Éxodo 8:15 - CHUYA QELLQA La Biblia en Quechua de Ayacucho 2012

¹⁵ Faraonmi ichaqa chaykunamanta libreña tarikuspan, sonqonta aswanraq rumiyarachispan Tayta Diospa nisqanta mana kasukurqachu.

Quechua Ayacucho Bible 1987

¹⁵ Aswanqa Faraonmi tukuy ima sosegarusqanta qawaykuspan Tayta Diospa nisqanpi hina sonqonta rumiyarachispan mana kasukurqachu.

Chuya Qellqa 1992

¹⁵ Faraonmi ichaqa chaykunamanta libreña tarikuspan, sonqonta aswanraq rumiyarachispan Tayta Diospa nisqanta mana kasukurqachu.

Éxodo 8:15 Iomraidhean Croise

Éxodo 14:5

Israelpa mirayninkuna lloqsisqankutam Egipto nacionpi reyman willaykurqaku, hinaptinmi Faraonqa serviqninkunapiwan Israelpa mirayninkunapa contranpi tanteaspa nirqaku: Israelpa mirayninkunata kachaykuspanchikqa yanqatam ruwarunchik, ¿pitaq kunanqa serviwasunchik? nispanku.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 7:4

Chaywanpas Faraonqa manam uyarisunkichikchu, chaymi Egipto nacionta ñakarichispay Israelpa mirayninkunata tropaykunata hina hurqosaq.

Éxodo 8:14

Runakunañataqmi monto-montonta huñururqaku allpapas asnarinankama.

Éxodo 8:16

Tayta Diosmi Moisesta nirqa: Aaronta niy: “Tawnaykita hoqarispayki allpapa polvonta waqtay, chaynapi lliw Egipto nacionpi usaman tikrakunanpaq”, nispa.

Éxodo 8:28

Chaymi Faraón nirqa: Ñoqam chunniqman rinaykichikpaq kachaykusqaykichik, chaynapi Dios-nikichikman sacrificiokunata ofrecespa yupaychamunaykichikpaq, ichaqa amam llumpay karutaqa rinkichikchu, hinaspam ñoqapaqpas mañakamunkichik, nispa.

Éxodo 8:29

Hinaptinmi Faraonta Moisés nirqa: Qayllaykimanta lloqsiykuspallaymi Tayta Diostaqa mañakusaq, kachukuq tukuy rikchaq chuspikunata qanmanta, serviqnikikunamanta hinaspa runaykikunamanta paqarinpuni chinkachinanpaq. Ichaqa amaña engañawaykuchu, aswanqa Israelpa mirayninkunata kachariy, chaynapi Tayta Diosman sacrificiokunata ofrecenanpaq, nispa.

Éxodo 8:32

Ichaqa Faraonmi sonqonta aswanraq rumiyarachispan Israelpa mirayninkunata mana kachariyta mu-narqachu.

Éxodo 8:8

Chaymi Moisestawan Aaronta qayachispan Faraón nirqa: Tayta Diosta mañapuwaychik ñoqamantawan runaykunamanta karyakunata asuchinanpaq, hinaptinqa miraynikikunatam kacharisaq sacrificiokunata ofrecespa Tayta Diosta yupaychamunankupaq, nispa.

Proverbios 26:11

Imaynam allqo mikusqanta kutirachispan kaqllamanta mikurun, chaynam sonso runaqa mana tanteaspa ruwasqanta kaqllamanta ruwarun.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Eclesiastés 8:11

Runata mana allin ruwasqanmanta mana chaylla castigaruptinkuqa, wakin runakunapas chayllam mana allin ruwayman qokurunqaku.

Isaías 26:10

Mana allin ruwaq runakunaqa llakipayaptikipas manam allin ruwaytaqa yachankuchu; kasukuq runakuna qaylla kawsaspapas hina mana allin ruwaqkunallam, Tukuy Atiyniyuq kasqaykitapas manam kaqpaqpas hapinkuchu.

Oseas 6:4

Tayta Diosñataqmi nirqa: Efraín llaqta, ¿imatataq qanwan ruwasaq? Judá llaqta, ¿imatataq qanwan ruwasaq? Qamkunapa kuyakuynikichikqa tutapay puyu hina chinkaruqllam, tutapay sulla hina waspiruqllam.

Hebreos 3:15

Chuya Qellqam kaynata nin: Sichum kunan Diospa nisqanta uyarichkaspaykichikqa, amayá sonqoykichikta rumiyarachiychikchu, imaynam piñachiwasqanku punchawpi hinaqa.

Hebreos 3:8

amayá sonqoykichikta rumiyarachiychikchu piñachiwasqanku punchawpi hinaqa, chunniqpi tentawaspanku ruwasqankuta hinaqa.

Apocalipsis 16:9

Chaymi llapallan runakuna kañasqa karqaku, ichaqa manam Diosmanpas kutirikurqakuchu nitaqmi yupaycharqakuchu, aswanraqmi paykunaqa kay castigokuna apachimuq Diostapas mana allinkunata rimaspanku kamirqaku.

1~Samuel 6:12

Chay vacakunam Bet-semes llaqtaman ñanninta waqastin rirqaku, manam ichoqmanpas nitaq alleqmanpas muyurqakuchu. Filisteokunapa kamachiqninkunañataqmi carretapa qepanta qatirqaku Bet-semes llaqtapa linderonkama.

1~Samuel 6:3

Chaymi paykunañataq nirqaku: Israel runakunapa Diosninpa Arcanta kutichispaqa, amam hinallataqa kuti-chinkichikchu, aswanqa huchallikusqaykichikmantam ofrendata qonkichik. Chayraqmi sanoyankichik hinaspam yachankichik imaynanpim chay castigoqa qamkunamanta mana karunchakusqanta, nispanku.

1~Samuel 6:6

¿Imanasqataq sonqoykichikta rumiyarachinkichik, yaqa egipciokuna chaynataq rey Faraón hina?. Paykunam rumi sonqo karqaku, chaymi Dios castigaptinña Israelpa mirayninkunata kachaykurqaku.

1~Samuel 6:9

Ichaqa kaytam qawasunchik, sichum chay carreta qespinqa Bet-semes llaqtaman ñanninta, hinaptinqa chaypim yachasun Israelpa Diosnin kay ñakariykuna churamusqanta, mana chayna kaptinqa yachasunchiktaqmi chay castigoqa mana paymanta hamusqanta, aswanqa yanqa onqoylla kasqanta, nispa.