Éxodo 9:25 - CHUYA QELLQA La Biblia en Quechua de Ayacucho 2012

²⁵ Chay runtu param lliw Egipto nacionpi tukuy ima kaqkunata, runakunata, animalkunata, tukuy qorakunata tukuparurqa; llapa sachakunatapas pakiparurqam.

Quechua Ayacucho Bible 1987

²⁵ Runtu param dañarurqa enteron Egipto nacionpa camponpi tukuy ima kaqta, dañarurqamá runakunatapas chaynataq animalkunatapas. Runtu paraqa dañarurqataqmi campopi tukuy qorakunatapas hinaspam pakiparurqataq campopi llapa sachakunatapas.

Chuya Qellqa 1992

²⁵ Chay runtu param lliw Egipto nacionpi tukuy ima kaqkunata, runakunata, animalkunata, tukuy qorakunata tukuparurqa; llapa sachakunatapas pakiparurqam.

Éxodo 9:25 Iomraidhean Croise

Éxodo 9:19

Chaynaqa, campopi animalnikikunata hinaspa tukuy imayki kaqkunata wasiki ukuman huñuchimuy. Runapas, animalpas wasiman mana yaykuspa hina campollapi qeparuqqa runtu parawanmi wañurunqa”, nispa.

Éxodo 9:24

Chay llipyantin, rayontin runtu param mana samaykuspa chayamurqa. Chayna runtu paraqa Egipto nacionpa hatarisqanmantapas manam karqachu.

Éxodo 9:6

Paqarinnintin punchawmi Tayta Dios chaynata ruwarqa. Egipto nacionpi animalkunam lliw wañururqa, Israelpa mirayninkunapa animalninkum ichaqa mana chullallapas wañurqachu.

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Josué 10:11

Israelpa mirayninkunamanta amorreokuna Bet-horonpa uraynin waqtata ayqechkaptinkum Tayta Diosñataq cielomanta runtu parata hatun rumikunata hina chayachimurqa Azeca llaqtakama. Chay runtu parawan wañuchisqakunam aswan achka karqaku Israelpa mirayninkunapa espadanwan wañuqkunamantaqa.