Éxodo 7:3 - CHUYA QELLQA La Biblia en Quechua de Ayacucho 2012

³ Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Quechua Ayacucho Bible 1987

³ Aswanqa ñoqam Faraonpa sonqonta rumiyarachisaq hinaspam Egipto nacionpi achka-achka señalkunata hinaspa milagroykunata rurasaq.

Chuya Qellqa 1992

³ Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Éxodo 7:3 Iomraidhean Croise

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Éxodo 11:10

Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.

Éxodo 11:9

Chaymantam Moisesta Tayta Dios nirqa: Faraonqa manam kasusunkichikchu, chaynapim Egipto nacionpi admirakuypaq ruwasqaykunata qawachikusaq, nispa.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 4:21

Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 4:29

Hinaspam Moiseswan Aarón rispanku Israelpa mirayninkunamanta llapallan ancianokunata huñururqaku.

Éxodo 4:7

Hinaptinmi Tayta Dios nirqa: Makikita huktawan oqllaynikiman hinay, nispa. Chaymi makinta oqllayninman hinaykuspa hurqoykuptin makinqa cuerpon hina sanoña kachkasqa.

Éxodo 7:13

Chaywanpas Tayta Diospa nisqanman hinam Faraonpa sonqon rumiyarurqa, chaymi paykunata mana kasurqachu.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Isaías 51:9

¡Rikchariy! ¡Tukuy Atiyniyuq Dios Taytalláy, rikchariy! Atiywan pachakuy, ñawpaq watakunapi hina rikchariy, ñawpaq tiempokunapi hina rikchariy. ¿Manachum qamqa lamar qochapi manchakuypaq Rahab sutiyuq animalta tuksiparurqanki?

Miqueas 7:15

Egiptomanta hurqomusqaykipi hina admirakuypaq atiynikita qawarichiy.

Juan 4:48

Jesusñataqmi nirqa: Milagrokunatawan señalkunata mana rikuspaykichikqa, qamkunaqa manam creenkichikchu, nispa.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Romanos 15:19

Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 7:19

Kaytam yuyarinkichik: Señornikichik Tayta Diosmi Egipto nacionmanta hatun milagrokunawan chaynataq admirakuypaq señalkunawan hurqomuwarqanchik, chaykunataqa rikurqankichikmi. Chaynatam manchakusqaykichik nacionkunatapas ruwanqa.