Éxodo 40:38 - CHUYA QELLQA La Biblia en Quechua de Ayacucho 2012

³⁸ Tayta Diospa puyunmi Diosman asuykuna carpapa hawanpi punchaw karqa, tutanñataqmi kancharichkaq nina, chaynam karqa Israelpa mirayninkuna mayman riptinkupas.

Quechua Ayacucho Bible 1987

³⁸ Ichaqa Tayta Diospa puyunmi punchawqa kaq yachanan karpapa hawanpi, tutañataqmi hina chaypa hawanpitaq kaq kancharichkaq nina chaynapi Israelpa castankunata riptinku kanchananpaq.

Chuya Qellqa 1992

³⁸ Tayta Diospa puyunmi Diosman asuykuna carpapa hawanpi punchaw karqa, tutanñataqmi kancharichkaq nina, chaynam karqa Israelpa mirayninkuna mayman riptinkupas.

Éxodo 40:38 Iomraidhean Croise

2~Samuel 7:6

Egipto nacionmanta Israelpa mirayninkunata hurqomusqay punchawmantam kunankama templopiqa mana yacharqanichu, aswanqa carpallapi yachastinmi purirqani.

Éxodo 13:21

Punchawmi Tayta Dios paykunapa ñawpaqninta sayanpa puyupi rirqa, tutañataqmi achkinanpaq sayanpa ninapi rirqa, chaynapi tutapas punchawpas rinankupaq.

Éxodo 13:22

Paykunapa ñawpaqninmantaqa manam punchawpi sayanpa puyupas nitaq tutapi sayanpa ninapas karunchakurqachu.

Números 10:34

Campamentomanta lloqsiruptinkum Tayta Diospa puyun paykunapa hawanta rirqa.

Números 9:12

Ofrecesqanku animalpa aychantaqa amam paqarinnintin punchawkamaqa puchunqakuchu, nitaqmi tulluntapas pakinqakuchu. Pascua fiestataqa kamachikuyniykunaman hinam ruwankichik.

Números 9:15

Diospa yachanan carpata otaq chunkantin kamachikuy waqaychana carpata sayarirachiptinkum chay carpata puyu tapaykurqa. Tutaykuqmanta achikyaqkamañataqmi nina hina kancharqa.

Números 9:16

Chaynallam sapa punchaw karqa: Punchawmi carpata puyu tapaykuq, tutanñataqmi nina hina kanchaykuq.