Éxodo 9:24 - CHUYA QELLQA La Biblia en Quechua de Ayacucho 2012

²⁴ Chay llipyantin, rayontin runtu param mana samaykuspa chayamurqa. Chayna runtu paraqa Egipto nacionpa hatarisqanmantapas manam karqachu.

Quechua Ayacucho Bible 1987

²⁴ Llipyachkaq rayowan runtu param taqrukuykuspan kaynaman-waknaman purirqa. Chayna sinchi runtu paraqa manam karqachu Egipto nacionpa qallarisqanmantapunipas.

Chuya Qellqa 1992

²⁴ Chay llipyantin, rayontin runtu param mana samaykuspa chayamurqa. Chayna runtu paraqa Egipto nacionpa hatarisqanmantapas manam karqachu.

Éxodo 9:24 Iomraidhean Croise

Jobwan Sutichasqa Libro 38:23

Chaykunataqa ñakariy tiempokunapaqmi waqaychachkani, guerra tiempokunapaqmi waqaychachkani.

Éxodo 10:6

Chay aqaruwaykunam palacioykiman, serviqnikikunapa wasinman chaynataq Egipto nacionpi lliw runakunapa wasinmanpas huntarunqa. Chaynataqa Egipto nación kasqanmantapas, taytaykichikkunawan ñawpaq taytaykichikkunapas manam haykapipas rikurqakuchu”, nispa. Chaynata niruspanmi Moisesqa Fa-raonpa qayllanmanta lloqsikurqa.

Éxodo 9:18

Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu.

Éxodo 9:23

Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa.

Éxodo 9:25

Chay runtu param lliw Egipto nacionpi tukuy ima kaqkunata, runakunata, animalkunata, tukuy qorakunata tukuparurqa; llapa sachakunatapas pakiparurqam.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Ezequiel 1:4

Ñoqa Ezequiel qawariptiymi, norte lawmanta sinchi wayra pukumuchkasqa, huk yanay-yanay puyumantañataqmi llipyakuna lloqsimuchkasqa, chaypa muyuriqninpim llumpay kanchay kach-kasqa. Chay llipyakunapa chawpinpim llipipipichkaq bronceman rikchakuq kachkasqa.

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Mateo 24:21

Chay punchawkunapiqa hatun ñakariymi kakunqa, chayna ñakariyqa kay pachapa qallariyninmantapuni kunankamapas manam karqachu, nitaqmi haykapipas kanqachu.