Éxodo 9:7 - CHUYA QELLQA La Biblia en Quechua de Ayacucho 2012

⁷ Faraon-ñataqmi Israel miraykunapa animalninkuta qawachimurqa, hinaptinmi chullallapas mana wañusqachu. Chaywanpas sonqon rumiyaruptinmi Faraonqa Israelpa mirayninkunata mana kachariyta munarqachu.

Quechua Ayacucho Bible 1987

⁷ Chaymi Faraon kacharqa Israel castakunapa animalnin qawaq hinaptinmi chaypiqa mana chullapas wañusqachu. Chaywan Faraonpa sonqon rumiyaruptinmi Israel runakuna kachariyta mana munarqachu.

Chuya Qellqa 1992

⁷ Faraonñataqmi Israel miraykunapa animalninkuta qawachimurqa, hinaptinmi chullallapas mana wañusqachu. Chaywanpas sonqon rumiyaruptinmi Faraonqa Israelpa mirayninkunata mana kachariyta munarqachu.

Éxodo 9:7 Iomraidhean Croise

Jobwan Sutichasqa Libro 9:4

Diosqa llumpay atiyniyuqmi, payqa ancha yachayniyuqmi ¿Pitaq paywan kutipanakuspan allin lloqsirunman?

Éxodo 3:19

Aswanqa yachanim Egipto nacionpi reyqa mana kacharisunaykichikta, kacharisunkichikqa atiyniywan hurqoptiyñam.

Éxodo 7:13

Chaywanpas Tayta Diospa nisqanman hinam Faraonpa sonqon rumiyarurqa, chaymi paykunata mana kasurqachu.

Éxodo 7:14

Chaymantam Moisesta Tayta Dios nirqa: Faraonqa sonqon rumiyasqa kaptinmi llaqtayta mana kachariyta munanchu.

Éxodo 8:32

Ichaqa Faraonmi sonqonta aswanraq rumiyarachispan Israelpa mirayninkunata mana kachariyta mu-narqachu.

Éxodo 9:12

Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.

Éxodo 9:8

Moisestawan Aarontam Tayta Dios nirqa: Hornomanta huk aptiyninka uchpata hoqariychik, hinaptin cielo lawman Faraonpa qayllanpi Moisés machqechun.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.