Éxodo 6:1 - CHUYA QELLQA La Biblia en Quechua de Ayacucho 2012

¹ Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Quechua Ayacucho Bible 1987

¹ Tayta Diosmi Moisesta nirqa: —Kunanmi qawanki Faraonta imam rurasqayta, hatun atiyniywanmi kachaykusunkichik, atiyniywantaqmi wischurusunkichik nacionninmantapas.

Chuya Qellqa 1992

¹ Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Éxodo 6:1 Iomraidhean Croise

2~Reyes 7:19

Chaynata profeta Eliseo niptinmi reypa yanapaqnin soldado nirqa: Hanaq pachapa ventanankunataña Tayta Dios kunan kichaykamuptinpas manam chaynaqa pasakunmanchu, nispa. Hinaptinmi Eliseo nirqa: Qamqa rikunkim ichaqa manam mikunkichu, nispa.

2~Reyes 7:2

Chaymi profeta Eliseota reypa yana-paqnin nirqa: Hanaq pachapa ventanankunataña Tay-ta Dios kichaykuptinpas manam chay nisqaykiqa cumplikunmanchu, nispa. Hinaptinmi Eliseo nirqa: Qamqa rikunkim ichaqa manam mikun-kichu, nispa.

2~Crónicas 20:17

Manam qamkunachu chay guerrapiqa peleankichik, chaynaqa maymi kasqaykichikpim qasillalla kankichik, hinaspam qawankichik imaynam Tayta Diospa librasusqaykichikta. Chaynaqa, Judá runakuna hinaspa Jerusalenpi kaqkuna, ama manchakuychikchu nitaq hukmanyaychikchu, paykunapa contranpi paqarin lloqsinkichik, Tayta Diosmi qamkunawan kanqa, nispa.

Éxodo 11:1

Moisestam Tayta Dios nirqa: Faraonmanwan Egipto runakunamanmi huk castigotawan apamusaq, chay castigopa qepantam kachaykusunkichik, hinaspam llapallaykichikta qarqosunkichik.

Éxodo 12:31

Chay tutam Moisestawan Aaronta qayachispan Faraón nirqa: Qamkunapas chaynataq Israelpa mirayninkunapas runaykunapa chawpinmanta lloqsiychik hinaspa nis-qaykichikpi hina Tayta Diosta yupay-chamuychik.

Éxodo 12:33

Egipto runakunam hikutarqaku Israelpa mirayninkunata Egiptomanta lloqsinankupaq, llapallanku wañuruyta piensasqankurayku.

Éxodo 12:39

Egiptomanta mana levadurayuq masa apamusqankumantam tortillakunata ruwarqaku, Egiptomanta qarqomuptinkum mana tiemponku karqachu qoqawllapas ruwakunankupaq.

Éxodo 13:14

Churiki qepa punchawta tapususpayki: “¿Imataq kayqa?” nisuptikiqa kaynatam ninki: “Tayta Diosmi esclavo kasqaykumanta hatun atiyninwan Egipto nacionmanta hurqomuwarqaku.

Éxodo 13:16

Chaynaqa, qampaqmi kanqa makikipiwan urkuykipi marca hina, Egipto nacionmanta hatun atiyninwan Tayta Dios hurqomuwasqankuta ama qonqanaykipaq”, nispa.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Éxodo 15:6

Dios Taytallayku, atiynikitam qawaykachikunki; Dios Taytallayku, alleq makikiwanmi enemigota ñutururqanki.

Éxodo 7:4

Chaywanpas Faraonqa manam uyarisunkichikchu, chaymi Egipto nacionta ñakarichispay Israelpa mirayninkunata tropaykunata hina hurqosaq.

Éxodo 7:5

Egipto runakunaman atiyniyta qawachispay Israelpa mirayninkunata paykunapa chawpinmanta hurqoptiymi, Egipto runakuna yachanqaku ñoqa Tayta Dios kasqayta.

Isaías 63:12

¿Maypitaq kachkan Moisesta yanapananpaq admirakuypaq atiyninta kachamuqqa? ¿Maypitaq kachkan llaqtanpa qayllanpi lamar qochata kichariqqa? ¿Maypitaq kachkan wiñaypaq reqsisqa kananpaq chaykunata ruwaqqa?

Números 11:23

Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Números 23:23

Jacobpa mirayninpa contranpiqa manam layqapas atinmanchu, Israelpa mirayninpa contranpiqa manam qatipaqkunapas atinmanchu. Kunanqa Jacobmantawan Israelmantam ninqaku: “¡Mayna admirakuypaqmi qanwan Diospa ruwasqanqa!” nispanku.

Hechos 13:17

Israel runakunapa Diosninmi ñawpaq taytanchikkunata akllarqa, hinaspanmi Egipto nacionpi huklaw llaqtayuq hina yachachkaptinku achka-achkaman mirachirqa, chay nacionmantam paykunata atiyninwan hurqomurqa.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.