Éxodo 6:6 - CHUYA QELLQA La Biblia en Quechua de Ayacucho 2012

⁶ chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Quechua Ayacucho Bible 1987

⁶ Chayraykum Israelpa mirayninkunata ninki: “Ñoqam kani Tayta Dios chaymi ñoqa horqosqaykichik Egipto nacionpi sasa llamkaykunamanta, librasqaykichiktaqmi servipakuq kasqaykichikmantapas. Atiyniywanmi salvasqaykichik hatun castigokunawan.

Chuya Qellqa 1992

⁶ chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Éxodo 6:6 Iomraidhean Croise

1~Reyes 8:42

(paykunapas hatun sutikimantawan hatun atiynikimantam uyarinqaku) kay temploykimanta qayakamusuptikiqa,

2~Reyes 17:36

Ñoqa Tayta Diosllatam yupaychawankichik, qamkunataqa hatun atiyniywanmi Egipto nacionmanta hurqomurqaykichik. Ñoqallata kasuwaspam yupaychawan-kichik hinaspam sacrificiokunata ofrecewankichik.

1~Crónicas 17:21

Israel llaqtayki hinaqa manam ima nacionpas kay pachapiqa kanchu. Diosnilláy, qanmi llaqtayki kananpaq Egipto nacionmanta libramurqanki, hatun manchakuypaq chaynataq admirakuypaq kaqkunata ruwaspaykim reqsichikurqanki, llaqtaykipa qayllanmantam llapa nacionkunatapas qarqospa idolonkunatapas ñutururqanki.

Nehemías 1:10

Israelpa mirayninkunaqa serviqnikikunam kaniku, chaymi hatun atiynikiwan librawarqankiku.

Éxodo 1:11

Chaynapim capatazkunata churarurqaku, sasa llamkaykunawan Israelpa mirayninkunata ñakarichinankupaq. Paykunawanmi ruwachirqaku Pitón llaqtatawan Ramesés llaqtata, chay llaqtakunapim rey Faraón kawsaykunata waqaychaq.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:16

Chaynaqa, qampaqmi kanqa makikipiwan urkuykipi marca hina, Egipto nacionmanta hatun atiyninwan Tayta Dios hurqomuwasqankuta ama qonqanaykipaq”, nispa.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 15:13

Kuyakuynikiman hinam kay librasqayki llaqtaykita pusawachkankiku, hatun atiynikiwanmi yachanayki wasiman pusawachkankiku.

Éxodo 16:6

Chaymi Israelpa mirayninkunata Moiseswan Aarón nirqaku: Tardemanmi yachankichik Egipto llaqtamanta Tayta Dios hurqomususqaykichikta.

Éxodo 18:1

Moisespa suegron Madián lawpi sacerdote Jetrom uyarirurqa, Moiseswan hinaspa Israelpa mirayninkunawan Tayta Diospa tukuy ima ruwasqanta, uyarirqataqmi imaynam Egipto nacionmanta Israelpa miray-ninkunata Tayta Dios hurqomusqantapas.

Éxodo 2:11

Huk punchawmi Moisesqa yuyayniyuqña kachkaspan, castankuna watukuq lloqsispan sasa llamkaykunawan ñakarisqankuta qawarqa, qawarqataqmi hebreomasin runata Egipto runa maqasqantapas.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Éxodo 32:11

Chaymi Tayta Diosta ruegakuspan Moisés nirqa: Dios Taytalláy, amayá piñakuychu Egipto nacionmanta hurqomusqayki runaykikunapa contranpiqa, paykunataqa hatu-hatun atiynikiwanmi hurqomurqanki.

Éxodo 6:2

Moisesta rimapayaspam Tayta Dios nirqa: Ñoqam Tayta Dios kani.

Éxodo 6:29

nirqa: Ñoqam Tayta Dios kani. Tukuy nisqaykunata Egipto nacionpi rey Faraonman willamuy, nispa.

Éxodo 6:8

Abrahamman, Isaacman hinaspa Jacobman qonaypaq prometesqay allpamanmi pusasqaykichik. Chay allpata qoptiymi qamkunapaña kanqa. Ñoqam Tayta Dios kani, nispa.

Éxodo 7:4

Chaywanpas Faraonqa manam uyarisunkichikchu, chaymi Egipto nacionta ñakarichispay Israelpa mirayninkunata tropaykunata hina hurqosaq.

Éxodo 7:5

Egipto runakunaman atiyniyta qawachispay Israelpa mirayninkunata paykunapa chawpinmanta hurqoptiymi, Egipto runakuna yachanqaku ñoqa Tayta Dios kasqayta.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Isaías 9:21

Manasesmi Efrainta tuñichin Efrainñataqmi Manasesta wichichin, iskayninñataqmi Judá ayllupa contrapi hatarinku. Chaywanpas Diosqa, hinallam atiyninwan castigananpaq kachkan.

Jeremías 21:5

Kikiypunim qamkunapa contraykichikpi, hatun atiyniywan hinaspa nina hina manchakuypaq piñakuyniywan peleasaq.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 32:21

Hatun atiynikiwan, hatun castigowan, admirakuypaq señalkunawanmi, Israel runaykikunata Egipto nacionmanta hurqomurqanki, chaykunawanmi llapa runakunata mancharichirqanki.

Ezequiel 20:33

Ñoqa Tayta Diosmi kaynata nini: Ñoqaqa piñakuyniywan hinaspa hatun atiyniywanmi qamkunapi munaychakusaq.

Hechos 13:17

Israel runakunapa Diosninmi ñawpaq taytanchikkunata akllarqa, hinaspanmi Egipto nacionpi huklaw llaqtayuq hina yachachkaptinku achka-achkaman mirachirqa, chay nacionmantam paykunata atiyninwan hurqomurqa.

Deuteronomio 11:2

Tayta Diospa corregisusqaykichikta reqsikuychik, chaykunataqa manam churikichikkunaqa yachankuchu nitaqmi rikurqakuchu. Tukuy atiyninwan ruwasqankunata hinaspa hatun kaynintayá yuyariychik,

Deuteronomio 15:15

Egipto nacionpi esclavo kasqaykichik-manta Señornikichik Tayta Dios hurqomususqaykichiktam yuyarinkichik. Chayraykum chaynata kunan kamachikichik.

Deuteronomio 26:8

Chaymi hatun atiyninwan, manchakuypaq señalkunawan chaynataq admirakuypaq milagrokunawan Egiptomanta hurqomuwarqanchik,

Deuteronomio 4:23

Qamkunawan Señornikichik Tayta Diospa pacto ruwas-qantaqa amam qonqarunkichikchu. Señornikichik Tayta Diosqa manam munanchu imaman rikchakuq idolotapas ruwakunaykichiktaqa.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 5:15

Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.

Deuteronomio 6:12

Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Deuteronomio 7:19

Kaytam yuyarinkichik: Señornikichik Tayta Diosmi Egipto nacionmanta hatun milagrokunawan chaynataq admirakuypaq señalkunawan hurqomuwarqanchik, chaykunataqa rikurqankichikmi. Chaynatam manchakusqaykichik nacionkunatapas ruwanqa.

Deuteronomio 7:8

Tayta Diosmi qamkunata kuyaspa chaynataq ñawpaq taytaykichikman jurasqanta cumplispan, Egipto nacionpi esclavo kasqaykichikmanta hurqomusurqankichik, hinaspam hatun atiyninwan rey Faraonpa munaychakuyninmanta hurqomusurqankichik.

Deuteronomio 9:29

Paykunaqa qampa runaykikunam, hatu-hatun atiynikiwantaqmi hurqomurqankipas”, nispay.