Éxodo 6:3 - CHUYA QELLQA La Biblia en Quechua de Ayacucho 2012

³ Abrahamman, Isaacman hinaspa Jacobmanmi rikurirqani “Tukuy Atiyniyuq Dios” sutiywan reqsichikuspay; “Tayta Dios” sutiypim ichaqa paykunaman manaraq reqsichikurqanichu.

Quechua Ayacucho Bible 1987

³ Rikurirqanim Abrahanman, Isaacman hinaspa Jacobman “Tukuy Atiyniyoq Dios” sutiywan reqsichikuspay, aswanqa Tayta Dios sutiypiqa paykunamanqa manam reqsichikurqanichu.

Chuya Qellqa 1992

³ Abrahamman, Isaacman hinaspa Jacobmanmi rikurirqani “Tukuy Atiyniyuq Dios” sutiywan reqsichikuspay; “Tayta Dios” sutiypim ichaqa paykunaman manaraq reqsichikurqanichu.

Éxodo 6:3 Iomraidhean Croise

Génesis 13:18

Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 22:14

Abrahammi chay orqota suticharqa “Tayta Diosmi churamunqa” niq sutiwan. Chayraykum kunankama ninku: “Orqonpiqa Tayta Diosmi churamunqa” nispa.

Génesis 28:3

Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Génesis 35:11

Diosqa nirqataqmi: Ñoqaqa Tukuy Atiyniyuq Diosmi kani, churikikunayá achkallaña kachun ancha mirayniyuq kanaykipaq, achka nacionkunam miraynikimanta lloqsinqa, qanmantam reykuna hatarinqa.

Génesis 48:3

hinaspam Joseyta nirqa: Tukuy Atiyniyuq Diosmi Canaán lawpi Luz sutiyuq llaqtapi rikuriykuwaspan

Éxodo 15:3

Tayta Diosqa guerrapi peleaqmi, Tayta Diosmi sutinpas.

Éxodo 23:21

Paypa nisqanta uyarispa kasukuy hinaspa ama contranpiqa hatariychu; payqa ñoqapa rantiypim kachkan, mana kasukuptikichikqa manam pampachasunkichikchu.

Éxodo 3:14

Chaymi Moisesta Dios nirqa: “Ñoqaqa kani Ñoqam”, chaynaqa Israelpa mirayninkunamanmi ninki: “Ñoqam kani” niqmi qamkunaman kachamuwan, nispa.

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Jeremías 16:21

Chayraykum kunanqa atiyniyuq kasqayta paykunaman reqsichisaq, chaynapim yachanqaku sutiyqa Tayta Dios kasqanta.

Jeremías 33:2

Kay pachata unanchaspa tukuy imankunatapas churaspa takyachiq ñoqa Tayta Diosmi kaynata nini:

Ezequiel 20:5

Ñoqa Tayta Diospa nisqayta kaynata niy: Israelta akllakusqay punchawmi mirayninkunaman Egipto nacionpi reqsichikurqani, hinaspaymi jurarqani “ñoqa Tayta Diosmi, Diosnikiqa kani”, nispa.

Ezequiel 37:13

Runallaykuna, sepulturaykichikta kichaykuspay chaymanta hurqomuptiymi Tayta Dios kasqayta yachankichik.

Ezequiel 37:6

Ankuku-natam churasqaykichik, aychawanmi huntaykachisqaykichik, aycha qarawan qarachaykuspaymi kawsarinaykichikpaq kawsay samayta qosqaykichik, chaynapim Tayta Dios kasqayta yachankichik, nispa.

Juan 8:58

Hinaptinmi Jesusñataq nirqa: Cheqaptapunim nikichik, manaraqpas Abraham kachkaptinqa ñoqaqa ñam karqaniña, nispa.

Apocalipsis 1:4

Ñoqa Juanmi, Asia lawpi qanchisnintin llaqtakunapi iglesiakunaman qellqamuykichik. Chaynaqa, ñawpaq kaqpa, kunan kaqpa chaynataq hamuq kaqpa hinaspa Diospa qayllanpi tarikuq qanchisnintin espiritukunapa hawkayayninwan kuyakuyninyá qamkunapi kachun,

Rutwan Sutichasqa Libro 1:20

Chaymi Noemiyñataq nirqa: Amaña Noemí niwaychikñachu, aswanqa Mara niwaychikña, Tukuy Atiyniyuq Diospa sinchi llakirachiwasqanrayku.