Éxodo 6:8 - CHUYA QELLQA La Biblia en Quechua de Ayacucho 2012

⁸ Abrahamman, Isaacman hinaspa Jacobman qonaypaq prometesqay allpamanmi pusasqaykichik. Chay allpata qoptiymi qamkunapaña kanqa. Ñoqam Tayta Dios kani, nispa.

Quechua Ayacucho Bible 1987

⁸ Abrahanman, Isaacman hinaspa Jacobman qonaypaq jurasqay allpamanmi yaykuchisqaykichik. Chay allpatam qosqaykichik dueñoña kanaykichikpaq. Ñoqa Tayta Diosmi chaynata nini.”

Chuya Qellqa 1992

⁸ Abrahamman, Isaacman hinaspa Jacobman qonaypaq prometesqay allpamanmi pusasqaykichik. Chay allpata qoptiymi qamkunapaña kanqa. Ñoqam Tayta Dios kani, nispa.

Éxodo 6:8 Iomraidhean Croise

Génesis 14:22

Hinaptinmi Abram nirqa: Kay pacha hanaq pacha unanchaq Tukuy Atiyniyuq Tayta Diosrayku juraspaymi nirqani:

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 35:12

Abrahamman chaynataq Isaacman qosqay allpatam qanmanpas hinaspa miraynikikunamanpas qosaq, nispa.

Nehemías 9:15

Yarqaymanta kaptinkum cielomanta mikuyta qomurqanki, yakumanta kaptinkum qaqamanta yakuta hurqomurqanki, prometesqayki allpaman yaykunankupaqmi kamachirqanki.

Éxodo 13:5

Tayta Diosmi cananeokunapa, heteokunapa, hititakunapa hinaspa jebuseokunapa allpanman pusasunkichik. Ñawpaq taytaykichikmanmi jurarqa tukuy imakunapa kanan chaynataq tukuy kawsaypa qespinan allpata qosunaykichikpaq. Chay allpaman yaykuspaykichikmi kay fiestata Abib killapi ruwankichik.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Éxodo 6:2

Moisesta rimapayaspam Tayta Dios nirqa: Ñoqam Tayta Dios kani.

Éxodo 6:4

Paykunawanmi pactota ruwarqani, chaynapi huklaw llaqtayuq hina yachasqanku Canaán allpata paykunaman qonaypaq.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Ezequiel 20:15

Chay chunniqpitaqmi paykunata juraspay nirqani qosqay allpaman, tukuy imapa kanan chaynataq tukuy imapa qespinan allpaman, llapallan allpakunamantapas aswan allin allpaman manaña yaykuchinaypaq.

Ezequiel 20:23

Chay chunniqpim jurarqani paykunata kay pachapi tukuy nacionman cheqerachinaypaq.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 20:42

Israel allpaman otaq ñawpaq taytay-kichikkunaman qonaypaq jurasqay allpaman yaykuchiptiymi Tayta Dios kasqayta yachankichik.

Ezequiel 36:7

Chayraykum ñoqa Tayta Dios kaynata nini: Chay muyuriqnikichikpi nacionkunam penqayman churasqa kanqaku.

Ezequiel 47:14

Kay nacionpi allpakunatam ñawpaq taytaykichikkunaman qonaypaq prometekurqani, chaynaqa chay sayaytakamallam partenakunkichik. Kay nacionmi tupaqnikichik allpa kanqa.

Números 10:29

Huk punchawmi Madián ayllu suegron Jetropa churin Hobabta Moisés nirqa: Tayta Diospa qowasqanku allpamanmi richkaniku, sichum ñoqaykuwan riptikiqa yanapasqaykikum. Israel ayllukunataqa Tayta Diosmi prometewarqaku yanapawanankupaq, nispa.

Números 11:12

¿Ñoqa-qa paykunapa tayta mamanchu kar-qani ñuñuq wawata hina ñawpaq tay-tankuman prometesqayki allpaman marqayniypi apanaypaq?

Números 14:30

Yachanaykichikpaq juraspay qonay allpamanqa manam mayqannikichikpas yaykunkichikchu. Jefonepa churin Calebwan Nunpa churin Josueyllam yaykunqaku.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Deuteronomio 32:40

Cieloman makiyta haywarispaymi jurani, wiñaypaq kawsaq Dios kasqayta.

Deuteronomio 4:31

Señornikichik Tayta Diospas llakipayakuq Dios kasqanraykum manapuni saqesunkichikchu, nitaqmi chinkachisunkichikchu. Ñawpaq taytaykichikwan juraspan pacto ruwasqantapas manam qonqanqachu.

Josué 24:13

Mana llamkasqaykichik chakrakunatawan mana hatarichisqaykichik llaqtakunatam qorqaykichik. Chaykunapi kunan yachaspaykichikmi mana plantasqaykichik uvaskunatawan aceitunaskunata mikuchkankichik”, nispa.

Apocalipsis 10:6

hinaspam cielokunapas, kay pachapas, lamar qochapas chaynataq chaykunapi kaq tukuy imapas unanchaq wiña-wiñaypaq kawsaq Diosrayku jurarqa: Manañam unamunqañachu,

1~Samuel 15:29

Israelpa Tukuy Atiyniyuq Diosninqa manam llullakunchu, manataqmi imamantapas ñakakunmanchu, payqa manam runachu wanakunanpaqa, nispa.