Ezequiel 11:3 - CHUYA QELLQA La Biblia en Quechua de Ayacucho 2012

³ paykunam nichkanku: “Manapas unaypim ñoqanchikqa wasinchikta perqarusun. Mankapi aycha hinam hawka kakusunchik”, nispanku.

Quechua Ayacucho Bible 1987

³ “Manapas unaypim ñoqanchikqa wasinchikta perqarusunchik. Mankapi aychapas hawka kasqanman hinam kakusunchik” nispa.

Chuya Qellqa 1992

³ paykunam nichkanku: “Manapas unaypim ñoqanchikqa wasinchikta perqarusun. Mankapi aycha hinam hawka kakusunchik”, nispanku.

Ezequiel 11:3 Iomraidhean Croise

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

Isaías 5:19

Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Ezequiel 12:22

Runapa churin, ¿ima ninantataq Israelpa mirayninkuna nichkanku: “Punchawkuna pasaptinpas profetapa rimasqanqa manam cumplikunchu”, nispankuqa?

Ezequiel 12:27

Runapa churin, Israelpa miray-ninkunam nichkanku: Profetapa rimas-qankunaqa haykapiraqya cumplikunqapas, nispanku.

Ezequiel 7:7

Kay nacionpi yachaqkuna, purmachisqa kanaykichikmi chayamuchkanña. Muspaypi hinaña kanaykichik punchawmi chayamuchkanña, manañam orqokunapipas kusikuy kanqañachu.

Amós 6:5

Arpata tocaspam musoq takikunata hurqokunkichik, rey David hinaraqmi musoq tocanakunata ruwakunkichik.

Miqueas 3:3

Llaqtaytam mikuypaq mikunkichik, qaranta chustuspam tulluntapas pakinkichik, timpuchkaq mankapaq otaq rupachkaq hornopaq kuchupachkaq hinam parteparunkichik.

2~Pedro 3:4

paykunam asikuspa tapukunqaku: Cristom hamunanpaq prometekurqa, ¿maytaq hamunchu? Ñawpaq taytanchikkunapa wañukusqanmantaraqmi tukuy imapas hina kaqlla kachkan, chaynaqa kachkan kay pacha unanchasqa kasqanmantaraqmi, nispanku.