Éxodo 6:14 - CHUYA QELLQA La Biblia en Quechua de Ayacucho 2012

¹⁴ Kaykunam taytankumanta sapa ayllupa kamachiqninkuna: Israelpa piwi churin Rubenpa churinkunam karqa: Hanoc, Falú, Hezrón hinaspa Carmi. Paykunam karqaku Rubenpa ayllunkuna.

Quechua Ayacucho Bible 1987

¹⁴ Ñawpa abuelonkupa familianman hina jefekunam kaykuna: Israelpa piwi churin Rubenpa churinkunam karqa Hanoc, Falu, Hezron hinaspa Carmi. Paykunamá karqa Rubenpa ayllunkuna.

Chuya Qellqa 1992

¹⁴ Kaykunam taytankumanta sapa ayllupa kamachiqninkuna: Israelpa piwi churin Rubenpa churinkunam karqa: Hanoc, Falú, Hezrón hinaspa Carmi. Paykunam karqaku Rubenpa ayllunkuna.

Éxodo 6:14 Iomraidhean Croise

Génesis 46:11

Leviypa churinkunam karqa: Gersón, Coat hinaspa Merari.

Génesis 46:9

Rubenpa churinkunam karqa Hanoc, Falú, Hezrón hinaspa Carmi.

1~Crónicas 5:24

Taytamanta ayllunkuman hina kamachikuqkunam karqaku: Efer, Isi, Eliel, Azriel, Jeremías, Hodavías hinaspa Jahdiel, paykunaqa allinnin qari-qari, ancha reqsisqa hinaspa ayllunkupi kamachikuqkunam karqaku.

1~Crónicas 5:3

Israelpa piwi churin Rubenpa churinkunam karqa: Hanoc, Falú, Hezrón hinaspa Carmi.

1~Crónicas 7:2

Tolapa churinkunam karqa: Uzi, Refaías, Jeriel, Jahmai, Jibsam hinas-pa Semuel. Paykunam karqaku ayllun-kupa kamachiqninkuna hinaspa allin-nin qari-qari soldadokuna. Davidpa munaychakusqan tiempopim, Tolapa mirayninkuna karqaku iskay chunka iskayniyuq waranqa soqta pachaknin runakuna.

1~Crónicas 7:7

Belapa churinkunam karqa pichqa: Ezbón, Uzi, Uziel, Jerimot hinaspa Iri. Paykunam ayllunkupi kamachikuqkuna hinaspa allinnin qari-qari runakuna karqaku. Paykunapa mirayninmantam yupasqa karqaku iskay chunka iskayniyuq waranqa kimsa chunka tawayuq guerrapaq allinnin qari-qari soldadokuna.

1~Crónicas 8:6

Aodpa churinkunam karqaku ayllunkupi kamachikuqkuna, paykunaqa Geba llaqtapim yacharqaku, chaymantam Manahat llaqtaman qarqosqa karqaku. Paykunam karqa:

Éxodo 6:13

Chaymi Aarontawan Moisesta Tayta Dios kamachirqa, Israelpa mirayninkunatawan chaynataq Faraonta kaynata nimunankupaq: Tayta Diosmi Egipto nacionmanta Israelpa mirayninkunata hurqonaykupaq kamachimuwanku, nispa.

Éxodo 6:25

Aaronpa churin Eleazarpas Futielpa huknin warmi churinwanmi casarakurqa chaymi wachakurqa Fineesta. Paykunam Leví ayllukuna ukupi kamachikuqkuna karqaku.

Números 1:18

Israelpa llapallan mirayninkunata huñururqaku, iskay kaq killapa qallariynin punchawpi. Chaymi llapallan runakuna ayllunkuman hina listachikurqaku. Llapa qarikunam iskay chunka watayuqmanta hanayman sutin-sutin listasqa karqaku.

Números 26:12

Simeón ayllumantam karqaku: Nemuelpa, Jaminpa, Jaquinpa,

Josué 13:15

Rubén ayllumanmi allpata Moisés qorqa haykam kasqankuman hina.

Josué 13:23

Rubén ayllupa allpankunam chayarqa Jordán mayupa patankama. Tukuy chaykunam llaqtakunawan chaynataq taksa llaqtakunawan kuska herencia allpanku karqa, chay ayllupi haykam kasqankuman hina.

Josué 14:1

Canaán allpatam Israelpa mirayninkunaman paykunapaña kananpaq, sacerdote Eleazarwan Nunpa churin Josué chaynallataq Israelpa mirayninkunapa kamachiqninkuna qorqaku.

Josué 19:51

Kay allpakunatam sacerdote Eleazar, Nunpa churin Josué chaynataq llapa kamachikuqkuna sorteaspanku Israelpa mirayninkunaman qorqaku. Sortearqakuqa Silo llaqtapim Tayta Diosman asuykuna carpapa punkunpi. Chaynatam allpa rakinakuyta tuku-rurqaku.