Éxodo 8:26 - CHUYA QELLQA La Biblia en Quechua de Ayacucho 2012

²⁶ Chaymi Moisés nirqa: Manam kayllapiqa ruwaymankuchu. Tayta Diosman ofrecesqayku animalkunataqa kay Egipto runakunaqa millakunmi. Sichum qawachkaptinku ofre-ceptiykuqa rumiwanchá tukuruwanmanku.

Quechua Ayacucho Bible 1987

²⁶ Hinaptinmi Moises nirqa: —Manam kayllapiqa ruraymankuchu. Yupaychasqayku Tayta Diospaq wañuchinayku animalkunataqa adorankichikmi. Kay Egipto runakuna qawachkaptin chay adorananku animalkunata wañuchiptiykuqa rumiwanchá choqaparuwanmanku.

Chuya Qellqa 1992

²⁶ Chaymi Moisés nirqa: Manam kayllapiqa ruwaymankuchu. Tayta Diosman ofrecesqayku animalkunataqa kay Egipto runakunaqa millakunmi. Sichum qawachkaptinku ofreceptiykuqa rumiwanchá tukuruwanmanku.

Éxodo 8:26 Iomraidhean Croise

Génesis 43:32

Joseypaqmi servirqaku sapaq mesapi, wawqenkunapaqñataqmi sapaq mesapi, sapaq mesapitaqmi paywan kuska mikuq Egipto runakunapaqpas. Egipto runakunaqa hebreo runakunawanqa manam kuskaqa mikuqkuchu, paykunapaqqa millakuypaqmi karqa.

Génesis 46:34

Kaynatam ninkichik: “Serviqnikikunaqa warma kasqaykumanta chaynataq ñawpaq taytaykumantapacham animalkuna michiqkunalla kaniku”, nispaykichik. Chaynapim Gosén lawpi yachankichik, Egipto runakunapaqqa millakuypaqmi kasqa oveja michiqkunawan kuskanchakuyqa.

2~Reyes 23:13

Tuñichirqataqmi Jerusalenmanta intipa qespimunan lawninpi, Olivos moqopa sur lawninpi tarikuq capillakunatapas. Chaykunatam Israelpa reynin Salomón hatarichirqa Sidón llaqtapa millakuypaq Astoret idolonkupaq, moabitakunapa cheqnipay Quemos idolonkupaq chaynataq amonitakunapa millakuypaq Milcom idolonkupaqpas.

Esdras 9:1

Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Éxodo 3:18

Israelpa ancianonkunam kasusunki, hinaptinmi paykunawan rispa Egipto nacionpi reyta ninkichik: Hebreo runakunapa Tayta Diosninmi tariramuwanku, chayraykum kunan kimsa punchaw puriyta chunniqman risaqku, chaynapi Tayta Diosman sacrificiokunata ofrecespa hatunchamunaykupaq, nispaykichik.

Éxodo 8:8

Chaymi Moisestawan Aaronta qayachispan Faraón nirqa: Tayta Diosta mañapuwaychik ñoqamantawan runaykunamanta karyakunata asuchinanpaq, hinaptinqa miraynikikunatam kacharisaq sacrificiokunata ofrecespa Tayta Diosta yupaychamunankupaq, nispa.

Isaías 44:19

Manam yachankuchu nitaqmi yuyaymanankuchu. “Kay kullupa partenta rupachispaymi tantata sansanpi ruwarqani, aychatapas kankaruspaymi mikurqani. Parten kullumantañataqmi kay millakuypaq idolota ruwaruni. Kay yupaychasqayqa kullumanta ruwasqallam”, nispa ninankupaqqa.