Éxodo 9:23 - CHUYA QELLQA La Biblia en Quechua de Ayacucho 2012

²³ Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa.

Quechua Ayacucho Bible 1987

²³ Moisesmi tawnanta haywarirqa cielo lawman hinaptinmi rayokunata tunrururuchimuspa runtu parata Tayta Dios chayachimurqa, chay rayokunam pampaman chayarqa. Runtu paratamá Tayta Dios chayachirqa Egipto nacionman.

Chuya Qellqa 1992

²³ Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa.

Éxodo 9:23 Iomraidhean Croise

Génesis 19:24

Tayta Dios-ñataqmi azufretawan ninata cielomanta parachimurqa Sodoma, Gomorra llaqtakunaman.

Jobwan Sutichasqa Libro 37:13

Diosmi parata chayachimun: Wakin kutipi llaqtakunata castigananpaq, wakin kutipi allpata parqonanpaq, wakin kutipiñataq kuyakuyninta qawachikunanpaq.

Éxodo 19:16

Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku.

Éxodo 20:18

Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Éxodo 9:18

Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu.

Éxodo 9:24

Chay llipyantin, rayontin runtu param mana samaykuspa chayamurqa. Chayna runtu paraqa Egipto nacionpa hatarisqanmantapas manam karqachu.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Ezequiel 38:22

Gogtam peste onqoywan hinaspa wañuchinakuywan castigasaq; paymanwan tropankunaman chaynataq yanapaqnin nacionkunapa hawanmanmi loco parata, runtu parata rumita hinaña hinaspa azufreyuq nina parata kachaykamusaq.

Josué 10:11

Israelpa mirayninkunamanta amorreokuna Bet-horonpa uraynin waqtata ayqechkaptinkum Tayta Diosñataq cielomanta runtu parata hatun rumikunata hina chayachimurqa Azeca llaqtakama. Chay runtu parawan wañuchisqakunam aswan achka karqaku Israelpa mirayninkunapa espadanwan wañuqkunamantaqa.

Apocalipsis 16:18

Chaymi llipyaykuna, qapariykuna hinaspa rayokuna karurqa, hatu-hatun terremotom kay pachata taspirqa, chayna terremotoqa kay pachapi runakuna kasqanmantapunipas manam karqachu.

Apocalipsis 16:21

Cielomantam llapa runakunapa hawanman tawa chunka kilo llasayniyuq runtu para chayamurqa, hinaptinmi runakunañataq Diosta kamirqaku, kamirqakuqa hatu-hatun castigo runtu para chayachimusqanmantam.

Apocalipsis 8:7

Trompetanta punta kaq ángel tocaykuptinmi yawarwan chapusqa ninayuq runtu para kay pachaman chayamurqa, chaymi kay pachapa kimsa kaq partenta, sachakunapa hinaspa qewakunapa kimsa kaq partenta ruparurqa.