Payku-nam ñoqapa contraypi hoqarikurunku. Paykunapas chaynataq ñawpaq taytankupas kunan punchawkamam mana kasuwankuchu.

Ezequiel 2:6

Runapa churin, paykunataqa chaynataq imam nisusqaykitapas amam manchakunkichu. Kichkapa intusqan hinaña kaspapas otaq atoq-atoq urukunapa chawpichasqanña kaspapas, amam ima rimasqankutapas manchakunkichu, amataqmi paykunapa qayllanpiqa hukmanyankichu. Paykunaqa mana kasukuq runakunam.

Ezequiel 2:8

Chaynaqa, runapa churin, imam nisqaytayá uyariy. Amayá chay runakuna hina mana kasukuqqa kaychu. Simikita kichariy hinaspa imam qosqayta mikuy, nispa.

Ezequiel 20:3

Runapa churin, Israelpa ancianonkunaman ñoqa Tayta Diospa nisqayta kaynata niy: ¿Tapukuwaqniyraqchum hamuchkankichik? Ñoqa Tayta Diosmi kikiyrayku jurani, tapukuynikichiktaqa manam contestasqaykichikchu, nispayki.

Ezequiel 3:1

Chaymantam niwarqa: Runapa churin, ñawpaqnikipi kaq qellqata mikuy hinaspa Israelpa mirayninkunaman nimuy, nispa.

Ezequiel 3:10

Chaymantam niwarqa: Runapa churin, kay rimapayasqaykunata sumaqta uyariwaspayki sonqoykipi waqaychay.

Ezequiel 3:17

Runapa churin, qamtam llaqta waqaychaqta hina Israelpa mirayninkunapaq churayki. Imapas qanman nisqaytam ñoqapa rantiypi paykunaman willanki.

Ezequiel 3:4

Niwarqataqmi kaytapas: Runapa churin, chaynaqa Israelpa mirayninkunaman kay imam nisqaykunata willamuy.

Ezequiel 37:3

Hinaptinmi Tayta Dios niwarqa: Runapa churin, ¿creenkichu kay tullukuna kawsarinanta? nispa. Chaymi ñoqañataq nirqani: Dios Taytalláy, qamllam chaytaqa yachanki, nispay.

Ezequiel 4:1

Chaynaqa, runapa churin, huk adobeta hapispa ñawpaqnikiman churay hinaspa chaypa hawanpi Jerusalén llaqtata dibujay.

Ezequiel 40:4

Chay runam niwarqa: Runapa churin, allinta uyariway, hinaspayki tukuy ima rikuchisqayta allinta qaway, tukuy kaykunata qawachinaypaqmi kaymanqa pusamusqa karqanki. Tukuy ima rikusqaykitam Israelpa mirayninkunaman willanki, nispa.

Ezequiel 43:18

Chaymantam niwarqa: Runapa churin, ñoqa Tayta Diosmi kaynata niki: Altar ruwananku tiempo chayaramuptinmi kay kamachikuyman hina ruwanqaku: Altarpa hawanpim lliw kañanapaq huk animalta ofrecewanqaku, hinaspam kay altarta yawarwan challanqaku.

Ezequiel 5:1

Chaymantam niwarqa: Runapa churin, ñawchiyachisqa cuchillota hapispa chukchaykita rutukuspa barbaykitapas siksikuy; hinaspa balanzapi chay chukchaykita kimsaman rakiy.

Ezequiel 7:2

Runapa churin, Israel nacionpi runakunatam ñoqa Tayta Dios kaynata nini: Tukupay punchawmi hichpamuchkanña, kay pachapa tawan lawninpa tukupayninmi chayamuchkanña.

Daniel 10:11

Paymi niwarqa: Diospa kuyasqan Daniel, hatarispayki kay nisqayta allinta uyariy. Ñoqam qanman kachamusqa karqani, nispa. Rimayta tukuykuptinmi katkatatastin sayarirurqani.

Daniel 10:19

hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Mateo 17:7

Hinaptinmi paykunata llapchaykuspan Jesús nirqa: Hatariychik, ama manchakuychikchu, nispa.

Juan 3:13

Manam pipas hanaq pachataqa rirqachu, aswanqa runapa Churillanmi, paymi hanaq pachamanta uraykamurqa.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Hechos 26:16

Chaynaqa, hatariyá, serviqniy kanay-kipaq akllakunaypaqmi rikurirqayki, kunan rikusqaykimantawan qepa pun-chawkunapi qawachisqaymanta willaku-naykipaq.

Hechos 9:6

Hatarispayki Damasco llaqtaman yaykuy, chaypim imam ruwanaykitapas nisunki, nispa.