Éxodo 5:6 - CHUYA QELLQA La Biblia en Quechua de Ayacucho 2012

⁶ Hinaspanmi hina chay punchawllapi, llapa llamkachiqkunatawan capatazkunata kaynata kamachirqa:

Quechua Ayacucho Bible 1987

⁶ Hinaptinmi chay punchawpuni llamkachiqkunatawan capatazkunata Faraon kamachirqa:

Chuya Qellqa 1992

⁶ Hinaspanmi hina chay punchawllapi, llapa llamkachiqkunatawan capatazkunata kaynata kamachirqa:

Éxodo 5:6 Iomraidhean Croise

2~Crónicas 26:11

Kapurqataqmi guerrapi peleaq soldadonkunapas, paykunam guerraman tropa-tropa lloqsiqku reypa secretarion Jehielpa lista ruwasqanman hina chaynataq reypa serviqnin Maasiaspa rakisqanman hina; chay tropakunapa kamachiqninmi karqa reypa churasqan Hananías.

Éxodo 1:11

Chaynapim capatazkunata churarurqaku, sasa llamkaykunawan Israelpa mirayninkunata ñakarichinankupaq. Paykunawanmi ruwachirqaku Pitón llaqtatawan Ramesés llaqtata, chay llaqtakunapim rey Faraón kawsaykunata waqaychaq.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Éxodo 5:10

Chaymi llamkachiqkunawan capatazkuna lloqsispanku runakunata nirqaku: Rey Faraonmi kaynata nin: “Pajataqa manañam qosqaykichikñachu.

Éxodo 5:19

Israelpa mirayninmanta kaq capatazkunam sasachakuypi rikurirurqaku: “Amam menosyachinkichikchu sapa punchaw adobe chutaytaqa” nisqanwan.

Éxodo 5:7

Kunanmantaqa amañam adobeta chutanankupaq pajata qonkichikñachu, kikinkuñam huñukamunqaku.

Proverbios 12:10

Allin ruwaq runaqa uywankunatapas nanachikunmi, mana allin runam ichaqa mana llakipayanchu.

Números 11:16

Chaymi Moisesta Tayta Dios nirqa: Israelpa mirayninkunamanta reqsisqayki qanchis chunka ancianokunata otaq paykunapi kamachikuqkunata huñumuway hinaspa asuykamuwanaykichik carpapa punkunman pusamuptiki qanwan kuska suyachunku.

Deuteronomio 1:15

Chaymi sapa ayllumanta allin yachayniyuq chaynataq allin experienciayuq runakunata akllarqani, hinaspaymi kamachiqnikichik kananpaq churarqani, chaynapi waranqa runakunata, pachak runakunata, pichqa chunka runakunata, chunka runakunata kamachinankupaq. Wakintañataqmi sapa aylluta kamachinanpaq churarqani.

Deuteronomio 16:18

Señornikichik Tayta Diospa sapa aylluman qosunaykichik llaqtakunapim juezkunatawan kamachikuqkunata churankichik, chaynapi runakunapa quejanta arreglanankupaq.

Josué 24:1

Josueymi Israelpa mirayninkunata Siquem llaqtaman qayachispan llapa ancianokunata, kamachikuqkunata, juezkunata chaynataq capitankunatapas Tayta Diospa qayllanman huñururqa.

Josué 24:4

Isaacmanmi churin Jacobtawan churin Esauta qorqani. Esaumanmi yachananpaq Seir law orqokunata qorqani. Jacobñataqmi mirayninkunapiwan Egipto nacionman ripukurqaku.

Josué 8:33

Israelpa mirayninkunañataqmi, paykunawan yachaq huklaw llaqtayuqkunawan, ancianokunawan, juezkunawan, kamachikuqkunawan kuska, Tayta Diospa Arcanpa kaylawninpi waklawninpi sayarqaku, Diospa Arcan apaq sacerdotekunapa ñawpaqninpi. Wakinmi Gerizim orqo lawman sayarqaku, wakinñataqmi Ebal orqo lawman. Chaykunatam ruwarqaku Tayta Diospa serviqnin Moisespa kamachisqanman hina. Chaypim sacer-dotekuna Israelpa mirayninkunata chayllaraq bendecirqaku.