Éxodo 7:23 - CHUYA QELLQA La Biblia en Quechua de Ayacucho 2012

²³ Chaymantam palacionman Faraón kutikurqa, paytaqa chaykunamantaqa manam imapas qokurqachu.

Quechua Ayacucho Bible 1987

²³ Faraonmi wasinman kutikurqa, paytaqa manam imapas qokurqachu chaykunamantaqa.

Chuya Qellqa 1992

²³ Chaymantam palacionman Faraón kutikurqa, paytaqa chaykunamantaqa manam imapas qokurqachu.

Éxodo 7:23 Iomraidhean Croise

Jobwan Sutichasqa Libro 7:17

¿Pitaq runaqa karqa hatunchanaykipaqqa? ¿Pitaq runaqa karqa paymanta sonqoykipi yuyarinaykipaqqa?

Éxodo 7:22

Egipto nacionniyuq layqakunapas layqayninkuwan chaynata ruwaptinkum Faraonpa sonqon rumiyarurqa, chaymi Tayta Diospa nisqanpi hina Moisestawan Aaronta mana kasurqachu.

Éxodo 7:24

Egipto runakunañataqmi mayumanta yakuta mana tomayta atispanku mayupa patanpi uchkurqaku limpio yakuta maskaspanku.

Éxodo 9:20

Chaywanpas Faraonpa wakiqnin serviqninkunallam Tayta Diospa nisqanta manchakuspanku serviqninkunata chaynataq animalninkutapas wasi ukuman pusaykurqaku.

Éxodo 9:21

Wakiqninmi ichaqa Tayta Diospa nisqanta mana kasukuspanku serviqninkutawan animalninkuta hina campopi saqeramurqaku.

Proverbios 22:17

Yachayniyuq runapa rimasqantaqa rinrita kicharispa sumaqta uyariy, yachachisqaykunapiyá sumaqta yuyaymanay.

Proverbios 24:32

Chayta qawaspaymi yuyaymanarqani, rikuruspaymi kayta yacharurqani:

Proverbios 28:14

Mayna kusisqam kanqa Diosta tukuy tiempo kasukuq runaqa, mana kasukuq runam ichaqa sasachakuyman wichiykunqa.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 47:7

“Wiñaypaq munaychakuq señoram kasaq”, nispam nirqanki, ichaqa manam kaykunamanta tantearqankichu, nitaqmi imaynam kaykuna tukurunantapas yuyaymanarqankichu.

Jeremías 36:24

Chay palabrakunata uyarichkaspapas manam reypas nitaq serviqninkunapas manchayllapas mancharikurqakuchu, nitaqmi pachankutapas llikiparqakuchu.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Ezequiel 40:4

Chay runam niwarqa: Runapa churin, allinta uyariway, hinaspayki tukuy ima rikuchisqayta allinta qaway, tukuy kaykunata qawachinaypaqmi kaymanqa pusamusqa karqanki. Tukuy ima rikusqaykitam Israelpa mirayninkunaman willanki, nispa.

Habacuc 1:5

Muyuriqnikichikpi nacionkunata qawariychik, qawarispa mancharikuychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Deuteronomio 32:46

Chaymantam Israelpa mirayninkunata kaynata nirqa: Tukuy kay nisqaykunata yuyaymanaspa sonqoykichikpi hatalliychik. Chu-rikichikkunata kamachiychik kay yacha-chikuykunata kasukuspa ruwayman churanankupaq.

1~Samuel 4:20

Wachakuywan wañuy patanpiña kachkaptinmi yanapaqninkuna nirqaku: Ama manchakuychu, qari wawatam wachakurunki, nispanku. Paymi ichaqa manaña imatapas nirqachu nitaqmi musyakurqañachu.