Éxodo 6:5 - CHUYA QELLQA La Biblia en Quechua de Ayacucho 2012

⁵ Israelpa mirayninkunapa ñakarisqankutapas yachanim, paykunawanmi Egipto runakuna servichikuchkanku. Pacto ruwasqaytaqa manam qonqanichu,

Quechua Ayacucho Bible 1987

⁵ Yachanitaqmi Israelpa mirayninkunaqa sonqonkumanta llakikusqankuta. Paykunatam Egipto runakuna servichikuchkanku ichaqa contratoytaqa manam qonqanichu.

Chuya Qellqa 1992

⁵ Israelpa mirayninkunapa ñakarisqankutapas yachanim, paykunawanmi Egipto runakuna servichikuchkanku. Pacto ruwasqaytaqa manam qonqanichu,

Éxodo 6:5 Iomraidhean Croise

Génesis 8:1

Diosmi qawarirqa Noeyta chaynallataq paywan kuska arcapi kaq llapallan animalkunatapas, hinaspam kay pachata sinchi wayrawan pukuchimurqa, chaymi yakukuna asllayayta qallaykurqa.

Génesis 9:15

hinaptinmi qamkunawan chaynataq llapallan animalkunawan pacto ruwasqayta yuyarisaq. Kaynata hinaqa yakukunapas manañam kay pachapi kawsaqkunata puchukachinqañachu.

Éxodo 2:23

Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Éxodo 2:24

Ñakarispa waqasqankuta Dios uyarispanmi Abrahamwan, Isaacwan hinaspa Jacobwan pacto ruwasqanta mana qonqarqachu.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Éxodo 5:4

Ichaqa Egipto nacionpa reyninmi paykunata nirqa: Yaw Moisés, Aarón, ¿imanasqataq runakunata chaykunawan atrasankichik? Imam ruwanaykichikman kutispa llamkamuychik, nispa.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Lucas 1:54

Serviqnin Israeltam yanapaykurqa, kuyapayakuywan yanapakuqtaqa manam qonqarqachu.

Lucas 1:72

ñawpaq taytanchikkunamanta llakipayarikuspan pacto ruwasqanta yuyarinanpaq.