Éxodo 7:11 - CHUYA QELLQA La Biblia en Quechua de Ayacucho 2012

¹¹ Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwan chaynata ruwarqaku.

Quechua Ayacucho Bible 1987

¹¹ Chaymi Faraonpas qayarqa yachaysapa runakunatawan brujokunata hinaptinmi Egipto nacionniyoq brujokunapas chaynata rurarqaku brujeriankuwan:

Chuya Qellqa 1992

¹¹ Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwanmi chaynata ruwarqaku.

Éxodo 7:11 Iomraidhean Croise

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Éxodo 7:12

Sapakama tawnankuta wischuykuptinkum chaykunapas maqta uruman tikrakururqa, ichaqa Aaronpa tawnan maqta uruman tikrakuqmi paykunapa maqta uruman tikrakuq tawnankuta millpururqa.

Éxodo 7:22

Egipto nacionniyuq layqakunapas layqayninkuwan chaynata ruwaptinkum Faraonpa sonqon rumiyarurqa, chaymi Tayta Diospa nisqanpi hina Moisestawan Aaronta mana kasurqachu.

Éxodo 8:18

Layqakunapas chaynata ruwaspankum usata rikurichiypi karqaku, ichaqa manam atirqakuñachu. Usam runakunatawan animalkunata tukururqa.

Éxodo 8:3

Mayupi karyakuna miraruspanmi yaykunqa palacioykiman, puñunayki cuartoman, camaykiman, serviqnikikunapa wasinman, runaykikunapa wasinman, hornoykikunaman chaynataq artesaykikunamanpas.

Éxodo 8:7

Layqakunapas chaynata ruwaspankum Egipto allpaman karyakunata lloqsichimurqaku.

Daniel 2:2

Hinaspam layqakunata, qatipaqkunata, qawaqkunata qayachirqa, qayachirqataqmi Caldea runakunamanta yachayniyuqkunatapas; chaynapim paykunaqa reypa qayllanman hamurqaku.

Daniel 2:27

Chaymi Daniel nirqa: Chay pakasqa kaqkuna mosqorusqaykitaqa manam willayta atisunkimanchu yachayniyuq runakunapas, qawaqkunapas, layqakunapas, qatipaq runakunapas.

Daniel 4:6

Chayraykum kamachikurqani Babilonia nacionpi llapallan yachayniyuq runakuna qayllayman hamunankupaq, chaynapi mosqorusqaypa imam ninanta willawanankupaq.

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

Daniel 5:7

Chaymi qaparispan qayachirqa qawaqkunata, Caldeapi yachayniyuq-kunata hinaspa adivinaqkunata. Payku-natam nirqa: Wak qellqata leey atiqqa chaynataq imam ninanta willaykuwaqniyqa sumaqllaña grosella pachawan pachachisqam kanqa, kunkanmanpas qorimanta collarwanmi wallqachisaq, munaychakuyniypipas payqa kimsa kaq kamachikuqmi kanqa, nispa.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Gálatas 3:1

¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

2~Tesalonicenses 2:9

Chay millay runaqa hatun atiywan hinaspa Satanaspa kallpanchasqanmi hamunqa, chaymi admirakuypaq llulla milagrokunata ruwanqa.

2~Timoteo 3:8

Imaynam Janeswan Jambrespas Moisespa contranpi karqaku, chaynam kay runakunapas cheqap yachachikuykunapa contranpi kachkanku. Mana allin yuyaymanayniyuq kaspankum Jesucristoman mana iñisqankurayku Diospa mana chaskisqan kachkanku.

2~Timoteo 3:9

Paykunaqa manam imapipas puntamanqa rinqakuchu, lliwmi mana yuyayniyuq kasqankuta yacharunqaku, chaynam pasakurqa Moisespa contranpi hatariq Janeswan Jambreswanpas.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

1~Samuel 6:2

Chaymi filisteokuna, sacerdotekunata chaynataq qatipaqkunata tapunankupaq qayachirqaku: ¿Imatataq Diospa Arcanwan ruwasunchik? Willaykuwayku, ¿imaynatataq maymi kasqanman kutichichwanchik? nispa.