Éxodo 6:7 - CHUYA QELLQA La Biblia en Quechua de Ayacucho 2012

⁷ Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Quechua Ayacucho Bible 1987

⁷ Runaykunaña kaptikichikmi ñoqañataq Diosnikichik kasaq. Qamkunam yachankichik Egipto nacionpi sasa llamkaykunamanta horqoq yupaychasqaykichik Tayta Dios kasqayta.

Chuya Qellqa 1992

⁷ Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Éxodo 6:7 Iomraidhean Croise

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

1~Reyes 20:28

Tayta Diospa profetan hamuspanmi Israel nacionpa reyninta nirqa: Siria runakunam nichkanku: “Tayta Diosqa orqokunapi diosmi, manam qechwapi dioschu” nispanku, aswanqa ñoqam wak nana-nanaq runakunata makikiman churasaq chaynapim yachankichik Tayta Dios kasqayta, nispa.

1~Reyes 8:60

Chaynapim kay pachapi llapallan runakuna, Señor-ninchik Tayta Diosqa sapallan Dios kasqanta yachanqaku.

Nehemías 1:10

Israelpa mirayninkunaqa serviqnikikunam kaniku, chaymi hatun atiynikiwan librawarqankiku.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 15:16

Dios Taytallayku, paykunaqa mancharikuymanta katkatatachunku, hatun atiynikirayku rumi hina upallachunku; runaykikuna pasanaykukama upallachunku, kay rantisqaykikuna pasanaykukama upallachunku.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 16:12

Ñoqam uyarirqani Israelpa mirayninkunapa rimasqanta, paykunata niy: “Chisinkuytam aychata mikunkichik, tutapaytañataqmi tantawan saksankichik, chaynapim yachankichik ñoqaqa Tayta Dios kasqayta”, nispa.

Éxodo 16:6

Chaymi Israelpa mirayninkunata Moiseswan Aarón nirqaku: Tardemanmi yachankichik Egipto llaqtamanta Tayta Dios hurqomususqaykichikta.

Éxodo 2:11

Huk punchawmi Moisesqa yuyayniyuqña kachkaspan, castankuna watukuq lloqsispan sasa llamkaykunawan ñakarisqankuta qawarqa, qawarqataqmi hebreomasin runata Egipto runa maqasqantapas.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Éxodo 7:17

Tayta Dios kaynata nin: Kunanmi Tayta Dios kasqayta yachanki, makiypi tawnawan Nilo mayuta waqtaruptinmi yawarman yaku tikrakurunqa.

Isaías 41:20

Chaynapi haykam rikuqkuna ñoqa Tayta Diospa ruwasqayta yachanankupaq, Israelpa Chuya Diosnin kaspay unanchasqayta musyanankupaq.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 51:15

Ñoqa Tayta Diosmi lamar qochata kuyurichini, olankunatapas qaparichini. Ñoqaqa Tukuy Atiyniyuq Tayta Dioswan sutichasqam kani.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Jeremías 30:22

Qamkunam llaqtayña kankichik, ñoqañataqmi Diosnikichik kasaq, ñoqa Tayta Diosmi chaynata nini.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Ezequiel 20:19

Ñoqam kani yupaychasqaykichik Tayta Diosqa, decretoykunata kasukuspa kamachikuyniykunata ruwayman churaychik.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Levítico 11:44

Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Levítico 11:45

Diosnikichik kanaypaqmi Egipto nacionmanta ñoqa Tayta Dios hurqomurqaykichik. Chaynaqa, chuya kasqayraykuyá qamkunapas chuya kaychik, nispa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Números 15:41

Ñoqa Tayta Diosmi Egipto nacionmanta hurqomurqaykichik Diosnikichik kanaypaq. Ñoqa Tayta Diosmi Diosnikichik kani.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Deuteronomio 26:18

Israel llaqta, kunanmi Tayta Dios nisunkichik qamkunaqa llaq-tanña kasqaykichikta, imaynam prometekusqanman hina, chaynaqa, tukuy kamachikuyninkunatayá kasukuychik.

Deuteronomio 29:12

Llapallaykichikmi huñu-nasqa kachkankichik Señornikichik Tayta Dioswan pactota ruwaspa kunan juranaykichikpaq.

Deuteronomio 29:13

Chaynapim kunanmantaqa Tayta Diospa llaqtanña kankichik. Payñataqmi Diosnikichikña kanqa, imaynam ñawpaq taytaykichik Abrahamman, Isaacman chaynataq Jacobman jurasqanpi hina.

Deuteronomio 29:5

Ñoqam chunniqninta tawa chunka watapuni pusamurqaykichik, pachaykichikpas chaynataq usutaykichikpas manam tukurqachu.

Deuteronomio 4:20

Qamkunatam ichaqa metal chulluchina hornomanta hurqomuchkaq hina Egipto nacionmanta Tayta Dios hurqomusurqankichik, chaynapim kunanqa paypa runankunaña kankichik.

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

1~Pedro 2:10

Ñawpaqtaqa manam llaqtanchu karqankichik, kunanmi ichaqa Diospa llaqtanña kankichik. Ñawpaqtaqa mana llakipayasqam karqankichik, kunanmi ichaqa Diospa llakipayasqanña kachkankichik.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.