Éxodo 8:18 - CHUYA QELLQA La Biblia en Quechua de Ayacucho 2012

¹⁸ Layqakunapas chaynata ruwaspankum usata rikurichiypi karqaku, ichaqa manam atirqakuñachu. Usam runakunatawan animalkunata tukururqa.

Quechua Ayacucho Bible 1987

¹⁸ Chaynataqmi brujokunapas brujeriankuwan puka chuspi lloqsichiypi karqa aswanqa manam atirqakuñachu, puka chuspimá waykarqa runakunatawan animalkunata.

Chuya Qellqa 1992

¹⁸ Layqakunapas chaynata ruwaspankum usata rikurichiypi karqaku, ichaqa manam atirqakuñachu. Usam runakunatawan animalkunata tukururqa.

Éxodo 8:18 Iomraidhean Croise

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Éxodo 10:23

Kimsa punchawpunim mana pipas rikunakurqakuchu, nitaqmi maymi kasqanmantapas lloqsirqakuchu. Israelpa mirayninkunapa yachasqankupim ichaqa achkiy karqa.

Éxodo 7:11

Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwan chaynata ruwarqaku.

Éxodo 7:12

Sapakama tawnankuta wischuykuptinkum chaykunapas maqta uruman tikrakururqa, ichaqa Aaronpa tawnan maqta uruman tikrakuqmi paykunapa maqta uruman tikrakuq tawnankuta millpururqa.

Éxodo 8:7

Layqakunapas chaynata ruwaspankum Egipto allpaman karyakunata lloqsichimurqaku.

Éxodo 9:11

Layqakunapas Moisespa ñawpaqninpiqa chupuwan kasqankuraykum mana aguantayta atirqakuchu. Chupum layqakunapi chaynataq lliw Egipto runakunapipas rikurirurqa.

Isaías 19:12

Egipto nacionpa reynin, ¿maypitaq kachkan yachaysapa runaykikunaqa, chaynapi Tukuy Atiyniyuq Tayta Diospa Egiptopa contranpi imam tanteasqanta willasunaykipaq?

Daniel 4:7

Chaymi hamurqaku layqakuna, qawaqkuna, Caldea lawpi yachayniyuqkuna hinaspa qatipaqkuna-pas. Paykunamanmi imam mosqorus-qayta willarqani, ichaqa manam chay mosqoypa imam ninan willawayta atirqakuchu.

Daniel 5:8

Chaynapim reyta serviq yachayniyuq runakunaqa reypa ñawpaqninman hamurqaku, ichaqa manam mayqanninkupas chay qawasqanku qellqa leeyta atirqakuchu, manataqmi chaypa imam ninan kasqantapas reyman willayta atirqakuchu.

Lucas 10:18

Jesusñataqmi nirqa: Arí, ñoqapas Satanastam rikurqani cielomanta rayo hina wichimuqta.