Ezequiel 13:3 - CHUYA QELLQA La Biblia en Quechua de Ayacucho 2012

³ Tayta Diosmi kaynata nin: ¡Ay, imaynaraq kankichik! Mana yachayniyuq profetakuna, mana rimapayachkaptiy umaykichikmanta hurqospa llulla rimaqkuna,

Quechua Ayacucho Bible 1987

³ Señor Diosmi nin kaynata: ¡Ay rumi sonqo willakuqkuna, imaynaraq kankichik! Qamkunaqariki mana revelasqa kachkaspam sonqollaykichikmanta arteykunkichik.

Chuya Qellqa 1992

³ Tayta Diosmi kaynata nin: ¡Ay, imaynaraq kankichik! Mana yachayniyuq profetakuna, mana rimapayachkaptiy umaykichikmanta hurqospa llulla rimaqkuna,

Ezequiel 13:3 Iomraidhean Croise

Proverbios 15:14

Allin tanteakuq runaqa yachaytam maskan, mana yuyayniyuq runam ichaqa mana allin rimasqanta mikunqa.

Proverbios 15:2

Yachayniyuq runapa siminmantaqa yachaymi lloqsimun, mana yachayniyuqpa siminmantañataqmi mana allin rimaykunalla lloqsimun.

Jeremías 23:1

Tayta Diosmi kaynata nin: ¡Ay, imaynaraq kanqaku ovejaykunata chinkarachiq michiqkuna! ¡Ay, imaynaraq kanqaku ovejaykunata cheqerachiq michiqkuna! nispa.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:9

Llapa profetakunatam ñoqa Jeremías kaynata nini: Sonqoymi pasaypaq hukmanyasqa kachkan, tulluykunam katkatatachkan, sinka runamanraqmi rikchakuchkani, vinowan macharuqmanmi rikchakuchkani. Tayta Diosraykum chayna kachkani, chuya palabrankunaraykum chayna kachkani.

Jeremías 28:15

Hinaptinmi Hananiasta profeta Jere-mías nirqa: ¡Yaw Hananías, uyariway! Tayta Dios mana kamachimusuchkap-tikim kay runakunata llulla rimaynikikunapi hapipachichkanki.

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Ezequiel 13:18

kaynata nimuy: ¡Ay, imaynaraq kankichik, llaqtayta pantachinaykichikpaq umapaq layqasqa velokunata, makipaq layqasqa pulserakunata ruwaq warmikuna! ¿Chaykunawan runaykunata engañaspaykichikchu qamkunañataq salvakuytaraq munachkankichik?

Ezequiel 13:4

Israelpa mirayninkuna, profetaykichikkunaqa raqaykunapi yachaq atoqkuna hinam.

Ezequiel 34:2

Runapa churin, Israelpa michiqninkunapa contranpi ñoqa Tayta Diospa nisqayta kaynata niy: ¡Israelpa michiqninkuna, kikillaykichikta michikuqkuna, imallapiraq rikukunkichik! Michiqkunaqa ovejakunatam michinanku.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Zacarías 11:15

Huktawanmi Tayta Dios kamachiwarqa kaynata: Kunanñataq mana imapas qokuq michiqman rikchakuy.

Lucas 11:40

¡Mana yachayniyuqkuna! ¿Manachum hawanta ruwaqqa ukuntapas ruwarqa?

Lucas 11:52

¡Ay, imaynaraq kankichik! Diospa leynin yachachiqkuna, qamkunaqa yachaypa llaventam hapikurunkichik, manam yaykuyta munankichikchu, nitaqmi hukkuna yaykukunantapas munankichikchu, nispa.

1~Corintios 9:16

Cristomanta allin noticia willakuyniyqa manam alabakunaypaqchu, aswanqa willakunaypunim. ¡Ay, imay-naraq kayman allin noticiata mana willakuspayqa!

1~Timoteo 6:4

chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

2~Timoteo 3:9

Paykunaqa manam imapipas puntamanqa rinqakuchu, lliwmi mana yuyayniyuq kasqankuta yacharunqaku, chaynam pasakurqa Moisespa contranpi hatariq Janeswan Jambreswanpas.